Numera 10:30 - Intas Etipup

³⁰ Is ika ehelen aien, Inki eti apan ainyak; ja ekpu apan ainyak an pece unyak, ehele ilpu atimi ehpan irak.

Numera 10:30 Iomraidhean Croise

Ilpu Hibru 11:13

Eris mun emesmas ara sji ehki asega an nimyiisjis ninivaijec ura, eris eti fi ohuun itai eris asan tas upyi asaig vaig, ja eris ecetai itac acen ara, um imyiisjis ninivaijec vaig, um imyiacitak, um asuptecnaig, um ika, eris up uran pece is eche ara, um ilpu atimi amen ehcid an nobohtan.

Ilpu Hibru 11:8

Is wat imyiacaij Ebraham a Atua, mika yi apan aien an pece iyehki, etpu leh aien an tak aopan um ohuun; is imyiisjis ninivaijec aien, is um imyiaiji aien um apan, jam eti ato nuarin ineig inyi apan iran:

2 Nupu Korindus 5:16

Va nitai ineigki ek lep eti ato tah natimi ainyak va niji itai an nobohtan: maiya, el ekis ato Kristo ainyak an niji itai an nobohtan, ek eti lep ato yin ainyak.

Lukas 14:26

El et ham ehelek tah natimi, jam eti amcel vai etman, im risin, im ehgan, im ilpu hal o un, im ilpu etoan, im ilpu atahaig iran, im lep numoh o un, et ehka vai yin nikavaig yi atimi atahaijeg nyak.

Madius 21:29

Is tas aien, um ika, Ek esjum ainyak; ja is lep aktaktai aien, um apan.

Saam 45:10

Ak inhalav atahig unyak, namu atahaijeg aiek, um aktaktai, um atgeig pam intikgam ehelek; jim imiehva inpece unyum, im lep ra an nimnim u etmam:

Jenesis 31:30

As merit alupas aiek nadumoij pan vaig an nimnim u etmam, va nitai inigki as atga unyum aiek, ja as a uri aiek par ahneg niji atmasimai unyak?

Jenesis 12:1

IS ika a Ihova ehele Ebram, Namu udei inpece unyum aiek, im ilpu atimi ehpan iram, im nimnim u etmam, um apan an pece inig ekpu asaig ehelum ainyak:

Madius 21:28

¶ Eka ikha aijaua? Natimi is ethi, is ero inhalav atamaig o un; is apan aien ehele inmetto, um ika, Ak inhal unyak, apan aiek, um auritai inpeig anliin nekaro vaine unyak.

Eksotus 18:27

Is aiheuc vai etmai ehgan a Moses, um adcijaig yin; is atga o un aien, um apan an pece o un.

Ilpu Atimi Tas Alep 1:16

Eris ahes an maliyum irai eaig a ilpu mapoi Hobab, nup u Kinai, natimi ehpan irai Moses, um ahced ilpu mapoi Juta an namasacen Juta, an nahaijin Erat inig et ahes nuritoga iran; eris apan ara um amen ehele atimi.