Numera 16:15 - Intas Etipup

¹⁵ Is edemda alupas a Moses, um ika ehele Ihova, Jim aktaktai nitai ahlap ura: kis eti leh tah togke ura ainyak, um eti ago tah nitai has vaig tah ra.

Numera 16:15 Iomraidhean Croise

2 Samuel 22:22

Kis idim aminjinaig nedo o Ihova ainyak, um eti ago nedo has vai Atua unyak.

Eksotus 32:19

Is wat apan a Moses ubutpotet u nuarin amen u atimi, is ecetai inhakli kurimatau aien, im nadikjai ura: is atavaitap alupas a Moses, is ethaigse inhat erahki aien, um ahtagrei an neuhnise u nedoon,

Niji tas Arapakau 21:27

Et amcel a Ihova vai nitai ahlap u natimi auatatimi: ja et amcel alupas vai yin aien, et wat imiapam aien an liinmopon has.

Numera 12:3

Is atimi erop acen a Moses ira atimi asega an nobohtan.

Numera 16:16

Is ika a Moses ehele Kora, Namu ehcohos pam an nuhup u Ihova aiek, im ilpu atimi apol iram asega, im lep Eron, imraig:

Madius 5:22

ja ek asaig ehelemia ainyak mika, Aien et tup edemda vai etoan aien, etpu leh neruvaig aien: aien et ika aien ehele etoan, Et takitai, uhpu tas alep vai yin: aien et ika aien ehele etoan, Ak natimi ahnag, uhpu ati yin an cop an pece has.

Markus 3:5

Is edemda vai ra aien, um aijidjid ra um arahed, is taigtaig aien va nipjin u inliinmopura, um ika ehele natimi iyehki, Namu atgeig yapidi nikmam aiek. Is um atgeig yapidi nikman aien: is um upene nikman um idivaig nahaijin nikman.

1 Nupu Korindus 9:15

Ja kis eti ago tah nedo ineigki ainyak: ek lep eti aged intas iji eigki ainyak, mika eri ago nedo ineigki vai nyak: et upene vai nyak inmasvaig, ja et eti upene mika yi atapanes intas emda unyak tah natimi.

2 Nupu Korindus 1:12

Intas imyiacitak unyak neigki, intas asuptecnaig u inliinmopok ineigki, nikavaig, et upene nedo unyak um inivaijec inliinmopok an nuhup u Atua, an namen unyak an nobohtan, jam esjilid vai caua, jam eti ago va narapakau u atimi, jai va naiheuc o Atua ache.

2 Nupu Korindus 7:2

AKUMU leh nyak aijaua; kis idim eti ago nedo has vaig tah natimi ainyak, um eti auahas inliinmopon tah, um eti efaifa vaig tah um leh tah nitai o un.

Nupu Efesus 4:26

“Aku wit edemda aijaua, jam jim ago nedo has:” etmu jim ete nagesega an nedemda unyimia:

1 Nupu Desalonaika 2:10

Eka ato aijaua, et lep ato a Atua, nikavaig, kis ago nedo upene ainyak, im nedo atoh, im nedo er eti acaiji, ehelemia ilpu atimi imyiisjis ninivaijec: