Numera 10:12 - Intas Etipup

¹² Eris ahes an namasacen Saine a nup Isreel um atga ura; is lep amen napat an namasacen Peran.

Numera 10:12 Iomraidhean Croise

Jenesis 14:6

im nup u Hor an nedoon ura Sier, um yetpan El-peran, ubutpotet pan an namasacen.

Jenesis 21:21

Is amen aien an namasacen Peran: is leh ehgan imi yin a risin an pece Ijipt.

1 Ilpu Atimarid 11:18

Eris ahes Mitian ara um yetpan Peran: eris lep lucsei atimi Peran ara um yetpan Ijipt, ehele Fero natimarid Ijipt; is alupai yin neom aien, um asaig mika eri alaan nitai caig, um alupai yin nuarin nobohtan.

Eksotus 13:20

Eris ahes Sukod ara, um atga ura, um atumop Idam, an na-haijin namasacen.

Habakuk 3:3

Is ahes Timan a Atua um apam; is lep ahes an nedoon Peran a Atua Upene. Sila. Is ataluopni nohatag inlah o un, is ohua nimiahpas yin an nobohtan.

Numera 1:1

IS tas a Ihova ehele Moses an namasacen Saine, an neom er asjapicnaig o un, an nadiat uhup, an mohoc sekunt, an mesese sekunt an nahes ura an pece Ijipt, um ika,

Numera 10:33

Eris ahes an nedoon u Ihova ara, um atga ira adiat is eseij: is lep uhup ira ra ira adiat is eseij nelcau is amen intas alep u Ihova nan, par ahilek nuarin atumop iran imi ra.

Numera 12:16

Eris apitac natimi um ahes Haserod, um apan, um atumop an namasacen Peran.

Numera 13:26

Eris lep apan ehele Moses im Eron im nup Isreel asega ara Ketes, an namasacen Peran, um asuptecnaig intas ehele rau, im lep ehele atimi asega, um ehvaig ehele ra nohwai itai an pece.

Numera 13:3

Is abrai ra a Moses an namasacen Peran vai intas alep u Ihova: eris ilpu atimi alupas u nup Isreel ara sji ehki asega.

Numera 2:34

Eris ago nedo asega inigki a nup Isreel is asaig a Ihova ehele Moses: eris athai eom atga ura ara u niji itaahlaig ura, eris ehraatga natimi asega is tup ethi ache ilpu eteuc ira ra, im niji imnim ura.

Numera 9:1

IS tas a Ihova ehele Moses an namasacen Saine, an mohoc uhup an mesese sekunt an nahes ura an pece Ijipt, um ika,

Numera 9:17

Eris atipagki napat ijinies an neom itap, ja eris par atga a nup Isreel: eris lep athai eom atga ura a nup Isreel an nuarin is amen napat iran.

Numera 9:5

Eris aminjinaig nasjapicnaig iyehki ara an mohoc uhup an nadiat fortiind an jupura an namasacen Saine: eris ago niji itai asega a nup Isreel, is asaig a Ihova ehele Moses.

Tyuteronome 1:1

IS asaig intas iji igki asega a Moses imi nup Isreel, an nahaijin Jortan igcapam, an namasacen, an nuarin marara ubutpotet pan Suf, an niblai uari pece Peran, im Tofel, im Leban, im Haserod, im Tisahab.

Tyuteronome 1:19

Intis ahes Horeb akaija, um atga an namasacen asega iyehki is alupas um has, akis ecetai aijaua ubutpotet pan u nedoon u nup Emor, et idivaig is asaig eheleija a Atua; ja intis yetpam Ketes-barnea akaija.

Tyuteronome 1:7

akumu ahidai caua aijaua, um atga unyimia, um apan an nedoon u nup Emor, im lep irai iji uarin ubutpotet, an nuarin marara, im lep irai edoon, im lep an niskanse, im lep an nuarin inig et ahes nuritoga iran, im lep an nohmunjap, um yetpan an pece u nup u Kenan, im Lebanon, im nofowai alupas, nofowai Yufretes marom.

Tyuteronome 33:2

Is ika aien, Is ahes an nedoon Saine a Ihova, um ehcohos ehele ra irai lola edoon Sier; is naunau aien an nedoon Peran, is ham aien im ilpu atimi upene is ahinag acen o un: is ahes an matan incap, nitai ahaig imi ra.

1 Samuel 25:1

IS mas a Samuel; eris asjapicnaig a nup Isreel asega, um imitaig yin, um atelmoi yin an nimnim o un Rema. Is atidai a Tevit um apan an namasacen Peran.