Numera 15:3 - Intas Etipup

³ um ika aki ahlap vai Ihova an nitai ahlap atnamud, ka nitai ahlap vai intas upyi asaig, ka nitai ahlap vai intup merit unyimia, ka ira asjapicnaig itap unyimia, kurimatau unyimia, im siip unyimia, mika yi itai auanipin upene vai Ihova:

Numera 15:3 Iomraidhean Croise

Jenesis 8:21

Is ahgei nipin upene a Ihova; is ika inliinmopoi Ihova. Inki eti lep asan tas ahlaijaig nobohtan ainyak va atimi; et has naktaktai u inliinmopora ara an halav ura, um yetpan irai iji adiat; inki eti lep auahas niji itai umumoh asega ainyak, et idivaig kis mun ago ainyak.

Esra 7:17

va apu auroauro aiek um auarimtai kurimatau atamaig irai mune inigki, im siip atamaig, im inhakli siip, im lep niji itai ahlap an nitai caig, im niji itai ahlap umnyi urin, um ahlap iran an natau an neom u Atua unyimia Jerusalem.

Saam 54:6

Ekpu ahlap vai euc ainyak an nitai ahlap inig et ispuk ahes an liinmopok: ak Ihova, ekpu imiahpas nidam aiuyak; et idim upene nedo inigki.

Eksotus 29:18

Namu lep atnamud siip atamaig asega aiek an natau: nitai ahlap atnamud nigki vai Ihova: et itai auanipin upene, nitai ahlap er ago an cap vai Ihova.

Eksotus 29:25

Namu lep iknipagki irai ikmara aiek, um atnamud an natau, uri nitai ahlap atnamud, mika yi itai auanipin upene an nuhup u Ihova: nitai ahlap nigki er ago an cap an nuhup u Ihova.

Eksotus 29:41

Namu lep ahlap aiek an hakli siip yi ethi an jupura, um ago iran et idivaig nitai ahlap eh caig an nuhialeg, um lep idivaig nitai ahlap er umnyi, par itai auanipin upene, nitai ahlap er ago an cap vai Ihova.

Levitikus 10:13

ehtijmu caig aijautaij an nuarin itap, nuarin imtam im lep imi ohwat hal unyum nigki irai iji itai ahlap vai Ihova er ago an cap: et um uce intas alep eris asaig ehelek.

Levitikus 27:2

Tas ehele nup Isreel aiek, um ika ehele ra, El et asaig intas ipjin tah mika yi itap tah, etmu itap vai Ihova natimi iyehki et idivaig mune vai yin eri asaig.

Levitikus 7:16

Ja el et ahlap aien vai intas upyi asaig o un, ka tup inmerit o un, uhmu caig nitai ahlap o un an nadiat inig et ahlap iran aien: uhmu lep caig nahaijin inig et eled an tak apnyin:

Numera 28:27

ja akumu ahlap aijaua an nitai ahlap atnamud, par auanipin upene vai Ihova; kurimatau atamaig takuras inyi ero, im siip atamaig inyi ethi, im inhakli siip inyi seven et eteuc inmesese et ethi ira ra;

Numera 29:8

ja akumu ahlap aijaua an nitai ahlap atnamud vai Ihova par itai auanipin upene; kurimatau atamaig takuras inyi ethi, im siip atamaig inyi ethi, im inhakli siip inyi seven et eteuc inmesese et ethi ira ra; um ti nitai has ira ra vai caua:

Numera 6:15

im incat et amen iran nareto et ti leven iran, im nareto apalapal irai flaur upene er atise narakei iran, im biskit er aspi an narakei, im nitai ahlap ura an nitai caig, im nitai ahlap ura an nitai umnyi.

Madius 3:17

is ahes an nohatag nohran tah, um ika, Inhalav cop unyak ineigki, ek imyiacitak yin ainyak.

2 Nupu Korindus 2:15

ek itai auanipin upene u Kristo ainyak imi Atua ehele ilpu atimi iji eigki er imyiatamaig ra, im lep ehele ilpu atimi iji eigki er auahas ra:

2 Nupu Korindus 2:16

ek itai auanipin eh mas vaig ainyak imi ra sji eigki; jam itai auanipin er umumoh vaig imi ra sji ehki. Ja et emda a di par ago nitai iji eigki?

Nupu Efesus 5:2

um aiyu jipe u inliinmopomia vai caua, et idiva naiyu u inliinmopoi Kristo vai caija, is ispun ahtai yin aien mika eri atgei yin, nitai ahlap vai Atua, nitai auanipin upene.

Tyuteronome 12:11

etpu aniv intah anuarin a Ihova Atua unyimia, um ati nidan eahki par amen; akumu imiapan eahki aijaua niji itai asega ek asaig ehelemia ainyak; niji itai ahlap atnamud unyimia, im niji itai ahlap unyimia, im niji uari tend unyimia, im niji itai ehvaig irai ikmamia, im niji itai esjilid asega vai intas upyi asaig unyimia akis asaig ehele Ihova aijaua:

Tyuteronome 12:17

Akumu jim caig niji uari tend irai korn unyimia aijaua iraili imnim unyimia, ka nide vaine unyimia, ka narakei oliv unyimia; ka inmeto irai hakli kurimatau unyimia, ka siip unyimia, ka tah nitai vai intas upyi asaig unyimia, ka niji itai ahlap eka tup ago aijaua, ka niji itai ahlap asjaig jipe irai ikmamia:

Tyuteronome 12:6

akumu imiapan niji itai ahlap atnamud unyimia eahki aijaua, im niji itai ahlap, im niji uari tend unyimia, im niji itai ahlap ehvaig irai ikmamia, im niji itai ahlap vai intas aktit unyimia, im niji itai ahlap eka tup ago aijaua, im inmeto irai kurimatau unyimia im siip unyimia:

Nupu Filipai 4:18

Ja et eteuc niji itai asega imtak, ek ikni itai ainyak: et ahinag niji itai unyak ainyak, kis leh ehele Epafrotaitus ainyak nitai iji eigki akis imyiapam ehelek aijaua, nitai auanipin upene, nitai ahlap npene, et imyiacitak vaig a Atua.