Numera 18:2 - Intas Etipup

² Namu lep imiapam ilpu etwam aiek, irai ilpu mapoi Livai, ilpu atimi ehpan iram, mika eri tup ethi ache pan iram ara, um aheca unyum: ja namu auanaheca aiek im ilpu hal unyum an nuhup u neom itap et amen intas alep iran.

Numera 18:2 Iomraidhean Croise

Jenesis 29:34

Is lep opoc aien, um apos inhalav atamaig; um ika, Etpu idim upene inliinmopoi natamnyu unyak vai nyak an nopan inig, kis apos inhalav atamaig is eseij imi yin ainyak: va nitai inigki eris anvi nidan par ika Livai, (Napol vaig).

2 Niji Tas Eled 30:16

Eris aiji irai iji uarin ura, is idivaig nedo ura, is idivaig intas alep u Moses natimi u Atua: eris ohan ja irai itai ahlap a ilpu atimi ahlap, eris uhup ara um leh irai ikmai ilpu mapoi Livai.

Esikiel 44:11

Ja erumu auanaheca ara an nimnim itap unyak, erumu lep aminjinaig niji eucse athatahau an nimnim unyak ara, um lep aminjinaig nimnim unyak: erumu atgei niji itai ahlap er atnamud ara im lep niji itai ahlap va atimi; erumu lep aiji ara an nuhup ura mika eri auanaheca ura.

Esikiel 44:15

Ja et ika a Natimarid Ihova; Erumu apam ubutpotet ehelek par auanaheca unyak a ilpu atimi ahlap ilpu mapoi Livai, is lep etpora a Setok, eris aminjinaig niji itai an nimnim unyak ara, eris wat melga vai nyak a nup Isreel, erumu lep aiji an nuhup unyak ara, mika eri ahlap an nagako im inja iran ara vai nyak.

Malakai 2:4

Et ika a Ihova esjilid acen; Akupu ato aijaua mika, ek mun asaig pam ehelemia intas alep inigki ainyak, vaig inig nikavaig, is amen ehele ilpu mapoi Livai intas etipup unyak.

Numera 1:53

Ja erumu athai eom ura a ilpu mapoi Livai um arehed an neom itap et amen iran intas alep, vai yi jim amen intavaitap u Atua irai up Isreel: erumu lep aminjinaig neom er asjapicnaig o un et amen iran intas alep a ilpu mapoi Livai.

Numera 16:40

mika yi itai imiehva imi nup Isreel, vai yi jim yetpam tah natimi et eche, et eti ahes irai Eron aien, um ahlap an nitai auanipin upene an nuhup u Ihova; vai yi jim idivaig Kora aien, im ilpu atimi apol iran: is idivaig is asaig ehelen a Ihova irai Moses.

Numera 17:7

Is ikni niseuc iji ehki a Moses an nuhup u Ihova anliin neom iyehki is amen intas alep iran.

Numera 18:4

Erumu atau imi euc ara, um aminjinaig niji itai eris asaig ehele ra an neom er asjapicnaig o un, va nauanaheca asega an neom itap: etmu jim yetpan ehelemia tah natimi et eche.

Numera 3:5

Is tas a Ihova ehele Moses, um ika,

Numera 4:15

Erumu adahpoi nuarin itap a Eron im ilpu hal o un, im niji itai asega uri nuarin itap, va natga u atimi; ja erumu apitac a ilpu mapoi Kohad um ham um apos: ja erumu jim ubli tah nitai itap ara, va eri jim emesmas ara. Nitai apos u ilpu mapoi Kohad ji igki an neom er asjapicnaig o un.

Numera 8:19

Kis tup ahtai ilpu mapoi Livai ainyak imi Eron im ilpu hal o un irai up Isreel, par auanaheca u nup Isreel an neom er asjapicnaig o un, um ahlap va nup Isreel: vai yi jim yetpam inmas irai up Isreel, Eru wit apan an nuarin itap a nup Isreel.

Numera 8:22

Ja eris par apan a ilpu mapoi Livai par ago nauritai ura an neom er asjapicnaig o un an nuhup u Eron, im lep an nuhup u ilpu hal o un: eris ago irai ilpu mapoi Livai is idivaig intas o Ihova ehele Moses.

Ilpu Hibru 9:6

Eris wat ago nitai iji eigki, eris apan a ilpu atimi ahlap an nilpun neom uhup irai iji adiat, um ago nauritai an nalaigaheni.