Numera 13:22 - Intas Etipup

²² Eris aridjai an nuarin inig et ahes nuritoga iran ara, um yetpan Hibron; ehtijis amen eahki a Ahaiman im Seseai, im Talmeai ehtaij mapoi Enak. (Eris uhup um actaig inmaliyum Hibron, ja is wat ti pan itac inmesese is seven eris actaig inmaliyum Soan an pece Ijipt.)

Numera 13:22 Iomraidhean Croise

Jenesis 13:18

Is atipagki neom o un a Ebram, um apan um amen an nuarin marara Mamri, ubutpotet pan Hibron, is lep actaig natau eahki aien vai Ihova.

Jenesis 23:2

Is mas a Sera Kirjad-arba, tak idan Hibron, an pece Kenan: is apan a Ebraham mika yi taig afakatotau, um imitaig Sera ehgan.

2 Samuel 2:1

IS wat ti pan itac nitai inigki, is ahodaig Ihova a Tevit, um ika, Ekpu aridjipan ainyak o un tah inmaliyum u nup u Juta, ka oʼo? Is ika a Ihova ehelen, Aridjipan aiek. Is um ika a Tevit, Ekpu aridjipan eda ainyak? Is um ika aien, Alaig Hibron.

2 Samuel 2:11

Is atimarid u nup u Juta a Tevit Hibron irai mesese is seven im inmohoc is siks.

2 Samuel 21:16

Is amen eahki a Isbe-binob, is mapoi Refa (natimi emda acen) aien, is apapa pan irai dri huntret (300) sikel irai bras an mopul o un; is ahid nauitoga mat aien, is ika aien yi atgei Tevit.

Saam 78:12

Is ago nedo imiali aien an nuhup u ilpu retpora, an pece Ijipt, an nuarin pece Soan.

Saam 78:43

Is ago niji itai asjaaicnaig aien an pece Ijipt, im nedo imiali o un an nuarin pece Soan:

Aiseya 19:11

Era ilpu atimi ahnag ache a ilpu atimi alupas Soan, et maumau intas asuptecnaig u ilpu atimi asuptecnaig intas arapakau u Fero: eka a uri aijaua par ika ehele Fero, Ek mapoi ilpu atimi arapakau ainyak, ek mapoi ilpu atimarid itu ainyak?

Aiseya 19:13

Era ahnag a ilpu atimi alupas Soan, er imiahnag ilpu atimi alupas Nof; era mun ahiyek nup Ijipt a ilpu atimi alupas irai uari pece ura.

Aiseya 30:4

Vaig inig nikavaig, era amen Soan a ilpu atimi alupas o un, um yetpan Tahapanes a ilpu atimi ehced o un.

Numera 13:17

Is abrai ra a Moses mika eri aijidjid inpece Kenan ara, um ika ehele ra, Akumu apau an nuarin inig et ahes nuritoga iran aijaua um aridjai au lolan nedoon.

Numera 13:28

Ja era emda natimi amen an pece, et arehed irai maliyum ura niji athatahau, et lep esjilid acen: ecris lep almoi ilpu mapoi Enak aijama eahki.

Numera 13:33

Ecris almoi ilpu atimi ijinies aijama eahki, nikavaig, ilpu mapoi Enak, eris ahes irai ilpu atimi actal-actal ara: ecris idivaig heled aijama an nuhup unyima im lep an nuhup ura.

Tyuteronome 9:2

era alupas um ijinies a nup uran pece, nikavaig, ilpu mapoi Enak, eka ato ra aijaua, eris lep ika vai ra, Et emda a di natidai vaig an nuhup u ilpu mapoi Enak!

Josua 10:36

Is ahes Eclon a Josua um aridjipan, im lep nup Isreel asega ehelen, um yetpan Hibron; um ago nedoa vaig:

Josua 21:13

Et um uco eris alupai ilpu mapoi Eron natimi ahlap Hibron im niji uari obohtan arehed iran, mika yi maliyum eri ahapan iran a ilpu atimi atgei atmas; im Libna im niji uari obohtan arehed iran,

Ilpu Atimi Tas Alep 1:10

Eris apan a ilpu mapoi Juta, um aat irai up u Kenan iji ig eris amen Hibron ara: (is idai Hibron itu Kirjad-arba:) eris atgei Seseai ara, im Ahaiman, im Talmeai.

1 Samuel 30:31

im lep imi ra eris amen Hibron ara, im lep imi nup urai uari pece asega eris amen iran a Tevit im ilpu atimi o un.