Numera 11:1 - Intas Etipup

¹ ERIS tas upoupo natimi, ja is edemda a Ihova: is atahaijeg a Ihova, um atavaitap; is cas incap u Ihova ira ra, um atnamud atimi an nahaijin nuarin amen ura.

Numera 11:1 Iomraidhean Croise

Jenesis 38:10

Is edemda a Ihova va nedo o un; um lep atgei yin.

2 Samuel 11:27

Is wat ti pan itac intaig o un, is abra atimi a Tevit mika eri imiapan yin an nimnim o un: is ehgan aien, um apos inhalav atamaig imi yin. Ja is has an nuhup u Ihova nitai inig is mun ago a Tevit.

2 Ilpu Atimarid 1:12

Is tas a Elaija, um ika ehele ra, El ek atimi u Atua ainyak, etmu ahes incap an nohatag, um atnamud euc im natimi et fifte unyum. Is ahes incap an nohatag, um asuol, um atnamud yin im natimi is fifte o un.

Nitaasviitai u Job 1:16

Is wat tas aien, is lep han is ethi, um ika, Is ahes incap u Atua an nohatag, um asuol, um atnamud siip unyum, im ilpu takuras unyum, um auahas ra; ek mun aha ainyak ache par asuptecnaig ehelum.

Saam 106:18

Is cas incap an nibla atimi eris asjapicnaig ara; is atnamud ilpu atimi auatatimi iji ehki nalaume u incap.

Saam 78:21

Va nitai inigki, is atahaijeg a Ihova, um edemda alupas: is adnan cap aien vai ilpu mapoi Jekob, is lep yetpam intavaitap o un irai up Isreel;

Saam 78:63

Is auahas ilpu takuras ura incap; eris lep eti asa atmehgan ura a ilpu atahig ura.

Eksotus 16:7

etu wit lahlah an nuhialeg, akupu ecetai natimi alupas u Ihova aijaua; et idim atahaijeg intas edemda unyimia aien vai Ihova: ecrau lep he aijumrau, mika eka edemda vai cumrau aijaua?

Eksotus 16:9

Is ika a Moses ehele Eron, Namu ika aiek ehele nup Isreel asega, Akumu apam ubutpotet aijaua an nuhup u Ihova: et mun atahaijeg intas edemda unyimia aien.

Aiseya 10:17

Etpu idivaig incap alaume a Inlah u nup Isreel, etpu idivaig nalaume a Atua Itap o un: etpu ahli um atnamud niji cai upunupun im nefelelicai has u nup Asiria an nadiat inyi ethi;

Aiseya 30:33

Vaig inig nikavaig, eris ati Tofet itu acen; maiya, eris ago vai natimarid iyehki; is ika a Atua yi ubo, is ika aien yi hare: et iji iran incap im incai et ahinag; et adnan cap a Ihova, et idivaig narekwas et yah nahlai o un.

Aiseya 33:14

Era imtitaig a ilpu atimi auatatimi Saion; era eucjeucjeucaij a ilpu atimi ago nedo has esjilid; um ika, Et emda a di iraija par amen an cap atnamud? et emda a di iraija par amen an cap inyi eti lep ti?

Niji tas taigtai 3:39

Et a uri a natimi inig et umoh aien par etgai itai, natimi va neruvaig nedo has o un marom?

Esikiel 20:36

Et ika a Natimarid Ihova; Kis imiisjis ehele ilpu retpomia ainyak an namasacen an pece Ijipt, et idim uco, ekpu imiisjis ehelemia ainyak.

Levitikus 10:2

Is ahes incap ehele Ihova, um auahas rau, erus mas arau an nuhup u Ihova.

Nehum 1:5

Et amaamai niji au vai yin, um tup updak niji edoon, et eucjeucjeucaij nobohtan an nuhup o un, nobohtan marom, im lep ra asega era amen iran ara.

Habakuk 3:5

Is uhup iran inmas alupas, is apitac iran nemehe ihlup.

