Numera 18:3 - Intas Etipup

³ Erumu aminjinaig niji itai ara as asaig ehele ra aiek, im niji itai asega an neom itap: ja erumu jim apan ubutpotet u itai an nuarin itap ara im lep natau, va eri jim emesmas ara, im lep caua.

Numera 18:3 Iomraidhean Croise

Esikiel 44:13

Erumu jim apam ubutpotet ehelek ara, mika eri ago nauritai u ilpu atimi ahlap imi nyak, erumu jim apam ubutpotet ehele niji itai itap unyak ara an nuarin itap esjilid: ja erumu apos nehcamai ura ara, um leh neruvaig nedo ura er amcel vaig era mun ago ara.

Numera 1:51

Uhu wit ika eri imiatga neom er asjapicnaig o un, erumu alcapdicraig a ilpu mapoi Livai: uhu wit lep ati neom itap, erumu lep athai a ilpu mapoi Livai: uhmu atgei natimi et eche et apan ubutpotet o un aien.

Numera 1:53

Ja erumu athai eom ura a ilpu mapoi Livai um arehed an neom itap et amen iran intas alep, vai yi jim amen intavaitap u Atua irai up Isreel: erumu lep aminjinaig neom er asjapicnaig o un et amen iran intas alep a ilpu mapoi Livai.

Numera 16:40

mika yi itai imiehva imi nup Isreel, vai yi jim yetpam tah natimi et eche, et eti ahes irai Eron aien, um ahlap an nitai auanipin upene an nuhup u Ihova; vai yi jim idivaig Kora aien, im ilpu atimi apol iran: is idivaig is asaig ehelen a Ihova irai Moses.

Numera 18:4

Erumu atau imi euc ara, um aminjinaig niji itai eris asaig ehele ra an neom er asjapicnaig o un, va nauanaheca asega an neom itap: etmu jim yetpan ehelemia tah natimi et eche.

Numera 18:7

Va nitai inigki namu aminjinaig nauritai u ilpu atimi ahlap aiek, im ilpu hal unyum irai iji itai asega an natau, im lep niji itai an nuarin er atapin an napelumai; akumu auanaheca aijaua: ek mun ikni caua ainyak mika aki ago nauritai u ilpu atimi ahlap aijaua vai intup naiheuc unyak vai caua: uhmu atgei natimi et eche et apam ubutpotet aien.

Numera 3:25

Niji itai aminjinaig u ilpu mapoi Cerson an neom er asjapicnaig o un ji igki; nikavaig, neom itap, im neom atga, im nitai adahpoi, im nitai atapin neucse neom er asjapicnaig o un,

Numera 3:31

Erumu aminjinaig nitai iji igki ara; nikavaig, nelcau, im nefata, im nitai atijai incap alahala iran, im natau et ero, im nipjiitai an nuarin itap er ago itai iran, im napelumai atapin, im niji itai asega er ago itai iran.

Numera 3:36

Erumu aminjinaig nuaricai uri neom itap a ilpu mapoi Mererai, im lep nakaukau urin, im nauicai aduwi urin, im niji itai ipjilai urin, im nipjiitai asega urin, im niji itai asega urin,

Numera 31:30

Namu lep lucsei nahaijin fiftied an nahaijin u nup Isreel aiek, nikavaig, natimi, im kurimatau, im togke, im siip, im niji itai eklim edo irai pece asega, um ikni ehele ilpu mapoi Livai, era aminjinaig neom itap u Ihova ara.

Numera 4:15

Erumu adahpoi nuarin itap a Eron im ilpu hal o un, im niji itai asega uri nuarin itap, va natga u atimi; ja erumu apitac a ilpu mapoi Kohad um ham um apos: ja erumu jim ubli tah nitai itap ara, va eri jim emesmas ara. Nitai apos u ilpu mapoi Kohad ji igki an neom er asjapicnaig o un.