Numera 16:21 - Intas Etipup

²¹ Arumu udei atimi iji igki aijaurau, mika ki auroauro ainyak um auahas ra.

Numera 16:21 Iomraidhean Croise

Jenesis 19:13

ecrupu auahas nuarin inigki aijumrau, et esjilid acen nahlaig ura an nuhup u Ihova; et mun abrai cumrau a Ihova mika ecru auahas aijumrau.

Jenesis 19:14

Is apan a Lot, um tas ehele ilpu ohwanig o un, eris lucsei ilpu halav atahig o un ara, um ika, Atidai aijaua, um udei nuarin inigki; etpu auahas inmaliyum inigki a Ihova. Ja is idivaig natimi auyat aien ehele ilpu ohwanig o un.

Saam 73:19

Awe! et auroauro nerekinman ira ra, et idivaig nasvapni nesganimta atimi: era atiih ara; era emesmas ara an nimtitaig ura.

Eksotus 32:10

va nitai inigki namu udei nyak aiek, va etpu esjilid intavaitap unyak vai ra, mika ki arahon ra ainyak: ja ekpu ika ainyak eri ahes ehelum natimi inyi ahinag.

Eksotus 32:12

Erupu a uri a nup Ijipt par tas, um ika, Is iknipagki ra aien par ago niji itai has vai ra, um atgei ra irai lola edoon, um arahon ra an nobohtan? Namu atidjim aiek an tavaitap esjilid unyum, um aiheuc vai ilpu atimi unyum, vai yi jim yetpam ira ra niji itai has iji igki.

Eksotus 33:5

Is idim ika a Ihova ehele Moses, Namu tas ehele nup Isreel aiek, um ika, Eka atimi ipjin inliinmopomia aijaua: ekpu auroauro ainyak um apan an niblamia, um auahas caua: va nitai inigki akumu iknipagki niji itai yecrei caua aijaua, mika ki ato ainyak nitai inigki ekpu ago iramia ainyak.

Aiseya 37:36

Is apan a nagelo o Ihova, um auud ilpu eucsupo is 185,000 an nuarin amen iran u nup Asiria: eris wat atidai ara an nuhihialeg, um alum ra, eris idim ilpu atimi emesmas ara asega.

Jeremaia 5:16

Et idivaig netheso eris eti athei incedpoi efana ura, era ilpu atimi emda ara asega.

Numera 14:12

Ekpu auud ra ainyak an nemehe, um mahrek ira ra, ekpu ika ainyak eri ahes ehelum natimi inyi ahinag um esjilid ira ra.

Numera 14:15

Ja el et atgei natimi iji igki asega aiek et idivaig natimi et tup ethi ache, erupu tastas a nup urai iji pece eris atahaijeg intas vai euc ara, um ika,

Numera 16:20

Is tas a Ihova ehele Moses im Eron, um ika,

Numera 16:45

Arumu udei atimi iji igki aijaurau, mika ki auroauro ainyak um auahas ra. Erus eropse an nesganimtarau arau.

Numera 17:10

Is ika a Ihova ehele Moses, Imiapam niseuc u Eron an nuhup u nelcau et amen intas alep iran, um aminjinaig par itai asjaaicnaig vai ilpu atimi imipalea; napu lep atapnes intas has ura aiek an nuhup unyak, va eri jim emesmas ara.

Niji auritai o ilpu Apostolo 2:40

Is lep asan tas is ahinag is eche aien, um asuptecnaig itai, um ated ra, um ika, Akumu imyiatamaig caua aijaua vai ilpu atimi auatatimi an naopan ineig.

2 Nupu Korindus 6:17

Va nitai ineigki, et ika a Natimarid, “Akumu ude ra aijaua, um echim amen, um jim ubli pan tah nitai has, ekpu leh caua ainyak;”

Nitai ehvaig 18:4

Kis atahaijeg nohran tah is ethi is eche ainyak, is ahes an nohatag, um ika, Ak ilpu atimi unyak, akumu ude yin aijaua, va aki jim asipiai edo has o un, um lep leucse nohocred o un: