Numera 18:8 - Intas Etipup

⁸ Is ika a Ihova ehele Eron, Ek mun ati euc ainyak mika an aminjinaig niji itai ahlap asjaig jipe unyak aiek irai iji itai itap asega u nup Isreel; ek mun alupai euc ra ainyak, im ilpu hal unyum, va naspi caua vaig, vai intas alep irai iji mesese.

Numera 18:8 Iomraidhean Croise

2 Ilpu Atimarid 12:16

Eris eti imiapan anliin neom u Ihova mune va nedo ahnag im mune va nedo has: eris ohuun a ilpu atimi ahlap.

2 Niji Tas Eled 31:4

Im lep inig, is tas alep ehele atimi amen Jerusalem aien, mika eri alupai ilpu atimi ahlap, im ilpu mapoi Livai nahaiji itai ura ara, va erupu emda u intas alep u Ihova ara.

2 Niji Tas Eled 31:5

Is wat apaahni intas alep, eris auroauro a nup Isreel um imiapam alupas inhupnai hwiit, im nide vaine, im narakei oliv, im hune, im nahaiji ohwai itai asega ira ahapol ura; eris imiapam alupas nahaijin tend ara irai iji itai asega ura.

Eksotus 28:43

erumu aso ra iran a Eron im ilpu hal o un, eru wit apan ara anliin neom atga, im lep an napan vaig ura ubutpotet u natau par ago itai an nuarin itap; va eri jim lucsei nedo has ara um emesmas: intas alep nigki vai yin im ilpu hal o un im ilpu mapon irai iji mesese.

Eksotus 29:21

Namu leh tah inja ijinies an natau aiek, im narakei aspi, um ohaig irai Eron im napelumai o un, im ilpu hal o un, im napelumai u ilpu hal o un: etpu itap aien, im napelumai o un, im ilpu hal o un, im napelumai u ilpu hal o un.

Eksotus 29:28

etmu ohuun a Eron im ilpu hal o un vai intas alep imi nup Isreel irai iji mesese: nitai ahlap asjaig jipe nigki: etmu itai ahlap asjaig jipe u nup Isreel nigki irai iji itai ahlap ura va nigpa, nitai ahlap asjaig jipe ura marom vai Ihova.

Eksotus 29:29

Erumu lep ohuun napelumai itap u Eron a ilpu hal o un erupu epitpitac iran ara, va uhpu aspi ra iran, um ikni ra iran.

Eksotus 40:13

Namu aso Eron aiek ira apelumai itap, um aspi yin, mika yi itap aien; va etpu ago nauritai u natimi ahlap aien vai nyak.

Eksotus 40:15

namu lep aspi ra et idivaig as aspi etmara aiek, mika eri ago nauritai u ilpu atimi ahlap vai nyak ara: eri aspi ra mika eri ago nauritai u ilpu atimi ahlap ara, im ilpu hal ura, im ilpu mapora, irai iji mesese.

Aiseya 10:27

Au nopan iyehki uhpu atipagki nitai ahelwei o un an neuhlim, im nitai arore o un an nauinwam, uhpu lep auahas nitai arore o im an narakei.

Levitikus 21:10

Etmu jim atipagki incat adgaig o un a natimi esjilid an nahlap, um jim ahpati napelumai o un, nikavaig, et esjilid irai ilpu etwan aien, eris lep atladwi narakei itap an nidjinin, eris lep ati yin mika yi aso yin ira apelumai itap aien;

Levitikus 23:20

Etmu ohaig jipe pan ira areto eraigki u inhupnai korn a natimi ahlap nitai ahlap ohaig jipe an nuhup u Ihova, im lep nakli siip eraigko et ero: etmu itap nitai ahlap iji igki imi Ihova vai natimi ahlap.

Levitikus 6:16

Ja erumu caig inuarin inig et eled a Eron im ilpu halav atamaig o un: uhmu caig pan ira areto et ti leven iran an nuarin itap; erumu caig ara anliin nokoro an neom er asjapicnaig o un.

Levitikus 6:18

Erumu caig a ilpu halav atamaig asega u Eron. Etmu amen aktit intas alep inigki imi caua im ilpu mapomia irai iji mesese, va niji itai ahlap vai Ihova er ago an cap: erumu itap ara sji igki asega era ubli ara.

