Numera 18:21 - Intas Etipup

²¹ Ek mun aniv ainyak ehele ilpu mapoi Livai nahaijin tend irai iji itai asega u nup Isreel, mika eri ohuun ara, va nauanaheca ura, nauritai ura marom an neom er asjapicnaig o un.

Numera 18:21 Iomraidhean Croise

Jenesis 14:20

naaurinig vai Atua esjilid acen, et mun ikni ehelum aien ilpu atimi tak atimi iram. Is alupai yin nuarin tend aien irai iji itai asega.

Jenesis 47:24

Etu wit ededel, akumu at-cijaig nahaijin fiftd imi Fero ai-jaua, ja etpu amen nahaijin et for imi caua, par ahwaig an nobohtan, im lep nitai caig incamia, im incai ilpu hal unyimia, im incara asega irai imnim unyimia.

Jenesis 47:26

Is asan tas alep inigki a Jo-sef an pece Ijipt asega um imihum pam an nopan inig, mika yi ohuun nahaijin noliwai itai fiftd a Fero; ja is eti ohuun nobohtan u ilpu atimi alupas ache a Fero.

2 Niji Tas Eled 31:12

um imiapam niji itai tup ahtai, im niji ahaijin tend, im niji itai itap, is inveijec nedo ura: is esjilid iran a Kononaia mapoi Livai, is lep atau imi yin a Simeai etwan.

Nihemaia 10:29

eris apol irai ilpu etwara ara, im ilpu atimi alupas ura, um asan tas aktit ura, um ika eri ahlaijai ra, el era eti ahced intas alep u Atua ara, is asaig a Moses naheca u Atua, um aktaktai, um imiaiji intas alep asega u Ihova Natimarid uja, im intas esege o un im intas aktit o un;

Nihemaia 10:37

um lep imiapam inhupnai flaur aplamod uja, im niji itai ahlap uja, im nohwai cai asega, im nide vaine, im narakei oliv, ehele ilpu atimi ahlap irai uari eom an neom u Atua; im nahaijin tend irai iji itai an nobohtan imi ilpu mapoi Livai, mika eri lucsei nahaijin tend irai itai a ilpu mapoi Livai irai iji maliyum an nahapol uja.

Nihemaia 10:38

Etmu amen ehele ilpu mapoi Livai a natimi ahlap inhal u Eron, eru wit lucsei nahaijin tend irai itai a ilpu mapoi Livai: erumu lep imiapam nahaijin tend irai nahaijin tend irai itai an neom u Atua uja, irai uari eom anliin neom ikni itai iran.

Nihemaia 12:44

Eris lep ikni hal an nopan iyehki mika eri esjilid ara irai iji uari eom ikni padiaig iran, im niji itai tup ahtai, im inhupnai itai, im naihaiji tend irai itai, um asjapicnaig nitai iji igki irai iji uari obohtan irai maliyum et idivaig intas alep, imi ilpu atimi ahlap im ilpu mapoi Livai: eris idim imiacitak a nup u Juta vai ilpu atimi ahlap im ilpu mapoi Livai eris auanaheca ara.

Nihemaia 12:47

An nopan umoh u Serubabel, im nopan umoh u Nihemaia, eris ikni nitai caig a nup Isreel asega, incai ilpu atimi acesaces nohranitai im ilpu atimi aminjinaig neucse neom irai iji adiat: um lep ikni naihaijin tend irai itai imi ilpu mapoi Livai; eris lep ikni nahaijin tend irai itai ura a ilpu mapoi Livai imi ilpu mapoi Eron.

Nihemaia 13:12

Eris lep imiapam a nup u Juta asega nahaijin tend irai korn, im nide vaine mat, im narakei oliv; irai iji uarin ikni itai iran.

Nihemaia 13:5

Is yecrei nuarin neom alupas inig imi yiu aien, eris upyi ikni iran niji itai ahlap an nitai caig, im nide libano, im nipjiitai, im nahaijin tend irai korn, im nide vaine mat,im narakei oliv, eris asaig mika eri alupai ilpu mapoi Livai, im ilpu atimi acesaces nohranitai, im ilpu atimi aminjinaig neucse neom; im niji itai tup ahtai imi ilpu atimi ahlap.

Malakai 2:4

Et ika a Ihova esjilid acen; Akupu ato aijaua mika, ek mun asaig pam ehelemia intas alep inigki ainyak, vaig inig nikavaig, is amen ehele ilpu mapoi Livai intas etipup unyak.

Malakai 3:10

Akumu imiapam niji ahaijin tend asega aijaua anliin neom ikni itai unyak, mika yi amen nitai hegaig anliin neom itap unyak; et ika a Ihova esjilid acen, Akumu ato nyak aijaua an nitai inigki, nikavaig, el ek eti asalgei niji tapnes an nohatag ainyak vai caua, ka oʼo; um atladwi niji itai upene vai caua inyi alupas acen, etpu ehka vai caua inleh vaig.

Numera 18:6

Kis idim iknipagki ilpu etwamia ainyak irai up Isreel, ilpu mapoi Livai marom: er alupai ra nitai tup ahtai imi Ihova, mika eri ago nauritai ara an neom er asjapicnaig o un.

Numera 3:6

Imiapam ilpu mapoi Livai ubutpotet, um ikni ra au nuhup u Eron natimi ahlap, va erupu aheca o un ara.

Numera 31:28

erumu lep ikni vai Ihova nahaiji itai ura a ilpu atimi apan u nedoa; nikavaig, tah yi ethi irai iji faiv huntret atimi, im kurimatau, im togke, im siip:

Nupu Calesya 6:6

Ara er esege imi ra intas, erumu aiheuc vai upu atimi esege imi ra ara irai iji itai upene asega.

Tyuteronome 18:8

Inyi tup apapa nitai caig incara, im lep nimtan inig etpu leh aien va nahtai u itai u ilpu retpon.

Ilpu Hibru 7:5

Eris idim asaig ehele atimi iji eig irai ilpu mapoi Livai, eris ikni ra ilpu atimi ahlap, mika eri leucse nuarin itai inyi ethi irai ten ehele atimi, et idivaig intas alep; ilpu etoara marom era idim ahes ehele nohui Ebraham ara: