Numera 19:15 - Intas Etipup

¹⁵ Inyi lep has nipjiitai asega is eti ipjin intapnes iran.

Numera 19:15 Iomraidhean Croise

Levitikus 11:32

El et etjose tah nitai iji igki et mas, an tah nitai, etpu has; kit nipjinitai, ka napclumai, ka narasi itai, ka incet itai, el et ipjinitai er ago itai iran, uhmu atise an wai, etpu has um yetpan an jupura, mika yi upene;

Levitikus 11:33

El et etjose tah nitai iji igki an tah nipjinitai obohtan, inyi has itai iran; akumu ahtagrei aijaua.

Levitikus 14:36

etmu asaig a natimi ahlap mika eri uhup ara um iknipagki itai an neom, ja etmu apan iran a natimi ahlap, um almaijidjid nitai has, vai yi jim has niji itai asega anliin neom: etmu apitac aien um apan anliin neom, um almaijidjid neom:

Numera 19:14

Intas alep nigki etu wit mas tah natimi an neom atga o un: erupu has ira adiat inyi seven ara asega era apan anliin neom atga ara, im lep niji itai asega iran.

Numera 19:16

El et atcei pan tah eris atgei yin an nedoa an lelitai tah natimi, ka atcei pan nohui tah natimi mas, ka neduon tah natimi, ka tah netheso, etpu has aien ira adiat inyi seven.

Numera 31:20

Akumu lep yiri napelumai asega unyimia aijaua, im niji itai asega er ago ira arasi itai eklim edo irai pece, im nap asega irai umri anin, im niji itai asega er ago irai cai.