Numera 16:5 - Intas Etipup

⁵ is tas aien ehele Kora im ilpu atimi ahced yin, um ika, Etpu aniv ilpu atimi o un imraig a Ihova, im ilpu atimi upene; um ika eri apan ubutpotet ehelen ara: etpu idim ika aien eri apan ubutpotet ehelen natimi iji igki etpu aniv ra aien.

Numera 16:5 Iomraidhean Croise

Saam 105:26

Is abrai Moses aien, mika yi aheca o un aien; im Eron iyehki is ati yin aien.

Saam 115:10

Ak ilpu mapoi Eron, akumu asgeig irai Ihova aijaua: et atau imi ra aien, um imiatamai ra.

Saam 65:4

Et mun ahesmoij a natimi inig na ati yin aiek, um ika yi apam ubutpotet ehelum, um amen anliin nokora unyum: ecrupu geije aijama irai iji itai upene an neom unyum, neom ahlap unyum marom.

Eksotus 28:1

NAMU aniv Eron etwam aiek, im ilpu hal o un irai up Isreel, mika eri aheca unyak ara, um ago nauritai u ilpu atimi ahlap, Eron marom, im lep Netab, im Abaihu, im Eliesar, im Idamar, ilpu halav atamaig u Eron.

Eksotus 28:41

Namu aso Eron etwam iran aiek, im lep ilpu hal o un; um aspi ra, um ikni ra, um acis yi alwai ra mika eri itap ara, mika eri aheca unyak ara, um ago nauritai u ilpu atimi ahlap.

Eksotus 28:43

erumu aso ra iran a Eron im ilpu hal o un, eru wit apan ara anliin neom atga, im lep an napan vaig ura ubutpotet u natau par ago itai an nuarin itap; va eri jim lucsei nedo has ara um emesmas: intas alep nigki vai yin im ilpu hal o un im ilpu mapon irai iji mesese.

Jeremaia 30:21

Erupu ilpu atimi alupas ura hal ira ra, etpu ahes ira ra a natimarid ura: ekpu ika ainyak yi apam ubutpotet ehelek aien etpu apam ubutpotet ehelek aien: et ika a Ihova, Aien di aigki et asaig an liinmopon aien mika yi apam ubutpotet ehelek?

Jeremaia 49:19

Akumu ato aijaua mika, etpu aridjipam aien et idivaig laion et wat ahes an nuarin ahgarero nofowai Jortan aien, um aat an nuarin amen iran u ilpu atimi emda; ja ekpu ika ainyak yi fi auroauro aien um aat iran: ja et atimi esjilid a di mika yi imiaras ra? Et idivaig nyak a di? etpu tas alep ehelek a di? im lep natimi asgi siip yek eda et emda aien par imiisjis ehelek?

Jeremaia 50:44

Akumu ato aijaua mika, etpu aridjipam aien et idivaig laion et wat ahes an nuarin ahgarero nofowai Jortan aien um aat an nuarin amen iran u ilpu atimi emda; ja ekpu ika ainyak yi fi auroauro aien um aat iran: ja et atimi esjilid a di mika yi imiaras ra? Et idivaig nyak adi? etpu tas alep a di? im lep natimi asgi siip yek eda et emda aien par imiisjis ehelek?

Esikiel 40:46

Eris lep ati nuarin neom inigki et ehnan narutu vai ilpu atimi ahlap iji ig era aminjinaig natau inigki ara: ilpu mapoi Setok iji igki marom eris ahtai irai ilpu mapoi Livai, mika eri apam ubutpotet ara mika eri auanaheca u Ihova ara.

Esikiel 43:19

Et ika a Natimarid Ihova; Namu alupai ilpu atimi ahlap aiek, nikavaig, ilpu mapoi Livai, is lep etpora a Setok, era apam ubutpotet ehelek ara, mika eri auanaheca unyak ara, namu alupai ra aiek kurimatau atamaig tupko mika yi itai ahlap va nedo has.

Esikiel 45:4

Erumu ohuun nuarin itap inigki an pece a ilpu atimi ahlap, ilpu aheca an neom itap marom, erumu apam ubutpotet ara mika eri auanaheca u Ihova ara: etpu uarin itap va niji iyum ura, im nuarin itap va neom itap.

Levitikus 10:3

Is ika a Moses ehele Eron, Is asaig intas inigki a Ihova, um ika, Erumu ago nedo ecen vai nyak ara asega era apam ubutpotet ehelek ara, uhmu lep imiahpas nyak an nuhup u atimi asega. Is eti tas a Eron.