Levitikus 6:20

Nitai ahlap u Eron im ilpu hal o un nigki, erumu ahlap iran ara vai Ihova an nadiat inig eri aspi yin; nikavaig, nahaijin tend irai ifa et ethi irai flaur upene, mika yi itai ahlap eh caig irai iji mesese, nahaijin yi ethi an nuhialeg im na-haijin yi ethi an jupura.

Levitikus 6:26

Etmu caig a natimi ahlap inig et ahlap iran aien va nedo has: uhmu caig an nuarin itap anliin nokoro an neom er asjapicnaig o un.

Levitikus 7:14

Etmu leh nahaijin aien irai iji itai ahlap asega, mika yi itai ahlap alcacsei vai Ihova, etmu lep ohuun a natimi ahlap inig et ohan ja nai iji itai ahlap va naaurinig aien.

Levitikus 7:28

Is tas a Ihova ehele Moses, um ika,

Levitikus 7:6

Erumu caig a ilpu atamaig asega irai ilpu atimi ahlap: uhmu caig an nuarin itap: et idim itap esjilid.

Levitikus 8:30

Is leh tah narakei aspi a Moses, im tah inja an natau, um ohaig Eron iran, im napelumai o un, im ilpu hal o un, im napelumai u ilpu hal o un; mika yi itap a Eron, im napelumai o un, im ilpu hal o un, im napelumai ura.

Numera 18:9

Etpu unyum nitai inigki irai iji itai itap acen er eti atnamud: nikavaig, inyi itap acen imi euc im ilpu hal unyum niji itai ahlap asega ura, im niji itai ahlap asega an nitai caig ura, im niji itai ahlap asega ura va nedo has, erupu ikni vai nyak ara.

Numera 5:9

Etmu lep ohuun niji itai ahlap asega irai iji itai itap asega u nup Isreel a natimi ahlap, era imiapan ehelen ara.

1 Nupu Korindus 9:13

Eka ato aijaua, mika era hegai itai an neom ahlap ara sji eigki, era auaraheca ara irai itai itaup an neom ahlap, era lep leucse nuari itai ahlap an nefata ara sji eigki, era aminjinaig nefata ara.

Tyuteronome 12:11

etpu aniv intah anuarin a Ihova Atua unyimia, um ati nidan eahki par amen; akumu imiapan eahki aijaua niji itai asega ek asaig ehelemia ainyak; niji itai ahlap atnamud unyimia, im niji itai ahlap unyimia, im niji uari tend unyimia, im niji itai ehvaig irai ikmamia, im niji itai esjilid asega vai intas upyi asaig unyimia akis asaig ehele Ihova aijaua:

Tyuteronome 12:6

akumu imiapan niji itai ahlap atnamud unyimia eahki aijaua, im niji itai ahlap, im niji uari tend unyimia, im niji itai ahlap ehvaig irai ikmamia, im niji itai ahlap vai intas aktit unyimia, im niji itai ahlap eka tup ago aijaua, im inmeto irai kurimatau unyimia im siip unyimia:

Tyuteronome 18:1

Eri jim ohuun tah nobohtan ka tah nitai ehele nup Isreel a ilpu atimi ahlap, im ilpu mapoi Livai, ilpu mapoi Livai asega marom: erumu caig niji itai ahlap atnamud vai Ihova ara, im nahaijin imi yin.

Tyuteronome 26:13

um asaig an nuhup u Ihova Atua unyum, Kis iknipagki niji itai itap an neom unyak ainyak, um lep alupai ilpu mapoi Livai, im nup urai taka uarin, im ilpu umnij, im ilpu takata eris emesmas a ilpu atamnyura, et idivaig intas alep asega unyum as asaig aiek: kis eti imipalea intas alep unyum ainyak, um eti ahnag iran:

Ilpu Hibru 1:9

as merit va nedo atoh aiek, jam amcel va nedo has; va nitai ineigki is aspi euc a Atua ineig, et Atua unyum aien, an narakei ineig er imyiacitak, na lep esjilid aiek irai ilpu etoam.”

1 Joanes 2:20

Ja is aspi caua Aien et upene aien, eka lep ato niji itai asega aijaua.

1 Joanes 2:27

Ja et amen anliinmopomia naspi caua ineigki, akis leh ehelen aijaua, et eti lep upene vaig tah natimi nesege imi caua vaig: ja er esege imi caua niji itai asega an naspi caua ineigki, et lep inivaijec, um eti ahcil, er idim esege imi caua an nedo ineigki, et idim ucco, akupu apol aktit iran aijaua.