Numera 15:7 - Intas Etipup

⁷ Uhmu lep ahlap an nitai ahlap umnyi, nikavaig, nahaijin hin inyi dirt an nide vaine, par itai auanipin upene vai Ihova.

Numera 15:7 Iomraidhean Croise

1 Iji Tas Eled 29:21

Is wat ti pan itac nadiat iyehki um lep lahlah an tak apnyin, j eris ahlap irai iji itai ahlap vai Ihova ara, um ahlap irai iji itai ahlap atnamud vai Ihova; nikavaig, kurimatau atamaig is wun dausant (1,000), im siip atamaig is wun dausant (1,000), im inhakli siip is wun dausant (1,000), im niji itai ahlap umnyi ura, im niji itai ahlap et ahinag va nup Isreel asega:

Eksotus 29:40

nakli siip yi ethi im kwart inyi dri irai flaur er aplamod pelaig irai kwart yi ethi irai arakei mat; im nide vaine inyi kwart et ethi par itai ahlap umnyi.

Numera 15:6

Ja el et siip atamaig, uhmu ago nitai ahlap an nitai caig irai ahaiji ifa inyi fiftd irai flaur er aplamod pelaig an nahaijin hin inyi dirt an narakei.

Numera 15:8

Uhu wit imiyecrei kurimatau atamaig par itai ahlap atnamud, ka nitai ahlap vai intas upyi asaig, ka nitai ahlap naaurinig vai Ihova:

Numera 28:2

Namu tas ehele nup Isreel aiek, um ika ehele ra, Akumu aminjinaig aijaua um ahlap vai nyak an nopan upene eris ati, an nitai ahlap unyak, im nitai caig uri nitai ahlap unyak er ago an cap, nitai auanipin upene vai nyak.

Numera 28:7

Im nahaijin ford irai hin pan irai hakli siip yi ethi nitai ahlap umnyi: uhmu atladwi nide vaine vai Ihova an nuarin itap par itai ahlap umnyi.

Numera 6:15

im incat et amen iran nareto et ti leven iran, im nareto apalapal irai flaur upene er atise narakei iran, im biskit er aspi an narakei, im nitai ahlap ura an nitai caig, im nitai ahlap ura an nitai umnyi.

Ilpu Atimi Tas Alep 9:13

Ja is ika ehele ra vaine, Oʼo, et ehka vai nyak par udei nide vaine unyak, et imiacitak a Atua im lep natimi vaig, um apan mika ki atimarid u niji cai ainyak.