Numera 11:16 - Intas Etipup

¹⁶ Is ika a Ihova ehele Moses, Asjapicnaig pam ehelek natimi inyi sevente irai ilpu atimi alupas u nup Isreel, na ato ra aiek mika era ilpu atimi alupas u nup Isreel ara, im ilpu atimi esjilid ira ra; um imiapam ra an neom er asjapicnaig o un, mika eri aiji ehelum eahki ara.

Numera 11:16 Iomraidhean Croise

Jenesis 46:27

is lep apos ohwat hal o un is ero a Josef an pece Ijipt: eris sevente a ilpu hal u Jekob asega eris yetpan an pece Ijipt ara.

Eksotus 18:25

Is aniv ilpu atimi emda a Moses irai up Isreel asega, um ikni ra mika eri esjilid ira atimi ara, um atimi alupas irai iji dausant atimi, im niji huntret, im niji fifte, im niji ten.

Eksotus 24:1

IS ika ehele Moses aien, Namu aridjipam ehele Ihova aiek, im Eron, im Netab, im Abaihu, im ilpu atimi alupas inyi sevente irai up Isreel; akumu atpuse itac acen aijaua um alaigaheni.

Eksotus 24:9

Is aridjai a Moses, im Eron, im Netab, im Abaihu, im ilpu atimi alupas is sevente irai up Isreel:

Eksotus 4:29

Erus apan a Moses im Eron, um asjapicnaig ilpu atimi alupas asega u nup Isreel:

Jeremaia 19:1

IS um ika ehelek a Ihova, Namu apan aiek um leh inhubej tan apol inyi ethi is ago a natimi ago ipjiitai, im lep nahaiji ilpu atimi alupas ira atimi, im nahaiji ilpu atimi alupas irai ilpu atimi ahlap;

Esikiel 8:11

Eris aiji an nuhup u nitai iji igki natimi is sevente, ilpu atimi alupas u nup Isreel, is aiji juju an niblara a Jeasenaia inhal u Sefan, eris apos nipjiitai par atnamud nitai auanipin upene iran irai ikmara ara asega, athi um athi ehni; eris alaigaheni ara, is lep aridjai nadran cap an nitai auanipin upene.

Numera 11:24

Is alau ijo a Moses, um asuptecnaig ehele atimi intas o Ihova, um asjapicnaig natimi is sevente irai ilpu atimi alupas, um ikni ra an neom itap um arehed mihtag.

Numera 16:25

Is atidai a Moses um apan ehele Tedan im Abairam; eris apitac yiu a ilpu atimi alupas u nup Isreel.

Lukas 10:1

IS wat ti pan itac nitai iji eigki, is lep ikni natimi is sevente is eche a Natimarid, um abrai ra mika eri apan ara um aro um aro ehni, um uhup iran irai iji uari-pece asega im lep irai iji uarin iji eig, is ika aien yi apan iran.

Lukas 10:17

¶ Eris adumoij pan ehelen natimi is sevente, um imyiacitak, um ika, Ak Natimarid, ecra esjilid irai ilpu agelo has aijama va nidam.

Tyuteronome 1:15

Kis lucsei ilpu atimi esjilid ainyak irai iji elcau unyimia, ilpu atimi arapakau eris ato ra, um ikni ra mika eri ilpu atimi alupas unyimia ara, ilpu atimi alupas irai iji dausant, im iji huntret, im ilpu atimi alupas irai iji fifte, im ilpu atimi alupas irai iji ten, im ilpu atimi alupas irai iji elcau unyimia.

Tyuteronome 16:18

Namu ikni ilpu atimi alupas aiek im ilpu atimi atau imi ra, irai iji uari pece et alupai euc a Ihova Atua unyum, irai iji elcau unyum: erumu tas alep va atimi ara irai tas alep upene.

Tyuteronome 31:28

Erumu ahtag pam ehelek a ilpu atimi alupas asega irai iji elcau unyimia, im ilpu atimi atauai unyimia, mika ki asaig intas iji igki ehele ra ainyak, um ahlaig vai nohatag im nobohtan par asuptecnaig vai ra.