Numera 1:53 - Intas Etipup

⁵³ Ja erumu athai eom ura a ilpu mapoi Livai um arehed an neom itap et amen iran intas alep, vai yi jim amen intavaitap u Atua irai up Isreel: erumu lep aminjinaig neom er asjapicnaig o un et amen iran intas alep a ilpu mapoi Livai.

Numera 1:53 Iomraidhean Croise

1 Iji Tas Eled 23:32

um aminjinaig neom itap er asjapicnaig o un, um aminjinaig nuarin itap, um aminjinaig itai u ilpu mapoi Eron ilpu etwara, an nauritai an neom u Ihova.

2 Niji Tas Eled 13:10

Ja et Atua unyima a Ihova, ecris eti atidjima iran aijama; era lep ilpu mapoi Eron a ilpu atimi ahlap era aheca u Ihova ara, era lep ago nauritai ura a ilpu mapoi Livai:

2 Niji Tas Eled 13:11

era atnamud niji itai ahlap ara, im nitai auanipin upene vai Ihova irai iji uhialeg im niji jupura: era lep atijai nareto er ehvaig an nefata irai colt upene; um atni nitai atijai incap alahala iran irai colt, im lamp o un irai iji jupura: ecra aminjinaig nauritai u Ihova Atua unyima aijama: ja akis atidjimia iran aijaua.

Jeremaia 23:15

Va nitai inigki et ika a Ihova esjilid acen vai ilpu profeta; Ekpu idim alaa ra ainyak nitai caig acen, um ika eri umnyi inwai acen: vaig inig nikavaig, et mun ahes irai ilpu profeta Jerusalem nedo imipalea um apaahni an pece asega.

Jeremaia 5:31

Era mun asuptecnaig intas ahcil a ilpu profeta, era mun atau ira ra a ilpu atimi ahlap; era lep merit vai nedo inigki a ilpu atimi unvak: ja aki ago inhe aijaua an nehni o un?

Levitikus 10:6

Is ika a Moses ehele Eron im lep ehele Eliesar im Idamar ohwat hal o un, Ehtijmu jim iknipagki incat adgaig unyimitaij aijautaij, um jim ahpati napelumai unyimitaij; vai ehtiji jim mas aijautaij, um lep yetpam intavaitap ira atimi asega: ja erumu taigtaig a ilpu etwamia, nup Isreel asega, van cap inigki et mun atni a Ihova.

Numera 1:50

ja namu ikni ilpu mapoi Livai aiek mika eri aminjinaig neom er asjapicnaig o un, im nipjiitai asega urin, im niji itai asega o un: erumu apos neom itap ara im niji itai asega o un; erumu aheca o un ara, um atumop u neom er asjapicnaig o un um arehed mihtag.

Numera 1:54

Eris idim ago a nup Isreel is idivaig intas asega is asaig a Ihova ehele Moses.

Numera 16:46

Is tas a Moses ehele Eron, um ika, Leh nipjinitai aiek, um leh incap au natau um ati iran, um ati nitai auanipin upene ijinies iran, um auroauro um apan ehele atimi, um ahlap va nedo has ura; et mun ehlohos nedemda u Ihova: et lep eteuc inmas.

Numera 16:9

et takitai iramia, mika is iknipagki caua irai up Isreel a Atua u nup Isreel, um ikni caua ubutpotet pan ehelen, par ago nauritai an neom itap u Ihova, um atidai an nuhup u atimi asega, um auanaheca vai ra, ka oʼo?

Numera 17:7

Is ikni niseuc iji ehki a Moses an nuhup u Ihova anliin neom iyehki is amen intas alep iran.

Numera 2:17

Erumu atga a ilpu mapoi Livai an niblai atimi um apos neom er asjapicnaig o un: et idivaig natumop ura, etmu lep uce natga ura, erumu amen natimi asega u nitaahlaig ura irai iji uarin ura, athi um athi ehni.

Numera 3:23

Erumu athai eom atga ura a ilpu mapoi Cerson an nahaijin neom itap an nahaijin an nete o un.

Numera 3:29

Erumu athai eom atga ura a ilpu mapoi Kohad an nahaijin neom itap inig et ahes nuritoga iran.

Numera 3:35

Is atimi alupas u ilpu mapoi Mererai a Suriel inhal u Abiheel: erumu athai eom atga ura ara sji igki an nahaijin neom itap inig et ahes narutu iran.

Numera 3:38

Erumu athai eom atga ura an nuhup u neom itap a Moses, im Eron im ilpu hal o un, an nuhup u neom itap marom an nahaijin an ridjai o un, um aminjinaig nuarin itap vai nup Isreel; uhmu lep atgei natimi et eche inyi apan ubutpotet aien.

Numera 31:30

Namu lep lucsei nahaijin fiftied an nahaijin u nup Isreel aiek, nikavaig, natimi, im kurimatau, im togke, im siip, im niji itai eklim edo irai pece asega, um ikni ehele ilpu mapoi Livai, era aminjinaig neom itap u Ihova ara.

Numera 31:47

is leh is ethi irai iji fifte a Moses an nahaijin u nup isreel ira atimi, im niji itai eklim edo irai pece, um ikni ehele ilpu mapoi Livai, eris aminjinaig neom itap u Ihova ara; et idivaig is asaig a Ihova ehele Moses.

Numera 8:19

Kis tup ahtai ilpu mapoi Livai ainyak imi Eron im ilpu hal o un irai up Isreel, par auanaheca u nup Isreel an neom er asjapicnaig o un, um ahlap va nup Isreel: vai yi jim yetpam inmas irai up Isreel, Eru wit apan an nuarin itap a nup Isreel.

2 Timodeus 4:2

mika an asuptecnaig intas aiek; namu emda aiek an naopan ineig et upene, im lep an naopan ineig et eti upene; namu tas aiek ehele atimi, um acaiji ra, um ated ra, anliinmopom eropse im nesege asega unyum.

1 Samuel 6:19

Is auud nup u Bed-simes a Ihova, eris idim adpau anliin nelcau u Ihova ara; maiya, is auud atimi is sevente ira ra aien, eris atimi alupas is fifte: eris taig natimi, vai nitai inig, nikavaig, is auud atimi a Ihova, is esjilid inmas ura.