Numera 18:1 - Intas Etipup

¹ IS ika a Ihova ehele Eron, Napu lucsei nimtan nauahas vaig nuarin itap aiek, im ilpu hal unyum, im ilpu atimi ehpan iram: napu lep lucsei nimtan nedo has u ilpu atimi ahlap aiek, im ilpu hal unyum.

Numera 18:1 Iomraidhean Croise

Eksotus 28:38

Inyi amen an nidjini Eron uhup, va etpu apos nedo has a Eron va niji itai itap iji igki, eri ikni a nup Isreel irai iji itai tup ahtai itap asega ura; inyi amen ijinies an nidjinin uhup irai iji adiat, va etpu upene inliinmopoi Atua vai ra.

Aiseya 53:11

Etu wit ago nauritai o un aien etpu ecetai aien, etpu upene inliinmopon aien vaig: etpu ika a naheca upene unyak et atoh nedo o atimi inyi ahinag va nato yin ura; etpu lep lucsei nimtan nedo has ura aien.

Aiseya 53:6

Intis ahnag akaija asega et idivaig siip; intis adumoij pan akaija irai efalaig uja, athi um athi ehni; is lep atijai nedo has asega uja iran a Ihova.

Esikiel 4:4

Namu lep asjeuc aiek an nahaijum inmauum, um atijai iram neruvaig nedo has u nup Isreel: napu apos neruvaig nedo has ura aiek irai adiat iji ig napu asjeuc iran aiek.

Levitikus 10:17

Ehtaij mun a uri aijautaij par eti caig nitai ahlap va nedo has an nuarin itap, et idim itap esjilid, is alupai cautaij a Atua mika ehtiji iknipagki nedo has o atimi aijautaij, um ahlap va nedo has ura an nuhup u Ihova?

Levitikus 22:16

va eri jim leh neruvaig nedo has ura ara, eru wit caig nitai caig itap ura ara: ek mun ago upene ra ainyak Ihova.

Levitikus 22:9

Erumu lep apos nitap ura ara, va eri jim leh neruvaig iran ara, um emesmas vaig, el era auahas nitap ura ara: ek mun ago upene ra ainyak Ihova.

Numera 14:34

Akupu lucsei nimtan nedo has unyimia aijaua irai mesese inyi forte, et idivaig nadiat iji ehki akis aijidjid inpece iran aijaua, inyi ehcai inmesese yi ethi nadiat is ethi; akupu lep ato aijaua mika eh mun ehneijid intas upyi asaig unyak.

Numera 16:10

Is ati euc ubutpotet pan ehelen aien, im ilpu etwam asega, ilpu mapoi Livai: na lep merit aiek par ago nauritai u ilpu atimi ahlap, ka oʼo?

Numera 17:13

Erupu emesmas ara asega era apan ubutpotet u neom u Ihova ara: etpu auahas ehni cama inmas, ka oʼo?

Numera 17:3

Namu aged nidai Eron aiek an niseuc u ilpu mapoi Livai: inyi ethi ache niseuc um ehcai natimi esjilid irai ilpu eteuc iran.

Numera 17:7

Is ikni niseuc iji ehki a Moses an nuhup u Ihova anliin neom iyehki is amen intas alep iran.

Numera 18:11

Et unyum nitai inigki; nikavaig, nitai ahlap asjaig jipe irai itai tup ahtai ura, im niji itai ahlap ohaig jipe asega u nup Isreel: ek mun alupai euc ainyak, im ilpu halav atamaig unyum, im ilpu halav atahig unyum, vai intas alep irai iji mesese: erumu caig a ilpu atimi ehpan iram asega era upene ara.

Numera 3:6

Imiapam ilpu mapoi Livai ubutpotet, um ikni ra au nuhup u Eron natimi ahlap, va erupu aheca o un ara.

Tyuteronome 10:8

Is ikni ilpu mapoi Livai a Ihova an nopan iyehki, mika eri apos nelcau ara is amen iran intas alep u Ihova, um aiji an nuhup u Ihova, um aheca o un, um asan tas acis yi alwai an nidan, um umihum pam an nopan inig.

Ilpu Hibru 13:17

Akumu imyiaiji intas ura aijaua era aminjinai caua ara, um jim imyiisjis itai: era aminjina nesgamia ara, et idivai ilpu atimi uhpu ahodai ra vaig, mika eri ago nedo ineigki ara, um imyiacitak, um eti ohocred; inyi idim ti upene vai caua nitai ineig.

Ilpu Hibru 4:15

Et eti ehka va natimi esjilid an nahlap uja par ato nauatialidi uja; eris oop yin irai iji itai asega um idivai caija, ja is eti eteuc tah nedo has o un.

1 Pitrus 2:24

is lep leucse nimtan nedo has uja an nohun aien an nauincai atgeig, mika ti umumoh u nedo atoh akaija, an nemesmas uja an nedo has: “eka cehcehe aijaua va naredei yin.”

Ilpu Atimi Tas Alep 17:12

Is imiitap mapoi Livai iyehki a Maika; is atimi ahlap vai yin a intakuras, um amen an nimnim u Maika.