Numera 19:13 - Intas Etipup

¹³ El et atcei pan nohui natimi mas tah natimi, jam eti yiri yin, et auahas neom itap u Ihova aien; uhmu atipagki natimi naico ehele nup Isreel: eris eti ohai yin an wai er upene vaig, va nitai inigki etpu has aien; et amen nemig iran.

Numera 19:13 Iomraidhean Croise

Eksotus 30:33

El et ago tah et idivaig inig tah, ka aspi tah tup natimi iran, uhmu atipagki yin ehele ilpu etwan.

Niji tas Arapakau 14:32

Er auroauro um auahas ilpu atimi auatatimi an nedo has ura: ja era emda a ilpu atimi upene, um aitgaig itai upene an mas ura.

Esikiel 44:26

Ja etu wit ago adicinadicin yin aien, erumu esvi nadiat inyi seven imi yin ara.

Levitikus 15:31

Et idim uco akumu atipagki inhas irai up Isreel; va eri jim emesmas ara vai inhas ira ra, eru wit auahas neom itap unyak ara et amen ehele ra.

Levitikus 20:3

Ekpu aat irai natimi iyehki ainyak, um atipagki yin ehele nup uran pece o un; vaig inig nikavaig, et mun ati tah ilpu hal o un aien imi Molek, mika yi auahas nimnim itap unyak aien, um tup asaig nidak upene.

Levitikus 22:3

Namu ika ehele ehtaij aiek, El et eteuc tah natimi inig irai ilpu mapomitaij asega irai iji mesese, el et apam ubutpotet u nitai itap iji ig aien, era ikni vai Ihova a nup Isreel, et wat amen iran inhas o un, uhmu atipagki natimi iyehki an nuhup unyak: et uce intas alep unyak Ihova.

Levitikus 22:4

El et eteuc tah irai ilpu mapoi Eron el et atimi lepros aien, ka el et ared nida iran; etmu jim caig nitai caig itap aien, um yetpan au nopan iyehki etpu cehcehe aien. Im lep inig, aien et atcei tah nitai aien et has va nohui natimi mas, ka natimi inig et ahes ehelen nemda o un;

Levitikus 5:17

El et ago nedo has tah natimi, um ago tah nedo inig et itap vai intas alep u Ihova, jam eti ato; et amen iran nedo has, etpu lep lucsei nimtan nedo has o un aien.

Levitikus 5:3

ka el et ubli tah nitai has ira atimi aien, irai iji itai has asega era has vaig ara, jam eti ato; ja et par apitac aien um ato, et amen nedo has iran vaig:

Levitikus 5:6

etmu imiapam ehele Ihova aien nitai ahlap va nedo ahnag o un is ago aien, inhakli siip atahig inyi ethi, ka inhakli nanin atahig inyi ethi, nitai ahlap va nedo has; etmu ahlap vai yin va nedo has o un a natimi ahlap.

Levitikus 7:20

El et caig nohui niji itai ahlap naaurinig vai Ihova tah natimi, et wat amen inhas iran, uhmu atipagki natimi inig ehele atimi o un.

Levitikus 7:21

Im lep inig, el et ubli pan tah nitai has tah natimi, kit inhas ira atimi, ka nitai eklim edo irai pece has, ka tah nitai has er amcel vaig, ja pah caig nohui nitai ahlap naaurinig vai Ihova, uhmu atipagki natimi inig ehele atimi o un.

Numera 15:30

Ja el et imipalea Ihova a natimi inig et ago tah nitai aien an liinmopon ijinies, kit et up uran pece aien, ka nup an taka uarin, et asan tas has vai Ihova aien; uhmu atipagki natimi inig ehele atimi.

Numera 19:14

Intas alep nigki etu wit mas tah natimi an neom atga o un: erupu has ira adiat inyi seven ara asega era apan anliin neom atga ara, im lep niji itai asega iran.

Numera 19:18

etmu lep leh hisop tah natimi adicinadicin um ahtaijuli an wai, um ohaig neom atga iran, im niji itai asega, im natimi asega eris amen iran ara, im lep yin is atcei pan tah neduon aien, ka tah natimi eris atgei yin, ka tah natimi mas, ka tah netheso:

Numera 19:19

Etmu ohaig natimi inig et has aien a natimi adicinadicin an nadiat dirt, im lep an nadiat sevend: ja etmu yiri yin aien an nadiat sevend, um ohpoi napelumai o un um ereuc, ja etpu adicinadicin aien an jupura.

Numera 19:20

Ja natimi inig et has aien, um eti yiri yin, uhmu atipagki yin ehele atimi, is idim auahas nuarin itap u Ihova aien: eris eti ohai yin an wai er adicinadicin vaig; et has aien.

Numera 19:9

Ja etmu asjapicnaig nohpa irai kurimatau tah natimi adicinadicin, um atipagki an nuarin amen u atimi, um ati an nuarin lah itac, uhmu aminjinaig vai nup Isreel par ago iran er upene vaig: nitai iknipagki nedo has nigki.

Numera 8:7

Ago adicinadicin ra an nedo inigki: Ohai ra irai wai er upene vaig, erumu lep ucsei nohura asega ara, um yiri apelumai ura, um ago adicinadicin ra.

Numera 9:13

Ja natimi inig et upene aien, um eti atga an taka uarin, jam eti aminjinaig nahtaregdei atimi, uhmu atipagki natimi inig ehele ilpu atimi o un: etpu amen nedo has irai natimi inig, va nedo o un, nikavaig, is eti imiapam nitai ahlap vai Ihova aien an nopan eris ati.

Joanes 8:24

ek mun idim asaig ehelemia ainyak mika, akupu emesmas an nedo has unyimia aijaua: el eka eti imyiisjis ninivaijec aijaua, nikavaig, ek atimi iyehki ainyak, akupu emesmas an nedo has unyimia aijaua.

Ilpu Hibru 10:29

ja eka ikha aijaua, etpu esjilid neruvaig ineig eri asuptecnaig imi yin is auhi Inhal o Atua aien, um ika et takitai inja irai intas-etipup iyehki eris ago upene yin iran, um imyiafakahcil Nesgan Upene et aiheuc?

Ilpu Hibru 9:10

Eris ago nedo ineigki an nitai caig, im nitai umnyi, im inyiri acheiachei, im nedo an nobohtan, eris ikni um uhum pan naopan iyehki uhpu lep ikni upene itai.

Nitai ehvaig 21:8

jai ilpu atimi auatialidi, im ilpu atimi imyiisjis nahcil, im ilpu atimi ago nedo er amcel vaig, im ilpu atimi atgei atmas, im ilpu atimi ago ingaijid, im ilpu atimi araces, im ilpu atimi alaigaheni vai ilpu atmas, im ilpu atimi asan tas ahcil asega, erupu amen ara an netpin et alauma vai incop im narekwas: inmas epitpitac neigki.

Nitai ehvaig 22:11

Aien et eti atoh nedo o un aien, inyi idim eti atoh nedo o un aien: aien et has aien, inyi idim has aien: aien et atoh nedo o un aien, inyi idim atoh nedo o un aien: aien et upene aien, inyi idim upene aien.

Nitai ehvaig 22:15

Erupu amen itac a ilpu atimi auarobotpotedo, im ilpu atimi araces, im ilpu atimi ago ingaijid, im ilpu atimi atgei atmas, im ilpu atimi alaigaheni vai ilpu atmas, im lep atimi asega era imyiarakei intas ahcil ara um asaig.