Numera 14:6 - Intas Etipup

⁶ Erus lep ahpati napelumai urau a Josua inhal u Nun, im Keleb inhal u Jefunni, erus ahced ra sji ehki arau eris aijidjid inpece ara:

Numera 14:6 Iomraidhean Croise

Jenesis 37:29

Is adumoij pan u nehpanitai a Ruben; ja is eti amen a Josef an nehpanitai; is ahpati napelumai o un aien.

Jenesis 37:34

Is ahpati napelumai o un a Jekob, um areraig napelumai uucai, um taigtaig vai inhal o un ira adiat is ahinag.

Jenesis 44:13

Eris ahpati apelumai ura ara, eris lep iknijai itai apos irai togke ura ara asega, um adumoij pan an maliyum.

2 Samuel 3:31

Is ika a Tevit ehele Joab im natimi asega eris amen ehelen, Ah-pati apelumai unyimia aijaua, um aroraijiraig caua ira apelumai uucai, um imitaig Abner. Is apitac nahat a Tevit natimarid.

2 Ilpu Atimarid 18:37

Ehtijis apan a Elaiakim inhal u Hilkaia natimi esjilid an nimnim, im Sebna natimi aged tas, im Joa inhal u Esaf natimi aged ida atimi, ehele Hesekaia, ehtijis ahpati napelumai irai ehtaij, um asaig ehelen intas o Rabsake.

1 Iji Tas Eled 7:27

is hal u Elisama a Nun; is hal u Nun a Josua.

Nitaasviitai u Job 1:20

Is atidai a Job, um ahpati napelumai o un, um ucsei nidjinin, um eropse an nobohtan, um alaigaheni,

Numera 13:30

Is ago eropse inliinmopoi atimi a Keleb an nuhup u Moses, um ika, Intumu auroauro akaija um aridjai, um ohuun inpece; inta emda akaija par atimarid iran.

Numera 13:6

Im Keleb inhal u Jefunni irai ilpu mapoi Juta.

Numera 13:8

Im Osia inhal u Nun irai ilpu mapoi Ifreem.

Numera 14:24

ja is eche inliinmopoi Keleb naheca unyak, is apitac nyak asega aien, va nitai inigki ekpu imiapan yin ainyak an pece is apan iran aien; erupu ohuun a ilpu mapon.

Numera 14:30

akupu idim eti apan aijaua an pece iyehki kis asan tas aktit vaig ainyak, um ika, Akupu amen iran aijaua, Keleb ache inhal u Jefunni, im Josua inhal u Nun.

Numera 14:38

Ja is umoh a Josua inhal u Nun, im Keleb inhal u Jefunni, irai ra sji ehki eris apan ara par aijidjid inpece.

Numera 14:5

Erus atpuse a Moses im Eron an nuhup u nup Isreel asega eris asjapicnaig ara.

Numera 14:7

erus tas arau ehele nup Isreel asega, um ika, Et upene acen inpece iyehki ecris atga iran aijama par aijidjid.

Madius 26:65

Is ahpati napelumai iran a natimi esjilid an nahlap, um ika, Et mun asan tas has esjilid aien; inta auri akaija par lep ahilek atimi par asuptecnaig vai yin? eka mun atahaijeg intas has esjilid o un aijaua:

Markus 14:63

Is um ahpati napelumai iran a natimi esjilid an nahlap, um ika, Inta auri akaija par lep ahilek atimi par asuptecnaig vai yin?

Niji auritai o ilpu Apostolo 14:14

Erus wat ato ahwat apostolo Barnabas im Paulo, erus ahpati napelumai urau arau, um athut pan ehele atimi, um ahlaig ijinies,

Josua 14:6

Eris apan Cilcal ehele Josua a ilpu mapoi Juta: is tas ehelen a Keleb inhal u Jifunni nup u Kines, um ika, Na ato aiek nitai iyehki, is asaig a Ihova ehele Moses natimi u Atua vai nyak, im lep vai euc, Ketes-barnea.

Josua 7:6

Is ahpati napelumai o un a Josua, um atpuse an nobohtan an nuhup u nelcau u Ihova um yetpan an jupura, aien im ilpu atimi alupas u nup Isreel, um atijai inmah irai idjinira.

Ilpu Atimi Tas Alep 11:35

Is wat ecet yin a Jefda, is ahpati napelumai o un aien, um ika, Awe, ak inhal unyak! na mun imiasuol nyak aiek, et ehioehio inliinmopok ainyak vai euc: ek mun asalgei nipjineucsek ainyak ehele Ihova, et lep ehka vai nyak par adumoij pam.