Numera 12:2 - Intas Etipup

² Erus ika arau, Is idim eti tas a Ihova irai Moses ache; is lep tas aien iramrau. Is atahaijeg a Ihova.

Numera 12:2 Iomraidhean Croise

Jenesis 29:33

Is lep opoc aien, um apos inhalav atamaig; um ika, Is ato a Ihova mika eris esjum vai nyak, va nitai inigki et mun lep alupai nyak inhalav atamaig inigki aien: is anvi nidan aien par ika Simeon, (Nato nohocred).

2 Samuel 11:27

Is wat ti pan itac intaig o un, is abra atimi a Tevit mika eri imiapan yin an nimnim o un: is ehgan aien, um apos inhalav atamaig imi yin. Ja is has an nuhup u Ihova nitai inig is mun ago a Tevit.

2 Ilpu Atimarid 19:4

Kit etpu atahaijeg intas asega u Rabsake a Ihova Atua unyum, is abraig pam yin a natimi alupas o un natimarid u nup Asiria par asan tas has vai Atua umoh; um ated yin vai intas et mun atahaijeg a Ihova Atua unyum: va nitai inigki namu ago nalaigaheni aiek va ilpu ahrin era amen ara.

Eksotus 4:14

Is edemda alupas a Ihova vai Moses, um ika, Et idim etwam a Eron mapoi Livai: ek ato ainyak mika et tas upene aien. Et lep ham aien par aubilid euc: etu wit ecet euc aien, etpu imiacitak inliinmopon aien.

Eksotus 4:30

is lep asuptecnaig a Eron intas asega is asaig a Ihova ehele Moses, um ago niji itai asjaaicnaig an nuhup u atimi.

Eksotus 5:1

ERUS epitpitac a Moses im Eron, um apan, um tas ehele Fero, um ika, Et ika a Ihova Atua u nup Isreel, Namu atcijaig ilpu atimi unyak aiek, mika eri apan ara an namasacen, um ahlap irai iji itai ahlap vai nyak.

Eksotus 7:10

Erus apan a Moses im Eron ehele Fero, um ago is idivaig is asaig ehele rau a Ihova: is ethaigse niseuc o un a Eron an nuhup u Fero, im lep an nuhup u ilpu aheca o un, is um imyeuv.

Niji tas Arapakau 13:10

Er ehtauo vai nijinies u inliinmopoi atimi ache: ja era arapakau natimi vai tas jipe upene ura.

Aiseya 37:4

Et mun abraig pam Rabsake a natimarid an pece Asiria natimi alupas o un, mika yi asaig intas has vai Atua umoh, kit etpu atahaijeg niji tas o un a Ihova Atua unyum, um acaiji intas o un et mun ahgei a Ihova Atua unyum: va nitai inigki namu alaigaheni aiek vai ilpu ahrin era amen igcaki ara.

Maika 6:4

Kis idim imiaridji pam caua ainyak ahes an pece Ijipt, um imiatamaig caua vai inmim u ilpu atimi auaraheca; kis lep abrai Moses, im Eron, im Miriam ainyak, mika ehtiji uhup iramia ahtaij.

Numera 11:1

ERIS tas upoupo natimi, ja is edemda a Ihova: is atahaijeg a Ihova, um atavaitap; is cas incap u Ihova ira ra, um atnamud atimi an nahaijin nuarin amen ura.

Numera 11:29

Ja is ika ehelen a Moses, Jim auatitai vai rau vai nyak; ek merit ainyak mika eri ilpu profeta u Ihova natimi asega, um lep alupai ra Nesgan Upene a Ihova!

Numera 12:3

Is atimi erop acen a Moses ira atimi asega an nobohtan.

Numera 16:3

eris asjapicnaig ara vai Moses im Eron, um ika ehele rau, Et idim ijinies inliinmopomirau aijaurau, era upene natimi asega; et lep amen a Ihova ehele ra: erau a uri aijaurau par ika erau esjilid aijaurau ira atimi u Ihova?

Nupu Roma 12:10

Etmu aiyu sjipe inliinmopomia vai caua aijaua, um idivai ilpu raimu; akumu lep esjilid aijaua an nedo eccen jipe vai caua;

Nupu Roma 12:3

Ek lep asaig ehelemia asega ainyak, va naiheuc ineig eris alupai nyak, mika yi jim ijinies naktaktai o un tah, um eti idivaig ineig eris idim ika yi aktaktai; jam ika yi arapakau naktaktai o un, et idivaig nimyiisjis ninivaijec ineig et ahaig athiathi ira atimi asega a Atua.

Nupu Filipai 2:14

Aku wit ago tah nitai aijaua, jim tas upoupo, um jim imyiisjis itai:

Nupu Filipai 2:3

Uhmu jim ago tah nitai an nimyiisjis itai, ka va nimyiahpas u atimi; ja etmu upoupo inliinmopomia aijaua, um aktaktai mika era esjilid iramia intak atimi.

1 Pitrus 5:5

Etmu idim ucco, ak ilpu takuras, akumu imyiaiji intas o ilpu atimi tas alep aijaua: akumu lep upoupo jipe vai caua aijaua asega, um ahid nedo eropse imi caua: “et idim ahcadai ra a Atua et ijinies inliinmopura ara, ja et aiheuc vai ra aien et upoupo inliinmopura ara.”