Numera 10:10 - Intas Etipup

¹⁰ Akumu lep ahlai toho aijaua, ira adiat imiacitak unyimia, im niji adiat asjapicnaig unyimia, im niji upyi het unyimia, va niji itai ahlap atnamud unyimia, im niji itai ahlap naaurinig unyimia; par itai imiehva imi caua an nuhup u Atua unyimia: ek Atua unyimia ainyak Ihova.

Numera 10:10 Iomraidhean Croise

2 Ilpu Atimarid 4:23

Is ika aien, Na a uri aiek par apan ehelen an nadiat inigki; et eti nupyi het nigki, et lep eti nadiat atumop nigki. Is ika aien, Er uauo.

1 Iji Tas Eled 15:24

Eris ahlai toho an nuhup u nelcau u Atua a Sebanaia, im Jehosafat, im Nedaniil, im Amaseai, im Sekaraia, im Bineya, im Eliiser, eris ilpu atimi ahlap ara: erus lep aminjinaig neucse neom va nelcau a Obet-itom im Jehaia.

1 Iji Tas Eled 15:28

Eris imiapam nelcau is amen iran intas alep u Ihova a nup Isreel asega, um ahlaig ijinies, um ahlai ipat, im intoho, um atcei simbal is ijinies nohran, im saltere, im harp.

1 Iji Tas Eled 16:42

erus idim amen ehele ra a Himan im Jetudun, um apos intoho im simbal imi ilpu atimi atcei itai, im niji itai acesaces ohraiitai u Atua. Eris aminjinaig neucse eom a ilpu hal u Jetudun.

2 Niji Tas Eled 29:26

Eris aiji a ilpu mapoi Livai, um apos niji itai ohraiitai is ago a Tevit, im ilpu atimi ahlap eris apos toho ara.

2 Niji Tas Eled 29:28

Eris atpuse a ilpu atimi asjapicnaig asega, eris acesaces nohanitai a ilpu atimi acesaces ohraiitai, eris lep ahlai toho a ilpu atimi ahlai toho: eris ago nitai iji igki um yetpan an nopan iyehki eris ago ehni nitai ahlap atnamud.

2 Niji Tas Eled 7:6

Eris aminjinaig nauritai ura a ilpu atimi ahlap: im lep ilpu mapoi Livai irai iji itai ohrai itai u Ihova, is ago a Tevit natimarid par imiahpas Ihova, vaig inig nikavaig, et idim amen naiheuc o un irai iji mesese, is wat imiahpas Atua a Tevit irai ikmara; eris ahlai toho a ilpu atimi ahlap an nuhup ura, eris lep aiji a nup Isreel asega.

Esra 3:10

Eris wat ago nededuon neom ahlap u Ihova a ilpu atimi auritai, eris ikni ilpu atimi ahlap ara eris aso ra ira apelumai itap ara, um apos intoho, im ilpu mapoi Livai, ilpu mapoi Esaf eris apos simbal ara, par imiahpas Ihova, is idivaig nedo is asaig a Tevit natimarid u nup Isreel.

Nihemaia 12:35

im hal irai ilpu hal u ilpu atimi ahlap eris apos toho ara; nan, Sekaraia inhal u Jonadan, inhal u Semeaia, inhal u Mattanaia, inhal u Maikeya, inhal u Sakkur, inhal u Esaf:

Saam 150:3

Akumu imiahpas yin aijaua an nohran toho: akumu imiahpas yin aijaua irai saltere im harp.

Saam 81:3

Akumu ahlai intoho aijaua, an mohoc uhup, an nehtele-cin-nayi o un, an nadiat asjapicnaig uja.

Saam 81:4

Intas alep vai nup Isreel nigki, im intas is asaig a Atua u ilpu mapoi Jekob.

Saam 89:15

Era mun ahesmoij natimi iji igki era ato intas upene unyum ara: ak Ihova, erupu atga ara an lah an nesganimtam.

Eksotus 28:29

Etmu apos nidai ilpu hal Isreel a Eron an ritin an nitai adahpoi inritin eh tas alep vaig, etu wit apan aien an nuarin itap, nitai imiehva ra an nuhup u Ihova irai iji mesese nigki.

