Numera 11:12 - Intas Etipup

¹² Kis eti apos natimi asega iji igki ainyak: eris lep eti ahes ehelek ara, mika an asaig ehelek aiek, um ika, Apos ra an ritum, et idivaig et aminjinaig inhadi o un a etman, um imiapan ra an pece as asan tas aktit vaig aiek ehele ilpu retpora.

Numera 11:12 Iomraidhean Croise

Jenesis 13:15

ekpu alupai euc im ilpu mapom inpece asega inig ainyak na almoi aiek, erupu ohuun ara irai iji mesese.

Jenesis 24:7

Et Atua an nohatag a Ihova, is atipagki nyak aien an nimnim u etmak, im lep an pece u ilpu atimi ehpan irak, is lep tas ehelek aien, um asan tas aktit ehelek, um ika, Ekpu alupai ilpu mapom inpece inigki ainyak; etpu abrai nagelo o un aien mika yi uhup iram aien, napu leh natahig eahki aiek ehgai inhal unyak.

Jenesis 26:3

amen an pece inigki aiek, ekpu lep amen ehelum ainyak, um acis yi alwai euc; ekpu alupai euc ira ilpu mapom inpece iji igki asega ainyak; ekpu lep ehneijid intas aktit unyak ainyak ehele Ebraham etmam;

Jenesis 50:24

Is ika ehele ilpu etwan a Josef, Ekpu mas ainyak: ja etpu idim ateghe caua a Atua, um iknipagki caua an pece inigki, um imiapan caua an pece iyehki is asig yi aktit intas vaig aien ehele Ebraham, im Aisak, im Jekob.

2 Ilpu Atimarid 10:1

ERIS sevente a ilpu hal u Ehab an maliyum Sameria. Is aged nitaasviitai a Jihu um imiapan Sameria ehele ilpu atimi alupas Jesriil, im ilpu atimi tas alep, im lep ra eris aminjinaig ilpu hal u Ehab ara, um ika,

2 Ilpu Atimarid 10:5

Is abraig pan tah ehele Jihu a natimi esjilid an nimnim, im lep natimi esjilid an maliyum, im ilpu atimi tas alep, im ilpu atimi aminjinaig ilpu hal u Ehab, um ika, Ecra ilpu aheca unyum aijama, ecrupu lep ago nitai iji igki asega aijama napu asaig ehelema aiek; ecrupu eti ati tah natimarid aijama: namu ago nitai inigki aiek et upene iram.

Eksotus 13:11

Etu wit imiapan caua an pece u nup u Kenan a Ihova, et idivaig intas aktit o un ehele ilpu retpomia, um lep alupai caua.

Eksotus 13:5

Etu wit imiapan caua a Ihova an pece u nup u Kenan, im nup u Hed, im nup Emor, im nup u Haivai, im nup u Jibus, is asig yi aktit intas vaig aien ehele ilpu retpomia mika yi alupai caua aien, inpece inig et amen alupas nidenedid im hune iran, akumu ago nedo inigki aijaua an mohoc inigki.

Eksotus 33:1

IS ika a Ihova ehele Moses, Atga unyum aiek im lep natimi iji igki as iknipagki ra an pece Ijipt aiek, um apan an pece inig kis asaig ainyak ehele Ebraham, im Aisak, im Jekob, um ika, Ekpu alupai ilpu mapomitaij ainyak:

Eksotus 6:8

Ekpu imiapan caua ainyak an pece inig, kis tas aktit vaig ainyak, um ika, Ekpu alupai Ebraham ainyak, im Aisak, im Jekob; ekpu alupai caua ainyak mika aki ohuun aijaua: ek Ihova ainyak.

Aiseya 40:11

Etpu aminjinai ilpu atimi o un aien et idivaig natimi asgi siip: etpu asjapicnai hakli siip aien an nikman, um apos ra an ritin, etpu eklim asgi siip aien era alidai ilpu hal ura ara.

Aiseya 49:15

Etpu ahnag an hadi o un a intakata, ka oʼo? um eti aiheuc vai inhalav atamaig inig is apos yin aien, ka oʼo? kit erupu ahnag irai ilpu hal ura ara, ja ekpu eti ahnag iram ainyak.

Aiseya 49:23

Erupu aminjinaig euc a ilpu atimarid et idivaig etmam, erupu aminjinaig euc a ilpu ehnaa ura et idivaig risum: erupu atpuse an nuhup unyum ara, erupu eluun inmah an neduom ara; napu ato aiek mika ek Ihova ainyak: erupu eti ehcamai ara sji igki era aitgaig nyak ara.

Esikiel 34:23

Ekpu ati ehele ra natimi asgi siip inyi ethi ache ainyak, etpu aminjinai ra aien, naheca unyak Tevit marom; etpu aminjinai ra aien, etpu idim atimi aminjinai ra aien.

Joanes 10:11

Ek atimi asgi upene siip ainyak: et ahtai nitai umoh iran o un a natimi asgi upene siip vai siip o un.

1 Nupu Korindus 4:15

El era amen ehelemia a ilpu atimi esege irai Kristo et ten dausant, ja era eti amen a ilpu etmamia et ahinag: kis apos caua ainyak irai Iesu Kristo an tas-upene:

Nupu Calesya 4:19

Ak ilpu hal unyak, ek lep ahka ainyak vai caua, um uhum pam nehcohos o Kristo anliinmopomia;

Tyuteronome 1:31

im lep au namasacen, akis ecetai nedo o Ihova Atua unyimia iran aijaua, nikavaig, is aminjinaig caua aien, et idivaig et aminjinaig inhal o un tah natimi, an nefalaig asega akis atga iran aijaua, um imihum pam napam vaig unyimia an nuarin inigki.

1 Nupu Desalonaika 2:7

Jai kis ago nedo updak vai caua ainyak; is esjilid acen naiheuc unvak vai caua, et idiva nedo o un tah intakata vai ilpu hadi o un;