Numera 19:11 - Intas Etipup

¹¹ El et atcei pan nohui natimi mas tah etpu has aien ira adiat inyi seven.

Numera 19:11 Iomraidhean Croise

Aiseya 52:11

Akumu atga unyimia aijaua, akumu atga unyimia aijaua, akumu udei eahki aijaua um jim atcei tah nitai has; akumu ahes eahki aijaua; akumu adicinadicin aijaua, ak ilpu atimi apos niji ipjiitai u Ihova.

Niji tas taigtai 4:14

Eris ahnag ara irai efalaig et idivaig ilpu atimi apat nesganimtara, era mun has ara va natgei atmas ura, is par itap vaig tah natimi par atcei napelumai ura.

Esikiel 39:12

Erupu atelmoi ra a nup Isreel irai mohoc inyi seven, mika eri ahre inpece ura.

Esikiel 44:26

Ja etu wit ago adicinadicin yin aien, erumu esvi nadiat inyi seven imi yin ara.

Levitikus 11:31

Inyi has vai caua nitai iji igki irai iji itai asega et acrac: el et ubli nohura emesmas tah, etpu has aien um yetpan an jupura.

Levitikus 21:1

IS ika a Ihova ehele Moses, Namu tas ehele ohwat atimi ahlap aiek, ohwat hal u Eron, um ika ehele rau, Etmu jim auahas nitap o un tah natimi ahlap vaig tah natimi mas irai up uran pece o un;

Levitikus 21:11

im lep inig, etmu jim apan ubutpotet u nohui atimi mas aien, etmu jim auahas nitap o un aien vai etman, ka vai risin;

Levitikus 22:4

El et eteuc tah irai ilpu mapoi Eron el et atimi lepros aien, ka el et ared nida iran; etmu jim caig nitai caig itap aien, um yetpan au nopan iyehki etpu cehcehe aien. Im lep inig, aien et atcei tah nitai aien et has va nohui natimi mas, ka natimi inig et ahes ehelen nemda o un;

Levitikus 5:2

Im lep inig, el et ubli tah nitai has tah natimi, jam eti ato, kit nohun tah nitai eklim edo irai pece aleg et mas um has, ka nohun tah nitai eklim edo irai pece auata upene is mas um has, ka nohun tah nitai atahas an nobohtan et mas um has, jam eti ato; et wat amen nedo has iran vaig:

Haceai 2:13

Is lep ika a Haceai, El et atcei pan tah nitai iji igki tah natimi et mun has aien va nohui natimi mas, inyi has nitai iji igki vaig, ka oʼo? Eris tas a ilpu atimi ahlap, um ika, Etpu has vaig.

Numera 19:16

El et atcei pan tah eris atgei yin an nedoa an lelitai tah natimi, ka atcei pan nohui tah natimi mas, ka neduon tah natimi, ka tah netheso, etpu has aien ira adiat inyi seven.

Numera 31:19

Akumu amen itac aijaua va nuarin amen u atimi: el is atgei tah natimi tah, el is lep atcei pan tah natmas tah, akumu yiri caua aijaua im lep ilpu aheca unyimia an nadiat dirt im nadiat sevend.

Numera 5:2

Asaig ehele nup Isreel mika eri iknipagki an nuarin amen u atimi ilpu atimi lepros asega, im ra asega et ared nida ira ra, im ra asega era has ara va nohui ilpu atimi emesmas:

Numera 6:6

Etmu jim apan o un tah natimi mas aien irai iji adiat an nitap o un vai Ihova.

Numera 9:10

Namu tas aiek ehele nup Isreel, um ika, El et auahas nitap o un tah caua ka tah ilpu mapomia va nohun natimi mas, ka atga an taka uarin, etmu aminjinaig nahtaregdei atimi va Ihova aien.

Numera 9:6

Eris has hal atimi va nohun natimi mas is ethi, is ehka vai ra naminjinaig vaig nahtaregdei atimi an nadiat iyehki: eris apan ara an nuhup u Moses, im lep an nuhup u Eron an nadiat iyehki:

Niji auritai o ilpu Apostolo 21:26

Is leucse natimi iji ehki a Paulo, is wat lahlah an tak apnyin, is ago itaup ra aien, im lep yin, um apan anliin neom ahlap, par asuptecnaig mika uhpu apos nadiat iji ehki eris ago itaup ra iran, um lep ahlap vai ra asega.

Niji auritai o ilpu Apostolo 21:27

Is wat ubutpotet o inti pan itac vaig nadiat is seven iji ehki, eris ecet yin anliin neom ahlap a nupu Jutaia eris ahes Esya ara, eris auahas inliinmopoi atimi asega ara, um arop iran,

Nupu Roma 5:12

Va nitai ineigki is yetpam nedo has an nohohtan vai natimi is ethi, im lep inmas va nedo has; et um ucco, is apaahni inmas ira atimi asega, va nitai ineigki, nikavaig, eris idim ago nedo has natimi asega:

2 Nupu Korindus 6:17

Va nitai ineigki, et ika a Natimarid, “Akumu ude ra aijaua, um echim amen, um jim ubli pan tah nitai has, ekpu leh caua ainyak;”

Nupu Efesus 2:1

AKIS wat emesmas aijaua an nauatatimi im nedo has unyimia, is imyiatamumoh caua aien;

Ilpu Hibru 9:14

et idim esjilid inja irai Kristo, par ago adicinadicin inliinmopomia va nauritai mas vaig, mika aki aheca u Atua umoh aijaua: is ti nitai has iran, is ispun ahlap iran aien vai Atua irai Nesgan Upene ineig et amen irai iji mesese.