Numera 19:18 - Intas Etipup

¹⁸ etmu lep leh hisop tah natimi adicinadicin um ahtaijuli an wai, um ohaig neom atga iran, im niji itai asega, im natimi asega eris amen iran ara, im lep yin is atcei pan tah neduon aien, ka tah natimi eris atgei yin, ka tah natimi mas, ka tah netheso:

Numera 19:18 Iomraidhean Croise

Saam 51:7

Napu ohwaig nyak aiek irai hisop, va ekpu adicinadicin ainyak; napu yiri nyak aiek, va etpu ahi ainyak um esjilid irai sno.

Saam 51:9

Namu adenaig nesganimtam aiek va nedo has unyak, um ohpodohpod nedo acalacal unyak.

Aiseya 52:15

Et idim uco, etpu ohwai nup urai pece inyi ahinag aien; erupu eti tas vai yin a ilpu atimarid: vaig inig nikavaig, era mun ecetai nitai iji igki ara eris eti asuptecnaig ehele ra; era mun lep atahaijeg nitai iji igki ara eris eti ahgei ara.

Numera 19:17

Uhmu leh nohpa irai kurimatau atahig eris atnamud, va natimi inig et has aien, par iknipagki nedo has, um ati inwai ahlau ohua iran an nipjinitai:

Numera 19:19

Etmu ohaig natimi inig et has aien a natimi adicinadicin an nadiat dirt, im lep an nadiat sevend: ja etmu yiri yin aien an nadiat sevend, um ohpoi napelumai o un um ereuc, ja etpu adicinadicin aien an jupura.

Numera 19:9

Ja etmu asjapicnaig nohpa irai kurimatau tah natimi adicinadicin, um atipagki an nuarin amen u atimi, um ati an nuarin lah itac, uhmu aminjinaig vai nup Isreel par ago iran er upene vaig: nitai iknipagki nedo has nigki.

Joanes 17:17

Namu ikni ra aiek an ninivaijec unyum: et inivaijec intas unyum.

Joanes 17:19

Ek ati nyak ainyak vai ra mika uhpu lep ikni ra an tas inivaijec.

1 Nupu Korindus 1:30

Eka lep amen ehele Iesu Kristo aijaua vai Atua, is ati yin aien mika yi ahes ehelen narapakau uja, im nika o Atua et atoh nedo uja, im nedo upene uja, im nitai imyiatamaig caija:

Ilpu Hibru 9:14

et idim esjilid inja irai Kristo, par ago adicinadicin inliinmopomia va nauritai mas vaig, mika aki aheca u Atua umoh aijaua: is ti nitai has iran, is ispun ahlap iran aien vai Atua irai Nesgan Upene ineig et amen irai iji mesese.

Ilpu Hibru 9:19

Is wat esvi intas asega o Atua a Moses ehele atimi asega, et idivaig intas alep, is leh inja irai kurimatau atamaig im nanin aicn, im inwai, im nalau irai siip, is cop, im hissop, um ohaig an nitasvitai im lep ira atimi asega,