Numera 14:3 - Intas Etipup

³ Is a uri a Ihova par imiapam cama an pece inigki, par emesmas an nedoa? erupu ilpu ohua an nedoa a ilpu ehgama, im ilpu hal unyima: et upene mika ecri lep adumoij pan an pece Ijipt aijama.

Numera 14:3 Iomraidhean Croise

Nihemaia 9:17

um eti imiaiji, eris lep eti aktaktai nedo imiali unyum ara as ago aiek ehele ra; ja eris imipalea ara, um ati natimi alupas imi ra an liinmopora ahnag mika eri adumoij ara u nauanaheca ura: ja na Atua iknipagki nedo has aiek, um aiheuc va atimi, um eti eriss ira ra, um eti fi atavaitap, um esjilid naiheuc unyum, um eti udei ra.

Saam 78:40

Eris ecahinag imiisjis ehelen ara an namasacen, um auahas inliinmopon an tup auun!

Eksotus 16:3

eris ika ehele rau a nup Isreel, El is upene vai cama el ecris emesmas aijama va nikmai Ihova an pece Ijipt, ecris wat amen aijama ui ipjiuru atho nitai hegaig iran, um caig nitai caig, um geije; arus imiapam cama aijaurau an namasacen inigki, par atgei atimi iji igki asega an numlaig.

Eksotus 5:21

eris tas ehele rau ara, um ika, Etmu alum caurau a Atua, um aktaktai nedo unyimirau; er amcel vai cama an nuhup u Fero, im lep an nuhup u ilpu aheca o un vai caurau, arau mun lep ati nauitoga irai ikmara aijaurau par atgei cama.

Jeremaia 42:14

um ika, Oʼo: ja ecrupu apan an pece Ijipt aijama, ecrupu eti ecetai nedoa eahki aijama, um eti ahgei nohran toho, inyi eti ehtele cama an ti vaig u nitai caig; ecrupu idim amen eahki aijama:

Jeremaia 42:19

Intas o Ihova vai caua nigki, ak ilpu ahri nup u Juta; nikavaig, Akumu jim apan an pece Ijipt aijaua: akumu idim ato aijaua mika, ek mun acaiji caua ainyak an nadiat inigki.

Jeremaia 9:3

Et imrig intas an nipjineucsera ara, era atcijaig ara et idivaig nefana; era eti emda ara vai intas inveijec an nobohtan; et ika a Ihova, Et auatai elvalupas nedo has ura, era eti ato nyak ara.

Numera 11:20

ja inmohoc inyi ethi, um yetpan an nopan iyehki etpu ehcohos an mun gidjimia, akupu lep amcel vaig aijaua: va nedo unyimia, nikavaig, akis amcel vai Ihova aijaua et amen ehelemia aien, um taig an nuhup o un, um ika, Ecris a uri aijama par udei inpece Ijipt?

Numera 16:13

et eti tintin nedo has inigki mika as iknipagki cama aiek an pece is amen alupas nidenided im hune iran, um atgei cama an namasacen, na lep ika aiek na atimarid unyima aiek.

Numera 20:3

Eris atuh Moses ara, um ika, El is upene el ecris emesmas aijama eris wat emesmas a ilpu etwama au nuhup u Ihova!

Numera 21:5

Eris asan tas ehti natimi vai Atua, im lep Moses, um ika, Arus a uri aijaurau par iknipagki cama an pece Ijipt mika ecri emesmas aijama an namasacen? et ti nitai caig, um ti inwai; ecra lep esjum aijama va nitai caig eti ahgei inigki.

Niji auritai o ilpu Apostolo 7:39

ja eris ika a ilpu retpoija eri eti imyiaiji intas o un, eris ahpaadeig pagki yin ara, is ahidaig pan Ijipt inliinmopura ara,

Tyuteronome 1:39

Erupu lep apan eahki a ilpu halav haklin unyimia, akis ika aijaua eri lucsei ra an nedoa, im ilpu hal unyimia, eris eti ato tah nitai upene ara ka tah nitai has an nopan iyehki, ekpu alupai ra ain-yak, erupu lep ohuun ara.