Numera 12:8 - Intas Etipup

⁸ Ekpu tas upene ehelen ainyak an nipjineucsek, um eti asan tas ecsipece; etpu lep almoi nalmui Ihova aien: arus a uri aijaurau par eti imtitaig intas vaig vai Moses naheca unyak?

Numera 12:8 Iomraidhean Croise

Jenesis 32:30

Is anvi nidan nuarin iyehki a Jekob par ika Penaiel, (Nesganimtai Atua): Is ika aien, Ek mun idim almoi nesganimtai Atua ainyak, jam eti mas.

Saam 17:15

Ja ekpu almoi nesganimtam ainyak pan au nedo atoh unyak: eku wit nusjai ainyak, ekpu imiacitak ainyak va nehcohos pam unyum.

Saam 49:4

Ekpu atgeig pam intikgak ainyak vai intas ecsipece: ekpu aihiupdicraig intas adenaig unyak ainyak an nohranitai irai harp.

Eksotus 19:19

Eris ahlai intoho is itu, um ijinies acen, ja is tas a Moses, is lep tas ehelen a Atua an nohran.

Eksotus 20:4

Namu jim ago tah natmasimai imi euc aiek, ka tah nalmuitai jipagko an nohatag, ka sepamki an nobohtan, ka an jap ithan nobohtan:

Eksotus 33:11

Is tas a Ihova ehele Moses, et idivaig et tas tah natimi ehele etwan. Is lep ahidaig pan yin aien u nuarin amen u atimi: ja is eti udei neom atga a intakuras is ethi, naheca u Moses, nidan Josua, inhal u Nun.

Eksotus 33:19

Is ika aien, Ekpu ika ainyak yi atga an nuhup unyum inupene asega unyak, ekpu lep anvi nidai Ihova ainyak an nuhup unyum; ekpu lep aiheuc vai ra sji igki ainyak ek ika ainyak ki aiheuc vai ra, um ago nedo upene vai ra sji igki ek ika ainyak ki ago nedo upene vai ra.

Eksotus 33:23

ekpu lep atipagki nikmak ainyak, napu almoi incehek aiek: ja uhpu eti almoi nesganimtak.

Eksotus 34:30

Eris wat ecet Moses a Eron im nup Isreel asega, is eteuc naijoran narasin nesganimtan; eris um imtitaig ara napan vaig ubutpotet ehelen.

Niji tas Arapakau 1:6

mika yi ato intas arapakau aieu, im nesgantas iran; niji tas o ilpu atimi arapakau marom, im niji tas ecsipece ura.

Aiseya 40:18

Va nitai inigki akupu ika aijaua, Et idivaig di a Atua? et tup ethi ache aien im di?

Aiseya 46:5

Akupu ika aijaua ek idivaig di ainyak, et apapa pan irak a di, et apa unyak a di, mika ecrau tup ethi ache aijumrau?

Esikiel 17:2

Ak inhal u natimi, namu anvateri aiek, um asan tas ecsipece ehele nup Isreel;

Esikiel 20:49

Ja kis ika ainyak, Awe, ak Natimarid Ihova! era ika ara vai nyak, Et idim asan tas ecsipece aien.

Hosia 12:13

Is atau irai nup Isreel a Ihova an naprofeta is ethi, mika eri udei Ijipt ara um apam igcaki, is aminjinai ra a naprofeta iyehki.

Numera 14:14

erupu lep asuptecnaig ara ehele nup uran pece inigki: ak Ihova, eris atahaijeg ara mika an amen aiek ehele natimi iji igki, et ehcohos pam nesganimtam an nuhup ura, um amen napat unyum ijinies ira ra, um lep atga uhup ira ra, an nalucupahas an napat an nadiat, im namillan cap an nepig.

Numera 7:89

IS apan a Moses anliin neom er asjapicnaig o un par tas ehelen, ja is atahaijeg nohran tah aien intas vaig ehelen ijinies an tapnes an nelcau is amen intas alep iran, juju an niblai ohwat jerub is ero: is lep tas ehelen aien.

Madius 13:35

mika yi ehneijid intas ineig is upyi asaig a naprofeta, um ika, “Ekpu ecsipece ainyak; ekpu asuptecnaig ainyak niji itai eris eti ato an naopan iyehki is pam eteuc nobohtan um uhum pam naopan ineig.”

