Numera 12:6 - Intas Etipup

⁶ Is ika aien, Arumu atahaijeg intas unyak aijaurau: El et amen ehelemia tah naprofeta, ekpu ehcohos pan ehelen ainyak Ihova an nahuumtidec, um tas ehelen an numjeg ahnag o un.

Numera 12:6 Iomraidhean Croise

Jenesis 15:1

IS ti pan itac nitai iji igki ja is ehcohos pan a Ihova ehele Ebram an nahuumtidec vaig o un, um ika, Ak Ebram, namu jim imtitaig aiek: ekpu imiatamaig euc ainyak, um aru alupas imi euc.

Jenesis 20:7

Namu atcijai ehgai natimi inigki ehelen aiek; et aprofeta aien, etpu lep ago nalaigaheni vai euc aien, napu umoh aiek: ja el et eti atcijai yin aiek, napu idim mas aiek, im natimi asega unyum.

Jenesis 28:12

Is umjeg ahnag aien, um ecetai nafurafeta eris aduwi an nobohtan, is lep taujai nilpun an nohatag: eris aridjai iran a ilpu agelo o Atua, um lep asuol se.

Jenesis 28:16

Is aiji a Jekob va numjeg o un, um ika, Et idim amen a Ihova an nuarin inigki; ja ek mun eti ato ainyak.

Jenesis 37:5

Is umjeg ahnag a Josef, um asuptecnaig ehele ilpu etwan: is lep esjilid acen nedemda ura vai yin.

Jenesis 37:9

Is lep aketo aien um umjeg ahnag, um asuptecnaig ehele ilpu etwan, um ika, Ek mun lep umjeg ahnag ainyak; mika is atpuse an nuhup unyak nagesega im inmohoc im inmoijeuv eleven.

Jenesis 46:2

Is tas ehele Isreel a Atua an numjeg ahnag o un an nepig, um ika, Ak Jekob, ak Jekob. Is ika aien, Ainyak ap aigki.

2 Samuel 7:4

Is idim yetpan ehele Nedan intas o Ihova an nepig iyehki, um ika,

1 Ilpu Atimarid 3:15

Is aiji lahlah a Solomon; jai numjeg ahnag iyehki. Is apan Jerusalem aien um aiji an nuhup u nelcau u Ihova is amen iran intas alep, um ahlap irai iji itai ahlap er atnamud, um ahlap irai iji itai ahlap naaurinig, um ago nitai caig incai ilpu aheca asega o un,

1 Ilpu Atimarid 3:5

Is ehcohos a Ihova ehele Solomon an numjeg ahnag o un Cibeon: is ika a Atua, Ugyi tah nitai ehelek aiek.

Nitaasviitai u Job 33:15

Et tas aien an numjeg ahnag ura; era wat ahuumtidec an nepig ara; era wat umjeg asega natimi; i ra wat umjeg irai tinira ara;

Nitaasviitai u Job 4:13

Eris wat umjeg asega natimi, kis wat umjeg ahnag ainyak an nepig, um aktaktai itai iran;

Saam 105:15

um ika, Akumu jim atcei pan ilpu atimi itap unyak aijaua, um jim ago tah nedo has vai ilpu profeta unyak.

Saam 89:19

As tas aiek ehele natimi upene unyum an nahuumtidec vaig o un, um ika, Ek mun ati tah ainyak et emda aien, mika yi atau imi atimi aien; ek mun ato tah et ethi ehele atimi ainyak, um imiaridjai yin.

Eksotus 7:1

IS ika a Ihova ehele Moses, Ek mun idim ati euc ainyak mika an Atua aiek imi Fero: etpu lep asuptecnaig intas unyum a Eron etwam.

Jeremaia 23:25

Ek mun ahgei intas inig ainyak eris asaig a ilpu profeta iji ig era asuptecnaig intas ahcil ara an nidak, um ika, Ek mun umjeg ahnag ainyak, ek mun idim umjeg ahnag ainyak.

Jeremaia 23:28

Naprofeta inig et umjeg ahnag aieu, etmu asuptecnaig num-jeg ahnag o un aien; ja aien et amen ehelen intas unyak, etmu asuptecnaig inveijec intas unyak aien. Et ika a Ihova, Et eti idivaig nesgai hwiit narasi hwiit.

Esikiel 1:1

AN mesese dirtied, an mohoc ford, an nadiat fifd an mohoc iyehki, kis wat amen ainyak ehele ilpu ohna u nofowai Kibar, eris asalgei nohatag, kis ecetai niji itai ehvaig u Atua ainyak.

Taniel 10:8

Kis echim amen ainyak, um almoi nitai ehvaig alupas iyehki, is eti lep eteuc tah nemda unyak: is tup tiih neklim upene unyak, kis tup amah iran ainyak, is eti lep eteuc tah nemda unyak.

Taniel 2:19

Eris ehvaig nitai adenaig iyehki ehele Taniel an nahuumtidec o un an nepig. Is par ago naaurinig vai Atua an nohatag a Taniel.

Taniel 7:1

IS wat atupun a Belsasar um atimarid an pece Babelon, is umjeg ahnag a Taniel um ahuumtidec an tinan: ja is par aged intas va numjeg ahnag o un aien, um asuptecnaig itai asega.

Taniel 8:2

Kis um ecetai nitai eris ehvaig ehelek ainyak; kis wat ecetai ainyak, kis amen inmaliyum Susan ainyak, an nimnim u natimarid, an nuarin pece Ilam; kis ecetai nitai ehvaig ainyak, um aktaktai mika kis amen u nofowai Yuleai ainyak.

Hosia 12:11

Era ago nedo has a nup u Cileat; era idim asai tas ahcil ara: era ahlap irai kurimatau atamaig ara an maliyum Cilcal; et idivaig niji ira hat an nibla apuke an nahapol niji atau ura.

