Numera 18:5 - Intas Etipup

⁵ Akumu aminjinaig nuarin itap aijaua, um aminjinaig natau: vai yi jim lep yetpam intavaitap irai up Isreel.

Numera 18:5 Iomraidhean Croise

1 Iji Tas Eled 23:24

Eris ilpu mapoi Livai ji igki, et idivaig ilpu eteuc ira ra; ilpu atimi esjilid ira ra marom, is idivaig eris esvi nidara ara, eris auritai ara um aheca an neom u Ihova, is eteuc inmesese is twente ira ra um eled.

1 Iji Tas Eled 23:32

um aminjinaig neom itap er asjapicnaig o un, um aminjinaig nuarin itap, um aminjinaig itai u ilpu mapoi Eron ilpu etwara, an nauritai an neom u Ihova.

1 Iji Tas Eled 24:5

Eris asjapicnaig ra um ahai ra irai itai asjaaicnaig ara; eris esjilid an nuarin itap, um esjilid an neom u Atua, a ilpu mapoi Eliesar, im ilpu mapoi Idamar.

1 Iji Tas Eled 9:19

Eris esjilid an nauritai ura a Sallum inhal u Kori, im ilpu etwan, irai ilpu eteuc irai etpon, Kora marom; is hal u Ebaiasaf a Kori: is hal u Kora a Ebaiasaf, um aminjinaig neucse eom itap: et idivaig eris lep amen a ilpu retpora ehele inpak an nedoa u Ihova, um aminjinaig nitai atapin u neom atga.

1 Iji Tas Eled 9:23

Eris aminjinaig neucse eom an neom u Ihova ara, im ilpu hal ura, nikavaig, neom atga itap, um asitu jipe ra.

1 Iji Tas Eled 9:33

Ilpu atimi acesaces nohrai itai ji igki; eris ilpu atimi esjilid irai ilpu mapoi Livai ara, eris amen irai uari eom ura arehed an neom itap ara: vaig inig nikavaig, eris ecen an nauritai ura ara ira adiat im nepig.

Eksotus 27:21

anliin neom er asjapicnaig o un an nahaijin nitai atapin itac, an nuhup u nelcau inig et amen intas alep iran: erumu aminjinaig a Eron im ilpu hal o un an jupura um yetpan an nuhialeg au nuhup u Ihova: intas alep nigki imi nup Isreel im ilpu mapora irai iji mesese.

Jeremaia 23:15

Va nitai inigki et ika a Ihova esjilid acen vai ilpu profeta; Ekpu idim alaa ra ainyak nitai caig acen, um ika eri umnyi inwai acen: vaig inig nikavaig, et mun ahes irai ilpu profeta Jerusalem nedo imipalea um apaahni an pece asega.

Esikiel 44:15

Ja et ika a Natimarid Ihova; Erumu apam ubutpotet ehelek par auanaheca unyak a ilpu atimi ahlap ilpu mapoi Livai, is lep etpora a Setok, eris aminjinaig niji itai an nimnim unyak ara, eris wat melga vai nyak a nup Isreel, erumu lep aiji an nuhup unyak ara, mika eri ahlap an nagako im inja iran ara vai nyak.

Esikiel 44:16

Erumu apam anliin nimnim itap unyak ara, erumu lep apam ubutpotet u nitai hag unyak ara, mika eri auanaheca unyak ara, erumu lep aminjinaig niji itai unyak ara.

Levitikus 10:6

Is ika a Moses ehele Eron im lep ehele Eliesar im Idamar ohwat hal o un, Ehtijmu jim iknipagki incat adgaig unyimitaij aijautaij, um jim ahpati napelumai unyimitaij; vai ehtiji jim mas aijautaij, um lep yetpam intavaitap ira atimi asega: ja erumu taigtaig a ilpu etwamia, nup Isreel asega, van cap inigki et mun atni a Ihova.

Levitikus 24:3

Etmu ago niji lamp a Eron mika yi alahala ahes an jupura um yetpan an nuhialeg an nuhup u Ihova irai iji opan asega, an nahaijin napelumai atcai an nelcau an tas itap itac an neom er asjapicnaig o un: intas alep nigki irai iji mesese irai ilpu mapomia.

Sekaraia 10:3

Et ika a Ihova esjilid acen; Is eteuc nedemda unyak vai ilpu atimi asgi siip unyak, kis aru nedo o anin atamaig ainyak, ilpu atimi alupas marom: ja ek mun idim ateghe inpak irai siip unyak ainyak, nup u Juta marom, um ika eri idivaig niji hors esjilid ura an nedoa.

Numera 1:50

ja namu ikni ilpu mapoi Livai aiek mika eri aminjinaig neom er asjapicnaig o un, im nipjiitai asega urin, im niji itai asega o un: erumu apos neom itap ara im niji itai asega o un; erumu aheca o un ara, um atumop u neom er asjapicnaig o un um arehed mihtag.

Numera 1:53

Ja erumu athai eom ura a ilpu mapoi Livai um arehed an neom itap et amen iran intas alep, vai yi jim amen intavaitap u Atua irai up Isreel: erumu lep aminjinaig neom er asjapicnaig o un et amen iran intas alep a ilpu mapoi Livai.

Numera 16:46

Is tas a Moses ehele Eron, um ika, Leh nipjinitai aiek, um leh incap au natau um ati iran, um ati nitai auanipin upene ijinies iran, um auroauro um apan ehele atimi, um ahlap va nedo has ura; et mun ehlohos nedemda u Ihova: et lep eteuc inmas.

Numera 18:4

Erumu atau imi euc ara, um aminjinaig niji itai eris asaig ehele ra an neom er asjapicnaig o un, va nauanaheca asega an neom itap: etmu jim yetpan ehelemia tah natimi et eche.

Numera 4:18

Arumu jim iknipagki ilpu mapoi Kohad aijaurau ehele ilpu mapoi Livai:

Numera 8:19

Kis tup ahtai ilpu mapoi Livai ainyak imi Eron im ilpu hal o un irai up Isreel, par auanaheca u nup Isreel an neom er asjapicnaig o un, um ahlap va nup Isreel: vai yi jim yetpam inmas irai up Isreel, Eru wit apan an nuarin itap a nup Isreel.

Numera 8:2

Namu tas aiek ehele Eron, um ika ehelen, Nau wit atni lamp aiek, etmu ere lamp et seven an nuarin uhup u nitai atijai incap alahala iran.

1 Timodeus 1:18

Ak inhal unyak Timodeus, ek ati intas ineig ehelum ainyak, et idivaig intas iji eigki eris upyi asaig vai euc, mika an ago nedoa upene aiek irai itai iji eigki;

1 Timodeus 3:15

ja el ek elvamen ainyak, mika an ato aiek nedo ineig eris idim ika an ago aiek anliin neom u Atua, nikavaig, nakalasia u Atua umoh, et oboutau um itai ahtadai an tas inivaijec.

1 Timodeus 5:21

Ek efasaig ehelum ainyak an nuhup u Atua, im Iesu Kristo Natimarid, im ilpu agelo eris ehtai ra, mika an imyiaiji nitai iji eigki aiek, um tup ethi ache inliinmopom va atimi asega, um jim ago tah nitai an tup inmerit unyum vaig tak.

1 Timodeus 6:20

Ak Timodeus, aminjinaig nitai ineig aiek eris ati ehelum, um esjum vai intas ahnag, intas vai intakitai, im nimyiisjis itai iji eig er anvi nidan mika narapakau jam ahcil: