Numera 18:12 - Intas Etipup

¹² Ek mun alupai euc narakei esjilid asega ainyak, im nide vaine esjilid asega, im hwiit esjilid, im inhupnai itai iji ig erupu ahlap iran ara vai Ihova.

Numera 18:12 Iomraidhean Croise

Jenesis 27:28

etmu alupai euc nopoigmul an nohatag a Atua, im niji itai upene an nobohtan, im korn inyi ahinag im nide vaine:

2 Ilpu Atimarid 4:42

Is ahes Beal-salaisa a natimi is ethi, um imiapan ehele natimi u Atua inhupnai itai hegaig, nareto irai barle is twente, im hwiit mat is amen nipjin iran. Is ika aien, Alupai atimi mika eri caig ara.

2 Niji Tas Eled 31:5

Is wat apaahni intas alep, eris auroauro a nup Isreel um imiapam alupas inhupnai hwiit, im nide vaine, im narakei oliv, im hune, im nahaiji ohwai itai asega ira ahapol ura; eris imiapam alupas nahaijin tend ara irai iji itai asega ura.

Saam 147:14

Et ati nigpa aien irai pece unyimia, um ika aki geije aijaua irai itai hegaig upene.

Saam 81:16

Ekpu alaa ra hwiit esjilid acen ainyak: um lep ika eri geije ara irai hune ahes irai hehteuc.

Eksotus 22:29

Akumu auroauro aijaua um ahlap irai hupnai ohwai itai unyimia, im nide vaine uhup unyimia: um lep ikni imi nyak inmeto irai ilpu halav asega unyimia.

Eksotus 23:19

Uhmu imiapan an nimnim u Ihova Atua unyum inhupnai ohwai itai esjilid umam. Namu jim atho naklin nanin aiek an nidenided u risin.

Eksotus 34:26

Akumu imiapan an neom u Ihova Atua unyimia aijaua nahaijin esjilid irai hupnai ohwai itai an pece unyimia. Akumu jim atho inhakli nanin an nidenided u risin aijaua.

Esikiel 44:30

Etmu itai vai ilpu atimi ahlap nuarin esjilid u inhupnai niji itai asega unyimia, im lep niji itai ahlap asega er auhaig jipe, irai iji itai ahlap asega unyimia er auhaig jipe: akumu lep alupai ilpu atimi ahlap nuarin uhup irai areto unyimia aijaua, mika yi amen aktit intas acis yi alwai caua o un irai imnim unyimia.

Levitikus 2:12

Akumu lep ahlap vai Ihova aijaua irai hupnai itai: jam jim atnamud an natau mika yi itai auanipin upene.

Levitikus 2:14

El et ahlap vai Ihova aiek irai hupnai itai hegaig unyum, namu ahlap aiek irai egai korn mat er ahen an cap, korn eris uhpunuhoig irai egai korn alupas, nitai ahlap irai hupnai itai hegaig unyum nigki.

Levitikus 23:17

Akumu imiapan irai imnim unyimia aijaua nareto et ero eri ohaig jipe: eri ago irai leven, nikavaig, omer et ero irai flaur upene; inhupnai korn vai Ihova nareto eraigki.

Levitikus 23:20

Etmu ohaig jipe pan ira areto eraigki u inhupnai korn a natimi ahlap nitai ahlap ohaig jipe an nuhup u Ihova, im lep nakli siip eraigko et ero: etmu itap nitai ahlap iji igki imi Ihova vai natimi ahlap.

Tyuteronome 18:3

Et upene yi leh nahaijin inig ehele atimi a natimi ahlap, ehele ra era ahlap an nitai ahlap ara, kit kurimatau ka siip; erumu alupai natimi ahlap neuhlin ara, im nehpan ero, im incetpapu.

Tyuteronome 18:4

Uhmu lep alupai yin inhupnan irai korn unyum, im nide vaine unyum, im narakei oliv unyum, im nuarin uhup an nalau irai siip unyum.

Tyuteronome 26:2

namu leh inhupnai itai asega an nobohtan aiek, et ededel an pece inig et alupai euc a Ihova Atua unyum, um atohwaig an cat, um apan an maliyum iyehki etpu aniv a Ihova Atua unyum par ati nidan eahki.

Tyuteronome 32:14

im butter irai kurimatau, im nidenided irai siip, im naclan irai hakli siip, im lep siip atamaig Besan, im nanin, im hwiit esjilid; akis lep umnyi nide vaine upene aijaua.