Joel 3:1

IM lep inig, irai adiat iji ehki, im lep an nopan iyehki, eku wit imiadumoij pam nup u Juta im nup u Jerusalem ainyak eris lucsei pan ra an taka pece,

Sekaraia 1:8

Kis yaspan ainyak an nepig um ecet natimi is ethi, is ateuc irai hors cap aien, is aiji aien irai iblai cai mat an naiyu; eris um amen an cehen niji hors is cap, im niji hors is ilmaicap, im niji hors is ahi.

Numera 24:4

et mun ika aien is atahaijeg intas o Atua aien, um almoi nitai is ehvaig ehelen a Atua emda acen, um ahuumtidec, jam alum itai:

Madius 1:20

Is wat aktaktai nitai iji eigki aien, is ehcohos pan ehelen a nagelo o Ihova an numjeg ahnag o un, um ika, Ak Josef, mapoi Tevit, jim imtitaig aiek inlehvaig Mere ehgam: et opouc aien vai Nesgan Upene:

Madius 2:19

¶ Is wat mas a Herot, is ehcohos pan ehele Josef a nagelo o Ihova an numjeg ahnag o un an pece Ijipt,

Madius 23:31

Va nedo ineigki eka asuptecnaig vai caua aijaua, nikavaig, eka ilpu mopura aijaua eris atgei ilpu profeta ara.

Madius 23:34

¶ Ek abraig pan ilpu profeta ehelemia ainyak, im ilpu atimi arapakau, im ilpu atimi esege; ja akupu atgei nahaiji ra aijaua an nauicai atgeig, um aredei nahaiji ra irai eom alaigaheni unyimia, um atmas rai ra irai iji uari-pece;

Madius 23:37

Ak Jerusalem, ak Jerusalem, na atgei ilpu profeta aiek, um asji ra irai hat eris abraig pan ra ehelum, kis ehcahinag merit ainyak mika ki asjapicnaig ilpu hal unyum et idivaig injaa et aibuthan hal o un aien, ja akis esjum aijaua.

Madius 27:19

¶ Is wat ateuc aien an nitai ateuc tas alep iran, is abraig pan tah ehelen a ehgan, um ika, Jim ago tah nitai aiek irai natimi upene ineigki: et mun alupas nohocred unyak vai yin an numjeg ahnag unyak inpeig.

Lukas 1:11

Is ehcohos ehelen a nagelo is ethi o Ihova, um aiji an nahaijin nefata uari nitai auanipin upene an matan.

Lukas 1:22

Is wat alau ijo aien, is um ehka intasvaig ehele ra: eris ato ara mika et mun ehcohos tah nitai ehelen anliin neom ahlap: is ahpoijaiji ra aien, is pop aien.

Lukas 20:6

Ja el ta ika akaija, Is ahes ehele atimi; erupu asji caija irai hat atimi asega: era ika ara is idim aprofeta a Joanes.

Niji auritai o ilpu Apostolo 10:11

um ecetai nohatag is asalgei, is asuolse ehelen tah nitai is idivaig nap alupas, eris leh pam nesvipas iran is for um arore, um atise an nobohtan:

Niji auritai o ilpu Apostolo 10:17

Is wat aktaktai a Pitrus nesgan nitai ineig is ahuumtidec iran aien, ehtijis ahilek neom o Saimona ahtaij atimi erahki is abrai ehtaij a Kornilyus, um aiji an neucse nathatahau,

Nupu Efesus 4:11

Is ikni ahaiji atimi aien, mika eri ilpu apostolo ara; im nahaiji ra, mika eri ilpu profeta ara; im nahaiji ra, mika eri ilpu atimi asuptecnaig upene ara; im nahaiji ra, mika eri ilpu atimi asgi ara, im ilpu atimi esege;

Tyuteronome 18:15

Etpu imiatidai Naprofeta inyi ethi imi caua a Ihova Atua unyimia, irai ilpu etwamia, inyi idivaig nyak; akumu atahaijeg intas o un aijaua;

Tyuteronome 18:18

Ekpu imiatidai Naprofeta inyi ethi imi ra ainyak irai ilpu etwara inyi idivai euc aien, um ati intas unyak an nipjineucsen; etpu asuptecnaig ehele ra aien intas asega ekpu asaig ehelen ainyak.

Ilpu Hibru 1:1

IS ehcahinag tas a Atua ehele ilpu retpoija itu acen irai ilpu profeta o un, is acheiachei intas o un;

Nitai ehvaig 11:10

Erupu imyiacitak vai rau ara era amen an nobohtan ara, um cediaig, um alupaig jipe ra niji itai tup ahtai; va nitai ineig, nikavaig, erus auoh ohocred ra eris amen an nobohtan ara ahwat aprofeta erahki.

Nitai ehvaig 11:3

Ekpu ati ohwat atimi asuptecnaig nyak et ero ainyak, mika eru ahidan tas arau ira adiat inyi twelv huntret im sikste, um aso rau ira apelumai ucai:

1 Samuel 28:6

Is wat ahilek ehele Ihova a Saal, is eti tas ehelen a Ihova, is eti tas aien irai umjeg ahnag, ka Urim, ka ilpu profeta.

1 Samuel 3:15

Is asjeuc a Samuel um yetpan an nuhialeg, um asalgei niji tapnes an neom u Ihova: ja is imtitaig a Samuel par asuptecnaig ehele Ilai intas ehvaig iyehki.

1 Samuel 3:21

Is lep ehcohos pan an maliyum Sailo a Ihova: is ehvaig yin a Ihova ehele Samuel Sailo vai Intas o Ihova.