Numera 11:11 - Intas Etipup

¹¹ Is ika a Moses ehele Ihova, As a uri aiek par imiedohalav naheca unyum? as a uri aiek par eti aiheuc vai nyak, as atijai nitai ahelwei irak aiek, nikavaig, natimi asega iji igki?

Numera 11:11 Iomraidhean Croise

Nitaasviitai u Job 10:2

Ekpu ika ainyak ehele Atua, Namu jim atijai nedo has irak aiek, jam asuptecnaig ehelek nitai inig na imiisjis ehelek vaig aiek.

Saam 130:3

Ak Ihova, el et asjaaicnaig nedo has u atimi aiek, ak Natimarid, etpu ehka vaig tah naiji aktit vaig.

Saam 143:2

Namu jim ahilek nedo u naheca unyum aiek: et idim eti atoh an nuhup unyum nedo o un tah et umoh aien.

Eksotus 17:4

Is ahlaig vai Ihova a Moses, um ika, Ekpu ago inhe ainyak ira atimi iji igki? era ika ara eri asji nyak irai hat.

Eksotus 5:22

Is adumoij pan ehele Ihova a Moses, um ika, Ak Ihova, na a uri aiek par auoh ohocred ilpu aheca unyum? as a uri aiek par abrai nyak?

Jeremaia 15:10

Kaiheuc vai nyak! ak risik, as apos nyak aiek mika ki atimi er ehtauo vai yin ainyak, im natimi er imiisjisitai vai yin ehele nup uran pece inigki asega; ek mun eti leh nimtan alupas vai mune unyak ainyak; ek mun eti alupai nimtan haklin vai mune ura ainyak; ja era asaig intas ahlaijaig vai nyak ara asega.

Jeremaia 15:18

Et echamecha nohocred unyak par eti tiih, im inmocop unyak, et eti mah? et elika nago cehcehe nyak vaig: namu jim idivaig nitai ahcil vai nyak aiek, im inran wai et ame.

Malakai 3:14

Eka mun ika aijaua, Et takitai par auanaheca u Atua: inta i mun leh inhe akaija inta wat imiaiji intas asaig o un akaija, um lep i ijis jipe irai apelumai uucai au nuhup u Ihova esjilid acen?

Numera 11:10

Is atahaijeg nehtigtaig u atimi a Moses an nepig, natimi asega irai iji eucse eom ura: is edemda alupas a Ihova; is lep ehniv a Moses.

Numera 11:15

El et ago nedo inigki vai nyak aiek, ek ugyi euc ainyak mika an aiheuc vai nyak aiek, um atgei nyak; vai ki jim almoi nohocred unyak ainyak.

2 Nupu Korindus 11:28

Et eteuc nitai iji eigki, im lep ineig, et eti omot ehelek irai iji adiat naminjinaigvaig nup urai ekalasia asega:

Tyuteronome 1:12

Ek eti emda ainyak ache napos vaig nauatialidi unyimia, im nitai ahelwei unyimia, im nimiisjisitai unyimia.