Numera 18:9 - Intas Etipup

⁹ Etpu unyum nitai inigki irai iji itai itap acen er eti atnamud: nikavaig, inyi itap acen imi euc im ilpu hal unyum niji itai ahlap asega ura, im niji itai ahlap asega an nitai caig ura, im niji itai ahlap asega ura va nedo has, erupu ikni vai nyak ara.

Numera 18:9 Iomraidhean Croise

2 Ilpu Atimarid 12:17

Is apan a Haseel natimarid u nup u Siria an nopan iyehki, um ati nedoa Cad, um atoraliak: is lep ika a Haseel yi apan Jerusalem.

Nihemaia 10:36

im lep inmeto irai ilpu halav atamaig uja, im niji itai eklim edo irai pece uja, et idivaig eris aged an tas alep, im inmeto irai kurimatau uja, im siip uja, par imiapam an neom u Atua uja, ehele ilpu atimi ahlap era aheca an neom u Atua uja ara:

Esikiel 42:13

Is ika ehelek aien, Et uari iyum itap niji uari iyum an nahaijin inig et ahes narutu iran, im niji uari iyum an nahaijin inig et ahes nuritoga iran, nuari iyum iji ig marom et uhup u nuarin lah; erupu hegaig niji itai hegaig itap esjilid eahki a ilpu atimi ahlap iji ig era apam ubutpotet ehele Ihova: erupu lep ikni niji itai itap esjilid eahki ara, im niji itai ahlap er caig, im niji itai ahlap va nedo has, im niji itai ahlap va nedo acalacal; et idim itap nuarin iyehki.

Esikiel 44:29

Erumu hegaig ara niji itai ahlap eh caig, im niji itai ahlap va nedo has, im niji itai ahlap va nedo acalacal; etmu lep ura niji itai asega iji ig an pece Isreel er ika et itap.

Levitikus 10:17

Ehtaij mun a uri aijautaij par eti caig nitai ahlap va nedo has an nuarin itap, et idim itap esjilid, is alupai cautaij a Atua mika ehtiji iknipagki nedo has o atimi aijautaij, um ahlap va nedo has ura an nuhup u Ihova?

Levitikus 14:13

etmu atgei inhakli siip aien an nuarin er atgei nitai ahlap va nedo has iran im nitai ahlap atnamud, an nuarin itap: et ohuun nitai ahlap va nedo ahnag a natimi ahlap, et idivaig et ohuun nitai ahlap va nedo has aien; et idim itap esjilid:

Levitikus 2:10

Ja etmu ohuun a Eron im ilpu hal o un nitai caig inig et eled an nitai ahlap: et idim itap nitai inig irai iji itai ahlap vai Ihova er ago an cap.

Levitikus 22:11

Ja el et auanimtan tah natimi tah natimi ahlap va mune o un, etmu caig nitai caig itap aien, im lep ra eris apos ra an nimnim o un: erumu caig nitai caig itap ara.

Levitikus 22:7

Etu wit ete nagesega, etpu adicinadicin aien ja par apitac aien um caig nitai caig itap; et idim nitai caig incan.

Levitikus 4:22

El et ago nedo has tah natimi alupas, vaig tah intas alep u Ihova Atua o un, va neti ato o un, um ago tah nedo inig et eti upene nago vaig, um amen nedo has iran;

Levitikus 4:27

El et ago nedo has tah tup natimi, vaig tah intas alep o Ihova, va neti ato o un, um ago tah nedo inig et eti upene nago vaig, um amen nedo has iran;

Levitikus 5:1

IM lep inig, el et ago tah nedo has tah natimi, nikavaig, el et atahaijeg intas aktit vai yin tah aien; et wat atimi asuptecnaig nedo o un tah aien, ja et ateri aien va nedo inig is ecetai aien ka is atahaijeg aien; et ago nedo has aien, etpu lucsei nimtan nedo has o un aien.

Levitikus 5:6

etmu imiapam ehele Ihova aien nitai ahlap va nedo ahnag o un is ago aien, inhakli siip atahig inyi ethi, ka inhakli nanin atahig inyi ethi, nitai ahlap va nedo has; etmu ahlap vai yin va nedo has o un a natimi ahlap.

Levitikus 6:17

Uhmu jim ati leven iran. Ek mun alupai ra ainyak inuarin imi ra irai iji itai ahlap unyak er ago an cap; et idim itap esjilid et idivaig nitai ahlap va nedo has, um idivaig nitai ahlap va nedo ahnag.

Levitikus 6:19

Is tas a Ihova ehele Moses, um ika,

Levitikus 6:30

Uhmu jim caig tah nitai ahlap va nedo has, er imiapam inja iran anliin neom er asjapicnaig o un par asa nigpa iran an nuarin itap: uhmu atnamud an cap.

Levitikus 7:1

INTAS alep va nitai ahlap va nedo ahnag nigki: et idim itap.

Levitikus 7:6

Erumu caig a ilpu atamaig asega irai ilpu atimi ahlap: uhmu caig an nuarin itap: et idim itap esjilid.

Levitikus 7:7

Et idivaig nitai ahlap va nedo has nitai ahlap va nedo ahnag: et tup apapa intas alep vai nitai iraigki: etmu ohuun a natimi ahlap inig et ahlap iran aien.

Numera 18:10

Uhmu caig an nuarin itap acen; erumu caig a ilpu atamaig asega: inyi itap imi euc.

Tyuteronome 18:1

Eri jim ohuun tah nobohtan ka tah nitai ehele nup Isreel a ilpu atimi ahlap, im ilpu mapoi Livai, ilpu mapoi Livai asega marom: erumu caig niji itai ahlap atnamud vai Ihova ara, im nahaijin imi yin.