Lukas 10:16

Aien et atahaijeg caua aien, et idim atahaijeg nyak aien; aien et amcel vai caua aien, et idim amcel vai nyak aien; aien et amcel vai nyak aien, et idim amcel vai yin aien is abrai nyak aien.

Joanes 1:18

Is idim eti ecet Atua tah natimi; ja is asuptecnai yin a Inhal o un et ethi ache, et amen aien an riti Etman.

Joanes 15:15

Inki ti lep ika vai caua ainyak, eka ilpu aheca aijaua; et eti ato tah naheca nitai ineig et ago a natimi alupas o un: ja ek ika vai caua ainyak, eka ilpu etoak aijaua; ek mun asuptecnaig ehelemia ainyak nitai iji eigki asega kis atahaijeg vaig ehele Etmak ainyak.

Joanes 15:24

El ekis eti ago nauritai iji eigki ainyak an nuhup ura is eti ago tah natimi et eche, el et ti nedo has ura: ja eris almoi nauritai iji eigki ara, jam amcel vai Etmak im lep nyak.

1 Nupu Korindus 13:12

Inta alum itai akaija an naopan ineig irai itai naunau, jam eti almuktit; ja intupu alum esgaiimtaija sjipe akaija an naopan iyehki: ek ato tintin itai ainyak an naopan ineig, ekpu ato itai ainyak an naopan iyehki et idivaig eris ato nyak.

2 Nupu Korindus 3:18

Inta almoi natimi alupas u Natimarid akaija asega an nitai naunau, an nesganimtan er eti adahpoi, inta lep idivaig nalmun akaija, um yetpan an naunau vai Nesgai Natimarid.

Tyuteronome 18:15

Etpu imiatidai Naprofeta inyi ethi imi caua a Ihova Atua unyimia, irai ilpu etwamia, inyi idivaig nyak; akumu atahaijeg intas o un aijaua;

Tyuteronome 34:10

Is eti lep eteuc tah naprofeta ehele nup Isreel is idivaig Moses um imihum pam an nopan inig, is ato upene yin a Ihova,

Tyuteronome 4:15

Akumu aktaktai upene aijaua; akis idim eti almoi tah nitai aijaua an nopan iyehki is tas a Ihova ehelemia an nedoon Horeb juju an niblan cap:

Tyuteronome 5:8

Namu jim ago tah natmasimai imi euc aiek, ka nalmui tah nitai ijinies an nohatag, ka sepamki an nobohtan, ka an jap itlian nobohtan:

Nupu Kolose 1:15

et almui Atua ineig aien er eti ecet yin, um metto irai iji itai asega:

1 Nupu Desalonaika 4:8

Va nitai ineigki aien et imyipalea aien, et eti imyipalea atimi aien, jai Atua, aien aigki is lep alupai caija Nesgan Upene aien.

1 Timodeus 6:16

et tup ispun umoh aien ache, um amen an lah ineig et ehka vaig tah natimi napanvaig iran; is eti ecet yin tah natimi, et lep ehka necet yin vaig: etmu eteuc nimyiahpas yin, im nemda, irai iji mesese. Emen.

Ilpu Hibru 1:1

IS ehcahinag tas a Atua ehele ilpu retpoija itu acen irai ilpu profeta o un, is acheiachei intas o un;

Ilpu Hibru 1:3

is aijoran natimi alupas o un aien, is lep tup idivai neteuc o un aien, um aminjinaig niji itai asega an tas emda o un; is wat ahlap va nedo has uja iran aien, is ateucse aien an matai Natimi alupas ijinies acen;

2 Pitrus 2:10

jam esjilid irai ra sji eigki, era ago nedo o nohura ara an merit acitak ura, um imyipalea ilpu atimi alupas ura; era ago nedo ijinies ara, um imyiisjis itai; era eti imtitaig ara par asan tas has vai ilpu atimarid.

Juta 1:8

et um ucco, era lep ago emeig irai ohura a ilpu atimi umjeg ahnag iji eigki, um imyipalea ilpu atimarid, um asan tas has vai ilpu atimi alupas.