Numera 17:5 - Intas Etipup

⁵ Ja etpu elwa niseuc u natimi inig ekpu ehtai yin ainyak: ekpu lep atapnes intas has o nup Isreel ainyak era asaig vai caurau ara.

Numera 17:5 Iomraidhean Croise

2 Niji Tas Eled 26:16

Ja is wat emda aien, is ijinies inliinmopon, mika eri auahas yin: is imipalea Ihova Atua o un aien, um apan anliin neom ahlap u Ihova, mika yi atnamud nitai auanipin upene an natau uri nitai auanipin upene.

Esra 2:62

eris ahilek nidara an nitaasviitai irai ra sji ehki eris aged nidai ilpu retpora iran, jam eti ecetai: va nitai inigki is itap vai ra nago vaig nauritai u ilpu atimi ahlap.

Saam 105:26

Is abrai Moses aien, mika yi aheca o un aien; im Eron iyehki is ati yin aien.

Eksotus 16:7

etu wit lahlah an nuhialeg, akupu ecetai natimi alupas u Ihova aijaua; et idim atahaijeg intas edemda unyimia aien vai Ihova: ecrau lep he aijumrau, mika eka edemda vai cumrau aijaua?

Aiseya 11:1

ETPU upuhas a Jese et idivaig nighincai; etpu ehcohodaig Inrancai an neucvan:

Aiseya 13:11

Ekpu ateghe nup uran nobohtan ainyak va nedo imipalea ura, um aru nedo has u ilpu atimi auatatimi; ekpu ika ainyak yi idim tiih nedo ijinies u ilpu atimi esjilid, ekpu lep imiasuol ainyak nimtakrei u nesgaiimtai ilpu atimi edemda.

Aiseya 27:6

An nopan iyehki etpu eteuc neucvai ilpu mapoi Jekob: erupu tisian a nup Isreel um elwa, etpu alupas nohwai itai ura an nobohtan asega.

Aiseya 5:24

Et idim atnamud nefelelicai mese incap, et lep cas narasi itai va nalaume u incap, et idim uco, etpu mutit neucvara, etpu lep aridjai intisiara et idivaig nohpa: vaig inig nikavaig, era mun atladwi intas alep u Ihova esjilid acen ara, um imipalea intas o Atua upene u nup Isreel.

Esikiel 16:41

Erupu lep atnamud eom unyum an cap ara, um ago neruvaig iram an nuhup u ilpu takata inyi ahinag: ekpu lep ika ainyak an jim lep ago ingeijid aiek, napu eti lep alupai ra nimtan aiek.

Esikiel 23:27

Ekpu ika ainyak napu eti lep ago nedo has esjilid unyum aiek, im lep ingeijid unyum as atupun aiek an pece Ijipt: napu eti lep aespan ra aiek, um eti lep imiehva inpece Ijipt.

Hosia 14:5

Ekpu idivaig nopoigmul vai nup Isreel ainyak: erupu idivaig intisiai tal ateuc ara, erupu idivaig incai inig ara et atgeig jipe niji eucvan an nedoon Lebanon.

Numera 1:51

Uhu wit ika eri imiatga neom er asjapicnaig o un, erumu alcapdicraig a ilpu mapoi Livai: uhu wit lep ati neom itap, erumu lep athai a ilpu mapoi Livai: uhmu atgei natimi et eche et apan ubutpotet o un aien.

Numera 11:1

ERIS tas upoupo natimi, ja is edemda a Ihova: is atahaijeg a Ihova, um atavaitap; is cas incap u Ihova ira ra, um atnamud atimi an nahaijin nuarin amen ura.

Numera 16:11

Va nitai inigki eka mun asjapicnaig aijaua asega vai Ihova: di nigki Eron mika aki asan tas has vai yin aijaua?

Numera 16:5

is tas aien ehele Kora im ilpu atimi ahced yin, um ika, Etpu aniv ilpu atimi o un imraig a Ihova, im ilpu atimi upene; um ika eri apan ubutpotet ehelen ara: etpu idim ika aien eri apan ubutpotet ehelen natimi iji igki etpu aniv ra aien.

Numera 17:10

Is ika a Ihova ehele Moses, Imiapam niseuc u Eron an nuhup u nelcau et amen intas alep iran, um aminjinaig par itai asjaaicnaig vai ilpu atimi imipalea; napu lep atapnes intas has ura aiek an nuhup unyak, va eri jim emesmas ara.

Numera 17:6

Is tas a Moses ehele nup Isreel, ja eris alupai yin niseuc is ethi athiathi a ilpu atimi alupas asega, niseuc is ethi um ehcai natimi alupas is ethi eris esjilid irai ilpu eteuc ira ra ara, niseuc is twelv: is amen niseuc u Eron irai iseuc ura.

Numera 17:8

Is wat lahlah au tak apnyin is apan a Moses anliin neom iyehki is amen intas alep iran; ja is idim ehcohodaig niseuc u Eron, um ehcai ilpu mapoi Livai, is ehcohodaig, um elwa, um oho, is eteuc nohwan.

1 Nupu Korindus 10:10

Akumu jim lep tas upoupo aijaua, et idivaig eris tas upoupo nahaiji ra; ja is auahas ra nagelo auahas atimi.

Josua 4:7

Akumu asuptecnaig ehele ra aijaua, um ika, Eris athasgi inwai Jortan an nuhup u nelcau is amen iran intas alep u Ihova; eris wat imialgaunyi Jortan, is athasgi inwai Jortan: inyi itai imiehva imi nup Isreel inhat iji igki irai iji mesese.