Numera 13:27 - Intas Etipup

²⁷ Eris tas ehelen ara, um ika, Ecris apan aijama an pece as abraig pan cama iran aiek, et idim alupas nidenided im hune iran; nohwai itai iran nigki.

Numera 13:27 Iomraidhean Croise

Nihemaia 9:25

Eris atoraliak niji maliyum ipjin ara, im inpece upene, um ohuun niji eom is ohua inpadiaig asega iran, im niji ehpaiwai eris ucji, is lep ahinag nokoro vaine, im nokoro oliv, im nauicai oho: eris hag ara, um geije, eris amen upene ara, um imiacitak nedo upene esjilid unyum.

Eksotus 13:5

Etu wit imiapan caua a Ihova an pece u nup u Kenan, im nup u Hed, im nup Emor, im nup u Haivai, im nup u Jibus, is asig yi aktit intas vaig aien ehele ilpu retpomia mika yi alupai caua aien, inpece inig et amen alupas nidenedid im hune iran, akumu ago nedo inigki aijaua an mohoc inigki.

Eksotus 3:17

kis ika ainyak, Ekpu iknipagki caua ainyak an pece Ijipt va nohocred unyimia, um imiapan caua an pece u nup u Kenan, im nup u Hed, im nup Emor, im nup u Piris, im nup u Haivai, im nup u Jibus, inpece et amen alupas nidenided im hune iran.

Eksotus 3:8

ek mun asuol pam ainyak par imiatamai ra va nikmai nup Ijipt, um iknipagki ra an pece inaico, um ikni ra an pece upene um alupas, inpece et amen alupas nidenided im hune iran; an pece u nup u Kenan, im nup u Hed, im nup Emor, im nup u Piris, im nup u Haivai, im nup u Jibus.

Eksotus 33:3

et amen alupas nidenedid im hune an pece iyehki: ja inki eti atga an niblamia ainyak; eka atimi ipjin inliinmopomia aijaua: vai ki jim auahas caua ainyak an nefalaig.

Jeremaia 11:5

mika ki ehneijid intas iyehki kis asig yi aktit ainyak ehele ilpu retpomia, par alupai ra inpece et alupas acen nidenided im hune iran, et idivaig an nopan inig. Kis lep asaig ainyak, um ika, Etmu idim uco, ak Ihova.

Jeremaia 32:22

as lep alupai ra inpece inigki aiek, as asaig yi aktit intas vaig aiek ehele ilpu mapora par alupai ra, inpece inig et amen alupas nidenided im hune iran;

Esikiel 20:15

Ja kis lep asig yi aktit intas ehele ra ainyak an namasacen, um ika ekpu eti imiapam ra ainyak an pece inig kis alupai ra ainyak, is alupas nidenided im hune iran, is esjilid irai iji pece asega;

Esikiel 20:6

an nopan iyehki marom kis wat asig yi aktit intas ehele ra ainyak, mika ki iknipagki ra an pece Ijipt ainyak, um imiapam ra an pece inig kis ahilek vai ra ainyak, is alupas nidenided im hune iran, is esjilid irai iji pece asega:

Levitikus 20:24

Ja ek mun ika ehelemia ainyak, Akumu ohuun inpece ura aijaua, ekpu alupai caua ainyak, mika aki amen iran aijaua, et alupas nidenided im hune an pece iyehki: ek Atua unyimia ainyak Ihova, ek mun echim ikni caua ainyak ehele nup urai iji taka pece.

Numera 14:7

erus tas arau ehele nup Isreel asega, um ika, Et upene acen inpece iyehki ecris atga iran aijama par aijidjid.

Numera 14:8

El et imiacitak caija a Ihova, etpu idim imiapan caija aien an pece iyehki um alupai caija; et idim alupas nidenided im hune iran.

Numera 16:13

et eti tintin nedo has inigki mika as iknipagki cama aiek an pece is amen alupas nidenided im hune iran, um atgei cama an namasacen, na lep ika aiek na atimarid unyima aiek.

Numera 16:14

As lep eti imiapan cama aiek an pece et amen alupas nidenided im hune iran, um eti alupai cama nuari obohtan im nokoro vaine mika ecri ohuun aijama: napu imiahnag natimi iji igki aiek, ka oʼo? ecrupu eti apam aijama.

Tyuteronome 11:9

um amen um itu iramia an pece iyehki, is asaig a Ihova ehele ilpu retpomia mika etpu alupai ra aien im ilpu mapora, inpece inig et ohua nidenedid im hune iran.

Tyuteronome 26:9

as imiapam cama an nuarin inig aiek, um alupai cama inpece inig, inpece et ohua nidenided im hune iran.

Tyuteronome 27:3

um aged iran intas asega an tas alep inigki, aku wit algaunyi aijaua, va akupu yetpan an pece et alupai caua a Ihova Atua unyimia, inpece et ohua nidenided im hune iran; et idivaig is upyi asaig ehelemia a Ihova Atua u ilpu retpomia.

Tyuteronome 31:20

Eku wit imiapan ra ainyak an pece iyehki kis asaig ehele ilpu retpora ainyak, et alupas nidenided im hune iran; eru wit hag ara, um geije, um alupas, erupu apitac ilpu atmas u nup urai iji pece ara, um aheca ura, um auahas inliinmopok, um imipalea intas etipup unyak.

Tyuteronome 6:3

Ak nup Isreel, akumu atahaijeg aijaua, um imiaiji; va akupu ahinag acen aijaua, um lep amen upene, et idivaig is upyi asaig a Ihova Atua u ilpu retpomia, an pece iyehki et alupas nidenided im hune iran.

Josua 5:6

Eris atga an namasacen irai mesese is forte a nup Isreel, um imihum pan an nopan iyehki eris emesmas a ilpu atimi ago nedoa asega eris ahes Ijipt ara, va nedo ura, nikavaig, eris eti imiaiji intas o Ihova ara: is asaig intas aktit ehele ra aien mika eri eti ecetai inpece iyehki ara, is upyi asaig ehele ilpu retpora a Ihova mika, etpu alupai ra aien inpece et alupas nidenided im hune iran.