Numera 12:3 - Intas Etipup

³ Is atimi erop acen a Moses ira atimi asega an nobohtan.

Numera 12:3 Iomraidhean Croise

Saam 147:6

Et imiatidai ilpu atimi upoupo a Ihova: et lep erekhaig se an nobohtan ilpu atimi auatatimi aien.

Saam 149:4

Et imiacitak ilpu atimi o un a Ihova: etpu yecrei ilpu atimi et upoupo inliinmopora aien an nitai imiatamaig ra.

Numera 12:4

Is auroauro a Ihova um tas ehele Moses, im Eron, im Miriam, um ika, Ahtijmu apam aijautaij an neom er asjapicnaig o un. Ehtijis apan ahtaij.

Madius 11:29

Akumu leh nitai ahelwei unyak aijaua, um idivai nyak; et eropse inliinmopok ainyak um upoupo: akupu leh nitai atumop iran imi nesgamia aijaua.

Madius 21:5

“Akumu ika aijaua ehele inhalav atahaig o Saion, Et apan ehelum a Natimarid unyum, et erop nedo o un, et ateuc an nifo aien, im lep inhakli nifo inhal o un.”

Madius 5:5

Era mun ahesmoij ara et eropse inliinmopura ara: erupu amen an pece ara.

2 Nupu Korindus 10:1

EK ated caua ainyak Paulo, va nedo eigpa im nedo erop u Kristo, ek ihki natimi ainyak iramia an nohuk, ja ek wat amen ainyak an taka uarin, ek tas emda ehelemia ainyak:

2 Nupu Korindus 11:5

Ek ika ainyak, kis eti upoupo ainyak irai ilpu apostolo iji eig era esjilid ara.

2 Nupu Korindus 12:11

Ek atimi ahnag ainyak vai intas alupas unyak; ja is ehka vai nyak intup amenvaig va nedo unyimia: is upene vai caua intas upene vaig vai nyak: ek eti upoupo ainyak irai ilpu apostolo iji eig era esjilid ara, ja ek idim takitai ainyak.

1 Nupu Desalonaika 2:7

Jai kis ago nedo updak vai caua ainyak; is esjilid acen naiheuc unvak vai caua, et idiva nedo o un tah intakata vai ilpu hadi o un;

Jakobus 3:13

Natimi arapakau im natimi ato itai iramia a di? etmu ehvaig nauritai o un aien an nedo upene o un anliinmopon eropse um arapakau.

1 Pitrus 3:4

jam yecrei inliinmopomia er eti ecetai, an nitai incig inyi ti muttit, nikavaig, nedo erop um eigpa, et upene acen nitai ineigki an nuhup u Atua.