Numera 15:15 - Intas Etipup

¹⁵ Inyi tup ethi ache intas alep vai caua nup Isreel, im uup urai taka uarin era amen ehelemia ara, inyi amen intas alep irai iji mesese irai ilpu mapomia: inyi idivaig caua a nup urai taka uarin an nuhup u Ihova.

Numera 15:15 Iomraidhean Croise

Ester 9:27

eris ati a nup u Juta, um asaig intas aktit vai ra, im ilpu mapora, im lep vai ra asega eri tup ethi ache pan ira ra ara, va yi jim ti, ja eri apos nadiat erahki is idivaig intas eris aged, an nopan iyehki eris asaig, irai iji mesese;

Eksotus 12:14

Akumu imiheva nadiat inigki aijaua; akumu apos aijaua um hag iran vai Ihova, im lep ilpu mapomia asega; akumu apos ai-jaua um lep ago nedo inigki irai iji mesese.

Eksotus 12:24

Akumu ago nedo inigki aijaua, im lep ilpu mapomia irai iji mesese.

Eksotus 12:43

Is ika a Ihova ehele Moses im Eron, Intas alep va nahtaregdei caua nigki: Etmu jim caig tah nup urai taka pece:

Eksotus 12:49

Etmu tup ethi ache intas alep va natimi eris apos yin an pece, im nup urai taka uarin et amen ehelemia aien.

Eksotus 28:43

erumu aso ra iran a Eron im ilpu hal o un, eru wit apan ara anliin neom atga, im lep an napan vaig ura ubutpotet u natau par ago itai an nuarin itap; va eri jim lucsei nedo has ara um emesmas: intas alep nigki vai yin im ilpu hal o un im ilpu mapon irai iji mesese.

Levitikus 24:22

Etmu tup ethi ache intas alep unyimia, va nup urai taka pece, im lep va nup uran pece unyimia: et uce intas alep unyak Ihova Atua unyimia.

Numera 10:8

Erumu ahlai toho a ilpu hal u Eron, era ilpu atimi ahlap ara; intas alep imi caua nigki im ilpu mapomia irai iji mesese.

Numera 15:14

El et amen ehelemia natimi an taka uarin, el et lep amen tah ehelemia, ka irai ilpu mapomia, u in ika yi ahlap an nitai ahlap er ago an cap par itai auanipin upene vai Ihova; etmu ago aien et idivaig eka ago aijaua.

Numera 15:29

Etmu ethi ache intas alep vai yin et ago nedo has aien jam eti ato, kit et up uran pece Isreel aien, ka nup urai taka uarin era amen ehelemia ara.

Numera 18:8

Is ika a Ihova ehele Eron, Ek mun ati euc ainyak mika an aminjinaig niji itai ahlap asjaig jipe unyak aiek irai iji itai itap asega u nup Isreel; ek mun alupai euc ra ainyak, im ilpu hal unyum, va naspi caua vaig, vai intas alep irai iji mesese.

Numera 9:14

El et amen ehelemia tah natimi an taka pece, um ika yi aminjinaig nahtaregdei atimi vai Ihova; etmu ago aien et idivaig intas alep vai nasjapicnaig iyehki im lep idivaig nedo iran: inyi tup ethi ache intas alep va atimi an taka pece, im lep nup uran pece.

Nupu Calesya 3:28

Era eti lep eche a nupu Jutaia im nupu Crisi, im ilpu aheca im ilpu atimi eti aheca, im ilpu atamaig im ilpu takata: eka idim tup ethi ache aijaua asega irai Iesu Kristo.

Nupu Kolose 3:11

et ti nupu Crisi im nupu Jutaia igcaki; um ti ilpu atimi aperitome, im ilpu atimi eti aperitome; um ti nup urai taka pece im nup an namasacen, im ilpu aheca im ilpu atimi eti aheca: ja et iji itai asega a Kristo, ira atimi asega.

Josua 8:33

Eris aiji a nup Isreel asega, im ilpu atimi tas alep ura, im ilpu atimi atau ira ra, im ilpu atimi alupas ura, an nahaijin nelcau im nahaijin, an nuhup u ilpu atimi ahlap, ilpu mapoi Livai marom, eris apos nelcau ara is amen iran intas alep u Ihova, nup urai taka pece, im lep ra eris apos ra an pece ara; eris amen nahaiji ra ehnain pan an lolan nedoon Cerisim, im nahaiji ra ehnain pan an lolan nedoon Ibal; is idivaig is upyi asaig a Moses naheca u Ihova, mika eri asan tas upene vai nup Isreel ara.

1 Samuel 30:25

Is ika aien inyi intas alep im intas ati vai nup Isreel nahaigvaig inigki, ahes an nopan iyehki um imihum pam an nopan inig.