Numera 18:13 - Intas Etipup

¹³ Etpu lep unyum inhupnai itai asega inig an pece erupu imiapam ehele Ihova ara; erumu caig a ilpu atimi ehpan iram asega era upene ara.

Numera 18:13 Iomraidhean Croise

2 Ilpu Atimarid 4:42

Is ahes Beal-salaisa a natimi is ethi, um imiapan ehele natimi u Atua inhupnai itai hegaig, nareto irai barle is twente, im hwiit mat is amen nipjin iran. Is ika aien, Alupai atimi mika eri caig ara.

2 Niji Tas Eled 31:5

Is wat apaahni intas alep, eris auroauro a nup Isreel um imiapam alupas inhupnai hwiit, im nide vaine, im narakei oliv, im hune, im nahaiji ohwai itai asega ira ahapol ura; eris imiapam alupas nahaijin tend ara irai iji itai asega ura.

Eksotus 22:29

Akumu auroauro aijaua um ahlap irai hupnai ohwai itai unyimia, im nide vaine uhup unyimia: um lep ikni imi nyak inmeto irai ilpu halav asega unyimia.

Eksotus 23:19

Uhmu imiapan an nimnim u Ihova Atua unyum inhupnai ohwai itai esjilid umam. Namu jim atho naklin nanin aiek an nidenided u risin.

Eksotus 34:26

Akumu imiapan an neom u Ihova Atua unyimia aijaua nahaijin esjilid irai hupnai ohwai itai an pece unyimia. Akumu jim atho inhakli nanin an nidenided u risin aijaua.

Jeremaia 24:2

Is upene moij nohwan ateg is amen an napurapura is ethi, um idivaig nohwan ateg et uhup um meto: ja is has acen nohwan ateg is amen an napurapura is eche, is ehka inhegaig vaig, is eheshas.

Esikiel 44:30

Etmu itai vai ilpu atimi ahlap nuarin esjilid u inhupnai niji itai asega unyimia, im lep niji itai ahlap asega er auhaig jipe, irai iji itai ahlap asega unyimia er auhaig jipe: akumu lep alupai ilpu atimi ahlap nuarin uhup irai areto unyimia aijaua, mika yi amen aktit intas acis yi alwai caua o un irai imnim unyimia.

Hosia 9:10

Kis ecet nup Isreel ainyak eris idivaig nohwai vaine an namasacen ara; kis ecet ilpu retpomia ainyak eris idivaig inhupnai ohwai ateg ara an nasau uhup iran: ja eris apan ehele Bealpior ara, um idumdumoij u nedo has iyehki era ehcamai vaig natimi; eris eheshas ara um tup idivaig nitai iyehki eris merit vaig ara.

Levitikus 22:7

Etu wit ete nagesega, etpu adicinadicin aien ja par apitac aien um caig nitai caig itap; et idim nitai caig incan.

Levitikus 23:17

Akumu imiapan irai imnim unyimia aijaua nareto et ero eri ohaig jipe: eri ago irai leven, nikavaig, omer et ero irai flaur upene; inhupnai korn vai Ihova nareto eraigki.

Maika 7:1

AWE, kaiheuc vai nyak! ek idivaig tah ainyak eris wat aldei ehni nasau irai itai an lidija, eris wat aldei ehni nohwai vaine: et eti eteuc tah nigai vaine mika eri caig, et eti eteuc tah inhupnai ateg et merit alupas vaig aien.

Tyuteronome 18:4

Uhmu lep alupai yin inhupnan irai korn unyum, im nide vaine unyum, im narakei oliv unyum, im nuarin uhup an nalau irai siip unyum.

Tyuteronome 26:2

namu leh inhupnai itai asega an nobohtan aiek, et ededel an pece inig et alupai euc a Ihova Atua unyum, um atohwaig an cat, um apan an maliyum iyehki etpu aniv a Ihova Atua unyum par ati nidan eahki.