Numera 13:2 - Intas Etipup

² Namu abrai atimi aiek mika eri aijidjid inpece Kenan inig ara, ek alupai nup Isreel ainyak: akumu abrai natimi aijaua, yi athi um athi ehni, irai iji ahaiji nup Isreel, erumu ilpu atimi alupas ura ara asega.

Numera 13:2 Iomraidhean Croise

Eksotus 18:25

Is aniv ilpu atimi emda a Moses irai up Isreel asega, um ikni ra mika eri esjilid ira atimi ara, um atimi alupas irai iji dausant atimi, im niji huntret, im niji fifte, im niji ten.

Numera 1:4

Etmu amen ehelemirau natimi yi athi irai iji ahaiji up Isreel; nikavaig, ilpu atimi esjilid irai ilpu eteuc ira ra.

Numera 11:16

Is ika a Ihova ehele Moses, Asjapicnaig pam ehelek natimi inyi sevente irai ilpu atimi alupas u nup Isreel, na ato ra aiek mika era ilpu atimi alupas u nup Isreel ara, im ilpu atimi esjilid ira ra; um imiapam ra an neom er asjapicnaig o un, mika eri aiji ehelum eahki ara.

Numera 13:16

Nidai natimi iji ehki ji igki is abraig pan ra a Moses par aijidjid inpece. Is anvi nidai Osia inhal u Nun a Moses par ika Josua.

Numera 13:3

Is abrai ra a Moses an namasacen Peran vai intas alep u Ihova: eris ilpu atimi alupas u nup Isreel ara sji ehki asega.

Numera 32:8

Eris ago nedo inigki a ilpu retpomia, kis wat abrai ra Ketes-barnea ainyak, mika eri apan ara um almoi inpece.

Numera 34:18

Akumu lep aniv natimi alupas yi ethi aijaua irai iji ahaiji atimi, mika eri ahaig inpece ara.

Tyuteronome 1:15

Kis lucsei ilpu atimi esjilid ainyak irai iji elcau unyimia, ilpu atimi arapakau eris ato ra, um ikni ra mika eri ilpu atimi alupas unyimia ara, ilpu atimi alupas irai iji dausant, im iji huntret, im ilpu atimi alupas irai iji fifte, im ilpu atimi alupas irai iji ten, im ilpu atimi alupas irai iji elcau unyimia.

Tyuteronome 9:23

Is wat abrai caua a Ihova Ketes-barnea, um ika, Akumu apan aijaua um ohuun inpece iyehki kis alupai caua ainyak; akis imipalea intas alep u Ihova Atua unyimia aijaua, um imiisjis nahcil intas o un, um eti atahaijeg nohran.

Josua 3:12

Akumu aniv atimi inyi twelv irai iji elcau u nup Isreel natimi yi ethi an nelcau et ethi.