Numera 11:2 - Intas Etipup

² Eris ahlaig vai Moses natimi; is ago nalaigaheni vai Ihova a Moses, ja is par opos incap.

Numera 11:2 Iomraidhean Croise

Saam 106:23

Is lep ika aien, etpu auahas ra aien, ja is aiji a Moses, natimi eris ati yin, an nuhup o un, au nuarin eris alcapdicraig, par atapnes nedemda o un, vai yi jim auahas ra aien.

Eksotus 10:18

Is ahes ehele Fero aien um alau ijo, um ugyi Ihova.

Eksotus 34:9

Is ika aien, Ak Ihova, el et aiheuc vai nyak aiek, ek ugyi euc ainyak mika an ahced cama aiek, ak Natimarid unyak; et ipjin inliinmopoi atimi iji igki; namu jim aru nauatatimi unyima aiek, im nedo has unyima, jam lucsei cama mika an ohuun cama aiek.

Aiseya 37:4

Et mun abraig pam Rabsake a natimarid an pece Asiria natimi alupas o un, mika yi asaig intas has vai Atua umoh, kit etpu atahaijeg niji tas o un a Ihova Atua unyum, um acaiji intas o un et mun ahgei a Ihova Atua unyum: va nitai inigki namu alaigaheni aiek vai ilpu ahrin era amen igcaki ara.

Jeremaia 15:1

IS lep ika ehelek a Ihova, El erau aiji an nuhup unyak a Moses im Samuel, el et eti upene inliinmopok ainyak vai nup igcaki: uhmu ahlo pan itac ra, mika eri atga ura ara um eti amen an nuhup unyak.

Jeremaia 37:3

Is asaig a Setekaia natimarid ehele Jehukal inhal u Selemaia im Sefanaia inhal u Measiya natimi ahlap mika eru apan ehele Jeremaia naprofeta arau, um ika, Namu alaigaheni aiek vai Ihova Atua uja vai cama.

Jeremaia 42:2

um ika ehele Jeremaia naprofeta, Namu idim adai intas unyima aiek, um alaigaheni vai cama vai Ihova Atua unyum, vai ilpu ahri atimi asega iji igki marom; ecris ahinag aijama jam eti elpat an nopan inig, et idivaig na alum cama aiek an nesganimtam:

Numera 12:11

Is ika a Eron ehele Moses, Awe! ak natimi alupas unyak, ek ugyi euc ainyrak mika an jim atijai nedo has iramrau aiek, ecrus ago nedo ahnag aijumrau im nedo maumau an nitai inigki.

Numera 12:13

Is ahlaig vai Ihova a Moses, um ika, Ak Atua, ek ugyi euc ainyak mika an ago cehcehe yin aiek.

Numera 21:7

Eris apan natimi ehele Moses, um ika, Ecris ago nedo has aijama, ecris tas vai Ihova aijama, im lep vai euc; ugyi Ihova mika yi iknipagki imyeuv ehelema aien. Is ago nalaigaheni a Moses va atimi.

Niji auritai o ilpu Apostolo 8:24

Is tas a Saimona, um ika, Arumu ugni Natimarid vai nyak aijaurau, va yi jim yetpam irak nitai iji eigki erau mun asaig vai nyak aijaurau.

Ilpu Hibru 7:26

Et upene vai caija natimi esjilid an nahlap ineigki et upene aien, um eigpa nedo o un, um ti nitai has iran, um eti amen ehele ilpu atimi auatatimi, et lep aridjai an nohatag aien ijinies acen;

Jakobus 5:16

Akumu asuptecnaig jipe nedo has unyimia vai caua aijaua, um alaigaheni jipe vai caua, mika aki cehcehe aijaua. Et upene acen nalaigaheni emda u natimi atoh nedo o un.

1 Joanes 5:16

El et alum etoan tah natimi nagovaig nedo has, jam eti ago nedo has ineig eh mas vaig, etmu ugni itai aien, etpu alupai yin nitai umoh iran a Atua imi ra, era eti ago nedo has ineig ara eh mas vaig. Et eteuc nedo has ineig eh mas vaig: ek eti asaig ainyak mika yi alaigaheni vaig aien.