Numera 10:33

Eris ahes an nedoon u Ihova ara, um atga ira adiat is eseij: is lep uhup ira ra ira adiat is eseij nelcau is amen intas alep u Ihova nan, par ahilek nuarin atumop iran imi ra.

Numera 11:18

Namu ika aiek ehele atimi, Akumu yecrei caua aijaua vai imraig, akupu lep caig niji itai umumoh aijaua: akis ehtigtaig aijaua an tikgai Ihova, um ika, Etpu alupai cama nohu itai umumoh incama a di? is upene irama an pece Ijipt: va nitai inigki etpu alupai caua nohu itai umumoh a Ihova, akupu lep caig aijaua.

Numera 12:2

Erus ika arau, Is idim eti tas a Ihova irai Moses ache; is lep tas aien iramrau. Is atahaijeg a Ihova.

Numera 14:2

Eris ehti Moses im Eron a nup Isreel asega: eris lep ika ehele rau natimi asega, El ecris emesmas aijama an pece Ijipt el is upene! el ecris emesmas aijama an namasacen inigki el is upene!

Numera 14:22

Eris almoi natimi alupas unyak, im nedo emda unyak an pece Ijipt im lep an namasacen natimi asega iji igki, ja eris eceten oop nyak ara, um eti atahaijeg nohrak;

Numera 14:27

Ekpu eropse ainyak um yetpan an nahopan vai ilpu atimi auatatimi iji igki era ehti nyak ara? kis atahaijeg intas ehti nyak u nup Isreel ainyak, eris asaig vai nyak ara.

Numera 14:28

Asaig ehele ra mika, Et ika a Ihova, Ek umoh ainyak, et idim uco, ekpu ago vai caua ainyak, et idivaig intas unyimia is yetpam an tikgak:

Numera 16:11

Va nitai inigki eka mun asjapicnaig aijaua asega vai Ihova: di nigki Eron mika aki asan tas has vai yin aijaua?

Numera 16:35

Is ahes incap ehele Ihova, um atnamud natimi is tu huntret im fifte eris ahlap annitai auanipin upene ara.

Numera 17:5

Ja etpu elwa niseuc u natimi inig ekpu ehtai yin ainyak: ekpu lep atapnes intas has o nup Isreel ainyak era asaig vai caurau ara.

Numera 21:5

Eris asan tas ehti natimi vai Atua, im lep Moses, um ika, Arus a uri aijaurau par iknipagki cama an pece Ijipt mika ecri emesmas aijama an namasacen? et ti nitai caig, um ti inwai; ecra lep esjum aijama va nitai caig eti ahgei inigki.

1 Nupu Korindus 10:10

Akumu jim lep tas upoupo aijaua, et idivaig eris tas upoupo nahaiji ra; ja is auahas ra nagelo auahas atimi.

Tyuteronome 25:18

eris aubilid caua an nefalaig ara, um auud ilpu atimi apitac, ilpu atimi auatialidi asega marom, eris apitac ara, akis wat auatialidi aijaua um arici; eris eti imtitaig Atua ara.

Tyuteronome 32:22

Et mun adgan cap an nedemda unyak, etpu atnamud itai um yetpan an nehpanitai ubo acen, etpu atnamud nobohtan im nohwai itai iran, um ahli niji ededuon u niji au.

Tyuteronome 9:22

Akis lep auahas inliinmopoi Ihova aijaua Tabera, im Masa, im Kibrod-hateava.

Ilpu Hibru 12:29

va nitai ineig, nikavaig, “et cop atnamud itai a Atua uja.”

Jakobus 5:4

Et idim ahlaig ijinies nimtan imi ilpu atimi auritai, eris asjapicnai nohoai itai umamia, ja akis imyiaaij aijaua an nedo efaifa: et yetpan nahlaig u ilpu atimi asjapicnai nohoan an tikgai Natimarid ineig et esjilid acen aien.

Juta 1:16

Era ulikulik ara sji eigki, um etgai itai, um imyiaiji merit has ura; era lep asan tas ijinies acen ara, um imyiahpas atimi mika eri leh niji itai ura ara.