Levitikus 8:2

Namu leh Eron aiek im lep ilpu hal o un, im napelumai ura, im narakei aspi, im tah kurimatau atamaig uri nitai ahlap va nedo has, im siip atamaig inyi ero, im nareto et ti leven iran an cat;

Malakai 3:18

An nopan iyehki akupu aketo aijaua um ato mika, era eche a ilpu atimi upene, jam lep eche a ilpu atimi auatatimi; era lep eche a ilpu atimi iji ig era auaraheca u Atua ara, jam lep eche a ilpu atimi iji ig era eti auaraheca o un ara.

Numera 16:3

eris asjapicnaig ara vai Moses im Eron, um ika ehele rau, Et idim ijinies inliinmopomirau aijaurau, era upene natimi asega; et lep amen a Ihova ehele ra: erau a uri aijaurau par ika erau esjilid aijaurau ira atimi u Ihova?

Numera 16:6

Ago nitai inigki aijaua; Akumu lucsei nipjiitai aijaua, ak Kora, im ilpu atimi ahced euc asega;

Numera 17:5

Ja etpu elwa niseuc u natimi inig ekpu ehtai yin ainyak: ekpu lep atapnes intas has o nup Isreel ainyak era asaig vai caurau ara.

Numera 17:8

Is wat lahlah au tak apnyin is apan a Moses anliin neom iyehki is amen intas alep iran; ja is idim ehcohodaig niseuc u Eron, um ehcai ilpu mapoi Livai, is ehcohodaig, um elwa, um oho, is eteuc nohwan.

Joanes 15:16

Akis eti ahilek nyak aijaua, ja kis ahilek caua ainyak, um ati caua, mika aki ohou aijaua, yi amen lau nohoamia: va etpu alupai caua nitai iji eigki a Etmak eka ugni yin vaig aijaua an nidak.

Niji auritai o ilpu Apostolo 1:2

um yetpan u nadiat iyehki eris imyiaridjai yin, ja is upyi hup aien, um tas alep irai Nesgan Upene ehele ilpu apostolo iji eigki is ehtai ra aien:

Niji auritai o ilpu Apostolo 1:24

Eris alaigaheni ara, um ika, Ak Natimarid, na ato inliinmopoi atimi asega aiek, namu asuptecnaig aiek natimi ineig ira rau, nai merit vai yin aiek,

Niji auritai o ilpu Apostolo 13:2

Eris wat alaigaheni vai Natimarid ara um atwakam, is um ika a Nesgan Upene, Akumu idim ati imi nyak Barnabas im Saulo aijaua, va nauritai ineig kis ati rau vaig ainyak.

Niji auritai o ilpu Apostolo 15:7

Eris imyiisjis acen ara, ja is um atidai a Pitrus, um ika ehele ra, Ak ilpu etoak, eka ato aijaua, nikavaig, is ati nyak a Atua iraija itu acen, mika eri atahaijeg intas-upene a nup urai taka pece an nipjineucsek, um imyiisjis ninivaijec:

Niji auritai o ilpu Apostolo 22:14

Is ika aien, Is ati euc a Atua o ilpu retpoija, mika an ato aiek intas o un, um alum Natimi Upene iyehki, um atahaijeg nohran:

Nupu Efesus 2:13

akis amen itac acen aijaua an naopan iyehki, ja eka amen ubutpotet aijaua an naopan ineig va namen ehele Iesu Kristo, vai inja iran.

2 Timodeus 2:19

Ja et eteuc aktit nededuon ineig is ati a Atua, er aged iran intas ineig, nikavaig, Et ato ra a Natimarid era ilpu atimi o un ara: im lep ineig, Erumu lep ude nedo has ura ara asega era anvi nidai Kristo ara.

Ilpu Hibru 12:14

AKUMU ahilek neigpa ehele atimi asega aijaua, um ago nedo upene; el et eti ago nedo ineigki tah, inyi ti alum Natimarid aien:

Nitai ehvaig 1:6

um ikni caija, mika ti ilpu atimarid akaija, um ilpu atimi ahlap u Atua Etman; etpu esjilid aien, um lep atimarid, irai iji mesese. Emen.

1 Samuel 2:28

Kis idim ehtai yin ainyak ehele nup Isreel asega, mika vi atimi ahlap aien vai nyak, um ahlap an nitai ahlap an natau unyak, um atnamud nitai auanipin upene, um aso yin irai efot an nuhup unyak; kis idim alupai etpom im ilpu hal o un im ilpu mapon niji itai ahlap atnamud asega u nup Isreel ainyak.