Numera 17:7 - Intas Etipup

⁷ Is ikni niseuc iji ehki a Moses an nuhup u Ihova anliin neom iyehki is amen intas alep iran.

Numera 17:7 Iomraidhean Croise

Eksotus 38:21

Eris ago nitai iji igki asega uri neom atga, neom er asjapicnaig o un marom, is amen iran intas alep, et idivaig eris asaig, et idivaig intas o Moses, mika eri auritai iran a ilpu mapoi Livai, irai ikmai Idamar inhal u Eron natimi ahlap.

Numera 1:50

ja namu ikni ilpu mapoi Livai aiek mika eri aminjinaig neom er asjapicnaig o un, im nipjiitai asega urin, im niji itai asega o un: erumu apos neom itap ara im niji itai asega o un; erumu aheca o un ara, um atumop u neom er asjapicnaig o un um arehed mihtag.

Numera 1:53

Ja erumu athai eom ura a ilpu mapoi Livai um arehed an neom itap et amen iran intas alep, vai yi jim amen intavaitap u Atua irai up Isreel: erumu lep aminjinaig neom er asjapicnaig o un et amen iran intas alep a ilpu mapoi Livai.

Numera 14:10

Ja eris ika natimi asega eri asji rau irai hat. Is lep ehcohos naijorai Ihova anliin neom er asjapicnaig o un an nuhup u nup Isreel asega.

Numera 17:4

Namu lep ikni aiek anliin neom er asjapicnaig o un an nuhup u nelcau et amen intas alep iran, ekpu ehtet iramia ainyak eahki.

Numera 17:6

Is tas a Moses ehele nup Isreel, ja eris alupai yin niseuc is ethi athiathi a ilpu atimi alupas asega, niseuc is ethi um ehcai natimi alupas is ethi eris esjilid irai ilpu eteuc ira ra ara, niseuc is twelv: is amen niseuc u Eron irai iseuc ura.

Numera 18:2

Namu lep imiapam ilpu etwam aiek, irai ilpu mapoi Livai, ilpu atimi ehpan iram, mika eri tup ethi ache pan iram ara, um aheca unyum: ja namu auanaheca aiek im ilpu hal unyum an nuhup u neom itap et amen intas alep iran.

Numera 9:15

Is ataluopni neom itap napat an nadiat iyehki eris athai neom itap, nikavaig, neom atga is amen intas alep iran: is wat jupura is amen ijinies an neom itap nitai is idivaig incap um yetpan an nuhialeg.

Niji auritai o ilpu Apostolo 7:44

Is amen ehele ilpu retpoija an namasacen neom atga, nitai asuptecnaig imi ra, is idivaig is asaig aien, is ika ehele Moses aien, yi ago et idivaig nitai asjaaicnaig is ecetai aien.