Numera 16:9 - Intas Etipup

⁹ et takitai iramia, mika is iknipagki caua irai up Isreel a Atua u nup Isreel, um ikni caua ubutpotet pan ehelen, par ago nauritai an neom itap u Ihova, um atidai an nuhup u atimi asega, um auanaheca vai ra, ka oʼo?

Numera 16:9 Iomraidhean Croise

Jenesis 30:15

Is ika ehelen aien, Et eti upene nedo unyum, as atipagki natamnyu unyak aiek; nai lep merit aiek inleh vaig ohwai yihec u inhal unyak. Is ika a Rejel, Oʼo, etpu amen ehelum aien an nepig inigki vai ohwai yihec inhal unyum.

2 Samuel 7:19

Im lep inig, is auritai tintin ache nigki vai euc, ak Ihova Atua unyak; jai na mun tas aiek vai ilpu mapoi naheca unyum irai mesese et ahinag etpu yetpam. Et eti idivaig nedo o atimi nedo inigki, ak Ihova Atua unyak.

2 Niji Tas Eled 35:3

Is tas ehele ilpu mapoi Livai aien, eris ilpu atimi itap u Ihova ara, um esege imi nup Isreel asega, um ika, Akumu ati nelcau itap aijaua anliin neom is ago a Solomon inhal u Tevit natimarid u nup Isreel; aki eti lep ahelwei aijaua: akumu aheca u Ihova Atua unyimia aijaua, um lep aheca u nup Isreel o un,

Nihemaia 12:44

Eris lep ikni hal an nopan iyehki mika eri esjilid ara irai iji uari eom ikni padiaig iran, im niji itai tup ahtai, im inhupnai itai, im naihaiji tend irai itai, um asjapicnaig nitai iji igki irai iji uari obohtan irai maliyum et idivaig intas alep, imi ilpu atimi ahlap im ilpu mapoi Livai: eris idim imiacitak a nup u Juta vai ilpu atimi ahlap im ilpu mapoi Livai eris auanaheca ara.

Aiseya 7:13

Is um ika a Aiseya, Akumu idim atahaijeg aijaua, ak ilpu mapoi Tevit; Et idim itai haklin vai caua par imiedohalav atimi, ja eka lep imiedohalav Atua unyak aijaua.

Esikiel 34:18

Eka idim ika aijaua er uauo nedo unyimia, nikavaig, eka caig nomotmot upene aijaua, ja eka lep wihise nahaijin omotmot et eled an neduomia aijaua; eka mun unmyi inwai weila upene aijaua, ja eka lep ago mak nahaijin wai et eled an neduomia aijaua.

Esikiel 44:16

Erumu apam anliin nimnim itap unyak ara, erumu lep apam ubutpotet u nitai hag unyak ara, mika eri auanaheca unyak ara, erumu lep aminjinaig niji itai unyak ara.

Numera 1:53

Ja erumu athai eom ura a ilpu mapoi Livai um arehed an neom itap et amen iran intas alep, vai yi jim amen intavaitap u Atua irai up Isreel: erumu lep aminjinaig neom er asjapicnaig o un et amen iran intas alep a ilpu mapoi Livai.

Numera 16:13

et eti tintin nedo has inigki mika as iknipagki cama aiek an pece is amen alupas nidenided im hune iran, um atgei cama an namasacen, na lep ika aiek na atimarid unyima aiek.

Numera 16:8

Is tas a Moses ehele Kora, um ika, Ek ugyi caua ainyak, ak ilpu mapoi Livai, mika aki atahaijeg aijaua:

Numera 3:6

Imiapam ilpu mapoi Livai ubutpotet, um ikni ra au nuhup u Eron natimi ahlap, va erupu aheca o un ara.

Numera 3:9

Namu ikni ilpu mapoi Livai aiek imi Eron im ilpu hal o un: er idim alupai yin ra irai up Isreel.

Niji auritai o ilpu Apostolo 13:2

Eris wat alaigaheni vai Natimarid ara um atwakam, is um ika a Nesgan Upene, Akumu idim ati imi nyak Barnabas im Saulo aijaua, va nauritai ineig kis ati rau vaig ainyak.

1 Nupu Korindus 4:3

Et idim takitai imi nyak nahilek nedo unyak unyimia, im lep nahilek nedo unyak o atimi: maiya, ek lep eti ahilek nedo unyak ainyak.

Tyuteronome 10:8

Is ikni ilpu mapoi Livai a Ihova an nopan iyehki, mika eri apos nelcau ara is amen iran intas alep u Ihova, um aiji an nuhup u Ihova, um aheca o un, um asan tas acis yi alwai an nidan, um umihum pam an nopan inig.

1 Samuel 18:23

Eris asan tas iji ig an tikgai Tevit a ilpu aheca u Saal. Is ika a Tevit, Jim aktaktai aijaua mika et itai aiheucaiheuc mika ki ohwanig u natimarid ainyak: ek idim ihki natimi ainyak, er eti ecen vai nyak.