Eksotus 30:16

Namu lep lucsei mune u nup Isreel aiek par itai ahlap, um ikni va nauritai an neom er asjapicnaig o un; miki yi itai imiehva nup Isreel an nuhup u Ihova, um itai ahlap vai caua.

Aiseya 27:13

Im lep inig, an nopan iyehki uhpu ahlai intoho alupas, erupu lep ahtag pam ara eris ilpu ihki atimi ara an pece Asiria, im lep ra eris ilpu ohna ara an pece Ijipt, um atpuse an nuhup u Ihova an nedoon itap Jerusalem.

Levitikus 23:24

Tas ehele nup Isreel aiek, um ika, An mohoc sevend, an nadiat uhup an mohoc iyehki, etmu eteuc imi caua nadiat atumop et ethi, eri ahlai toho iran, mika eri asjapicnaig iran natimi um alaigaheni.

Numera 10:9

El eka ago nedoa aijaua an pece unyimia vai ilpu atimi tak atimi iramia era ehcerucai caua ara, akumu ahlai toho emda aijaua; etpu lep imiehva caua a Ihova Atua unyimia, uhpu lep imiatamaig caua vai ilpu atimi tak atimi iramia.

Numera 28:11

Akumu lep ahlap vai Ihova aijaua an nitai ahlap atnamud an nupyi het unyimia; kurimatau takuras inyi ero, im siip atamaig inyi ethi; im inhakli siip inyi seven et eteuc inmesese et ethi ira ra um ti nitai has ira ra;

Numera 29:1

Akumu apos nasjapicnaig itap aijaua an nadiat uhup an mohoc sevend; jim ago tah nauritai u naheca iran aijaua: nadiat ahlai toho iran iyehki.

Madius 11:28

¶ Akumu ahtag pam ehelek aijaua asega, eka auritai aijaua, et lep opouc nitai ahelwei unyimia, ekpu alupai caua nitai atumop iran ainyak.

Niji auritai o ilpu Apostolo 10:4

Is wat easji pan ehelen aien, um imtitai yin, um ika, Inhe, ak Natimi alupas? Is um ika ehelen aien, Et mun aridjai nalaigaheni unyum, im nedo aiheuc unyum vai ilpu ihki atimi, an nuhup u Atua, nitai imyiehva euc:

1 Nupu Korindus 15:52

an nuarin-nadiat dikjai, an natapanes nesganimtan natimi, uhu wit ahlai intoho apitac: uhpu idim ahlai intoho, erupu anusjai atimi emesmas jam eti lep muttit, etpu lep eche nohuja akaija.

1 Nupu Desalonaika 4:16

Etpu idim ahes an nohatag a Natimarid um asuol pam, etpu esjilid nahlaig o un, lep nohrai Nagelo esjilid, im lep intoho o Atua: erupu uhup um anusjai a ilpu atimi eris emesmas ara ehele Kristo:

1 Nupu Desalonaika 4:18

Va nitai ineigki akumu ago eropse jipe inliinmopomia aijaua irai tas iji eigki.

Josua 4:7

Akumu asuptecnaig ehele ra aijaua, um ika, Eris athasgi inwai Jortan an nuhup u nelcau is amen iran intas alep u Ihova; eris wat imialgaunyi Jortan, is athasgi inwai Jortan: inyi itai imiehva imi nup Isreel inhat iji igki irai iji mesese.

Josua 6:4

Erumu apos intoho inyi seven a ilpu atimi ahlap inyi seven an nuhup u nelcau: ja akumu eceseven arehed an maliyum aijaua an nadiat sevend, erumu lep ahlai toho a ilpu atimi ahlap.

Nitai ehvaig 22:17

Et ika a Nesgan Upene, im lep natahaig ineig et leh natumyu un aien, Namu ham aiek. Etmu lep ika aien et atahaijeg aien, Namu ham aiek. Etmu ham aien et ahvig wai aien. Etmu lep tup umnyi inwai umoh vaig aien et merit vaig aien.

1 Samuel 20:5

Is ika a Tevit ehele Jonadan, Etpu upyi het imraig, eris idim ika, inki ehrateuc ehele natimarid ainyak um hag: ja namu adcijaig nyak aiek mika ki atpuh ainyak an lelitai um yetpan vid an jupura.