Numera 16:2 - Intas Etipup

² eris tiduari Moses ara, im lep hal irai up Isreel, nikavaig, ilpu atimi alupas is tu huntret im fifte (250), eris ato upene ra natimi, eris lep esjilid ara:

Numera 16:2 Iomraidhean Croise

Jenesis 6:4

An nopan iyehki eris amen an nobohtan a ilpu atimi emda; is wat ti pan itac nadiat iji ehki, eris apan ehele ilpu halav atahig u atimi a ilpu hal u Atua, eris apos ilpu halav ara, eris ilpu eucsupo ara sji ehki itu acen, um atimi imiali ra.

1 Iji Tas Eled 12:30

Im ilpu mapoi Ifreem, eris twente dausant im eet huntret (20,800) ara, ilpu atimi emda acen, is apaahni intas vai ra irai ilpu eteuc ira ra.

1 Iji Tas Eled 5:24

Eris ilpu atimi alupas ura ara sji igki; nan, Ifer, im Aisai, im Elaiel, im Asriel, im Jeremaia, im Hotavaia, im Jatiel, ilpu atimi emda acen, is apaahni intas vai ra, eris ilpu atimi alupas irai atimi ura ara.

Esikiel 16:14

Is apaahni intas vai euc ehele nup urai iji pece, va neklim upene u nohum: et ika a Natimarid Ihova, As idim upene asega aiek vai itai yecrei iji ig unyak kis ago iram ainyak.

Esikiel 23:10

Eris atipagki niji itai iran ara: eris lucsei ilpu halav atamaig o un im ilpu halav atahig o un ara, um atgei yin au nauitoga: eris ika cri imtitaig nedo o un a ilpu takata asega; eris idim aru iran ara.

Numera 1:16

Eris aniv ra sji igki lra atimi, eris esjilid irai ilpu eteuc ira ra ara, um atimi alupas irai iji dausant irai up Isreel.

Numera 12:1

ERUS tas ijinies a Miriam im Eron vai Moses va nedo o un, nikavaig, is leh intakata nup u Kus ehgan aien: is idim leh intakata u nup u Kus ehgan aien.

Numera 16:35

Is ahes incap ehele Ihova, um atnamud natimi is tu huntret im fifte eris ahlap annitai auanipin upene ara.

Numera 26:9

Ehtijis hal u Elaiab a Nemuel, im Tedan, im Abairam. Erus atimi erahki a Tedan im Abairam, eris tas vai rau natimi, erus imiisjis ehele Moses im Eron arau pan irai ilpu atimi apol irai Kora, eris wat imiisjis ehele Ihova ara:

Numera 27:3

Is mas a etmama an namasacen, ja is eti amen aien ehele ra sji igki eris asjapicnaig ara par imipalea Ihova pan irai ilpu atimi apol irai Kora; ja is mas aien va intup nedo has o un, is ti inhalav atamaig o un.