Numera 13:26 - Intas Etipup

²⁶ Eris lep apan ehele Moses im Eron im nup Isreel asega ara Ketes, an namasacen Peran, um asuptecnaig intas ehele rau, im lep ehele atimi asega, um ehvaig ehele ra nohwai itai an pece.

Numera 13:26 Iomraidhean Croise

Jenesis 14:7

Eris adumoij ara, um yetpan Enmispat, tak idan Ketes, um auahus inpece asega u nup Amalek, im lep nup Emor eris amen ara Hasison-temar.

Saam 29:8

Etpu eucjeucjaig namasacen a Ihova an nohran; et ika a Ihova yi amaamai namasacen Ketes.

Numera 13:25

Eris aijidjid inpece ira adiat is forte ara, ja par adumoij.

Numera 13:3

Is abrai ra a Moses an namasacen Peran vai intas alep u Ihova: eris ilpu atimi alupas u nup Isreel ara sji ehki asega.

Numera 20:1

ERIS apan a nup Isreel asega an namasacen Sin an mohoc uhup: eris amen Ketes natimi; is mas a Miriam eahki, eris lep atelmoi yin eahki.

Numera 20:14

Is abra atimi a Moses mika eri ahes Ketes ara um apan ehele natimarid an pece Itom, um ika, Era ika a nup Isreel ilpu etwam, Na ato aiek nohocred asega is yetpam irama:

Numera 20:16

ecris wat ahlaig vai Ihova aijama, is atahaijeg nohrama aien, um abrai naheca o un, um iknipagki cama an pece Ijipt: ecra amen Ketes aijama inmaliyum an nehni vai inpece unyum:

Numera 32:8

Eris ago nedo inigki a ilpu retpomia, kis wat abrai ra Ketes-barnea ainyak, mika eri apan ara um almoi inpece.

Numera 32:9

Eris wat apan ara an niskanse Eskol par almoi inpece, eris auahas inliinmopoi nup Isreel ara, va eri jim apan ara an pece inig is alupai ra a Ihova.

Numera 33:36

Eris ahes Ision-ceber ara, um apan, um atumop au namasacen Sin, Ketes iyehki.

Tyuteronome 1:19

Intis ahes Horeb akaija, um atga an namasacen asega iyehki is alupas um has, akis ecetai aijaua ubutpotet pan u nedoon u nup Emor, et idivaig is asaig eheleija a Atua; ja intis yetpam Ketes-barnea akaija.

Tyuteronome 1:2

(Er atga ira adiat et eleven, eh wat ahes Horeb alaig apan Ketes-barnea, an nefalaig ubutpotet pan nedoon Sier.)

Josua 14:6

Eris apan Cilcal ehele Josua a ilpu mapoi Juta: is tas ehelen a Keleb inhal u Jifunni nup u Kines, um ika, Na ato aiek nitai iyehki, is asaig a Ihova ehele Moses natimi u Atua vai nyak, im lep vai euc, Ketes-barnea.

Josua 14:7

Is eteuc inmesese is forte irak an nopan iyehki, is abrai nyak a Moses naheca u Ihova, mika ki ahes Ketes-barnea ainyak um apan um almaijidjid inpece; kis lep imiapan intas ehelen ainyak is idivaig is amen an liinmopok.