Numera 13:17 - Intas Etipup

¹⁷ Is abrai ra a Moses mika eri aijidjid inpece Kenan ara, um ika ehele ra, Akumu apau an nuarin inig et ahes nuritoga iran aijaua um aridjai au lolan nedoon.

Numera 13:17 Iomraidhean Croise

Jenesis 12:9

Is lep atga a Ebram nalaig apan an nuarin inig et ahes nuritoga iran.

Jenesis 13:1

IS ahes Ijipt a Ebram, im ehgan, im ilpu aheca asega o un, im lep Lot, um yetpan an nuarin inig et ahes nuritoga iran.

Jenesis 13:17

Namu atidai aiek, um atga an pece asega um arehed mihtag; ekpu idim alupai euc ainyak.

Jenesis 13:3

Is ahes eahki aien um yetpan Bedel, an nuarin iyehki is upyi amen neom atga o un iran, juju an niblan pece Bedel im Eai;

Jenesis 14:10

Is ahinag nehpai hat aplan an nuarin marara Sitim; erus aha ahwat atimarid Sotom im Comora: eris emesmas natimi is ahinag eahki; eris lep ahapan an nedoon nahaiji ra.

Numera 13:18

Um almoi inpece, par ato; im natimi iji ig era amen iran ara, kit era emda ara ka auatialidi, kit era ahinag ara ka era eti elpat;

Numera 13:29

Era amen a nup Amalek an pece inig et ahes nuritoga iran: era lep amen a nup u Hed, im nup u Jibus, im nup Emor irai lola edoon: era lep amen a nup u Kenan ubutpotet pan u injap, im lep an nahaijin Jortan.

Numera 14:40

Eris auroauro ara um aiji an nuhialeg, um aridjai an lolan nedoon, um ika, Aijama aigki, ecrupu aridjai aijama an nuarin is upyi asaig a Ihova: ecris idim ago nedo has aijama.

Tyuteronome 1:44

Eris apan ehelemia a nup Emor, eris amen ara an lolan nedoon iyehki, um ahlo caua, et idivaig nedo o bi, um auahas caua Sier um yetpan Horma.

Josua 10:40

Is idim auud nup urai iji uari pece asega irai lola edoon a Josua, im niji uari pece an nuarin inig et ahes nuritoga iran, im niji uari pece an niskanse, im niji uari pece ui wai, im lep ilpu atimarid asega iran: is eti imialep tah aien, jam auahas niji itai umumoh asega, is idivaig is asaig a Ihova Atua u nup Isreel.

Josua 15:3

um apan an nahaijin iyehki um yetpan Meali-akrabim, um yetpan Sin, um aridjipan Ketes-barnea an nahaijin iyehki, um yetpan Hesron, um aridjipan Etar, um ahparehed pan Karkaa:

Josua 2:1

IS abrai natimi is ero Sitim a Josua inhal u Nun mika eru apan arau um adpau jam eti asaig, um ika, Arumu apan aijaurau um almoi inpece, Jeriko marom. Arus atga urau arau, um apan an neom u intakata has is ethi, nidan Rehab, um amen eahki.

Ilpu Atimi Tas Alep 1:15

Is ika ehelen aien, Alupai nyak tah naiheuc aiek: na mun alupai nyak inuarin nobohtan mese aiek; namu lep alupai nyak niji wai ahlau ohua jai aiek. Is alupai yin niji imtan wai jipagko im lep niji imtan wai sepamki a Keleb.

Ilpu Atimi Tas Alep 1:19

Is atau irai ilpu mapoi Juta a Ihova; eris ahlo pan nup urai edoon ara; ja eris eti apan ara mika eri ahlo pan nup urai iskanse, vaig inig nikavaig, is eteuc ira ra niji jariot aiurn.

Ilpu Atimi Tas Alep 1:9

Ja eris par apitac a ilpu mapoi Juta, um asuol, mika eri ati nedoa vai nup u Kenan iji ig eris amen an nedoon ara, im inuarin inig et ahes nuritoga iran, im niskanse.