Numera 15:25 - Intas Etipup

²⁵ Etmu lep ahlap a natimi ahlap va nedo has u nup Isreel asega, ja uhpu eti aru ira ra; eris ago nedo has va neti ato itai ura: erumu imiapam nitai ahlap ura ara nitai ahlap er ago an cap vai Ihova, im nitai ahlap ura va nedo has an nuhup u Ihova, va napat u inliinmopora:

Numera 15:25 Iomraidhean Croise

Natimi Efehtas 5:6

Namu acaiji nipjineucsem aiek, va an jim imiahnag euc vaig aiek, um ago nedo has; um jim ika ehele naheca u Atua, kis ahnag iran ainyak: et ehcamecha etpu edemda vai intas unyum a Atua, um auahas nauritai irai ikmam?

Levitikus 15:15

etmu ahlap iran a natimi ahlap, inyi itai ahlap va nedo has et ethi, inyi lep itai ahlap atnamud et ethi; etmu ahlap a natimi ahlap an nuhup u Ihova va nemehe iran.

Levitikus 4:20

Etmu ago irai kurimatau atamaig inig aien, et idivaig is ago irai kurimatau atamaig iyehki aien, eris ahlap iran va nedo has: etmu lep ahlap va nedo has ura a natimi ahlap, ja uhpu eti aru ira ra.

Levitikus 4:26

Etmu atnamud nagako asega iran aien an natau, et idivaig nagako irai iji itai ahlap va nigpa: etmu lep ahlap va nedo has o un a natimi ahlap, ja uhpu eti aru iran.

Levitikus 4:31

Etmu atipagki nagako asega iran aien, et idivaig er atipagki nagako irai itai ahlap va nigpa; etmu lep atnamud a natimi ahlap an natau mika yi itai auanipin upene vai Ihova; etmu ahlap va nedo has o un a natimi ahlap, ja uhpu eti aru iran.

Levitikus 4:35

etmu atipagki nagako asega iran aien, et idivaig er atipagki nagako an hakli siip er ahlap iran va nigpa; etmu atnamud an natau a natimi ahlap, et idivaig niji itai ahlap er ago vai Ihova an cap: etmu ahlap va nedo has o un a natimi ahlap, ja uhpu eti aru iran.

Lukas 23:34

Is ika a Iesu, Ak Etmak, jim aru nedo has ura aiek; era eti ato ara nitai ineig era ago ara. Eris ahai apelumai o un ara irai itai asjaaicnaig.

Niji auritai o ilpu Apostolo 13:39

ara asega era imyiisjis ninivaijec ara, eris ika et atoh nedo ura vai yin, va nitai iji eigki asega is ehka vai intas alep o Moses nikavaig et atoh nedo unyimia.

Nupu Roma 3:25

aien aigki is ati yin a Atua mika yi itai ahlap aien va nasgeig an ja iran uja, va uhpu ehvaig nika o un et atoh nedo o atimi, va neti aruvaig nedo has eris upyi ago, va nedo erop o Atua;

Tyuteronome 21:21

Erumu asji yin irai hat natimi asega an maliyum o un, mika yi mas aien: uhmu atipagki nedo has iramia an nedo inigki; erupu lep atahaijeg a nup Isreel asega, um imtitaig.

Ilpu Hibru 2:17

Va nedo ineigki eris idim ika yi idivai ilpu etoan aien an niji itai asega, va etpu atimi esjilid an nahlap aien, um aiheuc vai caija, um inivaijec, an niji itai u Atua, mika yi ahlap vai edo has u atimi, um asan neigpa.

Ilpu Hibru 9:7

Ja is ehcethi apan a natimi esjilid an nahlap an nilpun neom itac irai iji mesese, aien ache, is apos inja aien, um ahlap vai yin, im lep vai edo has u atimi:

1 Joanes 2:2

et itai ahlap va nedo has uja aien: ja eti va nedo has uja ache, jam lep va nedo has u atimi asega ari nobohtan.