Numera 1:51 - Intas Etipup

⁵¹ Uhu wit ika eri imiatga neom er asjapicnaig o un, erumu alcapdicraig a ilpu mapoi Livai: uhu wit lep ati neom itap, erumu lep athai a ilpu mapoi Livai: uhmu atgei natimi et eche et apan ubutpotet o un aien.

Numera 1:51 Iomraidhean Croise

2 Samuel 6:7

Ja is ere intavaitap u Ihova vai Ussa; is auud yin eahki a Atua va nedo maumau o un; is mas eahki aien u nelcau u Atua.

Numera 10:11

IS wat adiat twentied an mohoc sekunt, an mesese sekunt, eris atipagki napat ijinies an neom itap is amen iran intas alep.

Numera 16:40

mika yi itai imiehva imi nup Isreel, vai yi jim yetpam tah natimi et eche, et eti ahes irai Eron aien, um ahlap an nitai auanipin upene an nuhup u Ihova; vai yi jim idivaig Kora aien, im ilpu atimi apol iran: is idivaig is asaig ehelen a Ihova irai Moses.

Numera 17:13

Erupu emesmas ara asega era apan ubutpotet u neom u Ihova ara: etpu auahas ehni cama inmas, ka oʼo?

Numera 17:5

Ja etpu elwa niseuc u natimi inig ekpu ehtai yin ainyak: ekpu lep atapnes intas has o nup Isreel ainyak era asaig vai caurau ara.

Numera 18:22

Erumu jim lep ham a nup Isreel ubutpotet pan u neom er asjapicnaig o un, va eri jim lucsei nimtan nedo has ara, um emesmas.

Numera 18:3

Erumu aminjinaig niji itai ara as asaig ehele ra aiek, im niji itai asega an neom itap: ja erumu jim apan ubutpotet u itai an nuarin itap ara im lep natau, va eri jim emesmas ara, im lep caua.

Numera 18:4

Erumu atau imi euc ara, um aminjinaig niji itai eris asaig ehele ra an neom er asjapicnaig o un, va nauanaheca asega an neom itap: etmu jim yetpan ehelemia tah natimi et eche.

Numera 18:7

Va nitai inigki namu aminjinaig nauritai u ilpu atimi ahlap aiek, im ilpu hal unyum irai iji itai asega an natau, im lep niji itai an nuarin er atapin an napelumai; akumu auanaheca aijaua: ek mun ikni caua ainyak mika aki ago nauritai u ilpu atimi ahlap aijaua vai intup naiheuc unyak vai caua: uhmu atgei natimi et eche et apam ubutpotet aien.

Numera 3:10

Namu lep ikni Eron im ilpu hal o un aiek, mika eri ago nauritai u ilpu atimi ahlap ara: uhmu lep atgei natimi et eche et apan ubutpotet aien.

Numera 3:38

Erumu athai eom atga ura an nuhup u neom itap a Moses, im Eron im ilpu hal o un, an nuhup u neom itap marom an nahaijin an ridjai o un, um aminjinaig nuarin itap vai nup Isreel; uhmu lep atgei natimi et eche inyi apan ubutpotet aien.

1 Samuel 6:19

Is auud nup u Bed-simes a Ihova, eris idim adpau anliin nelcau u Ihova ara; maiya, is auud atimi is sevente ira ra aien, eris atimi alupas is fifte: eris taig natimi, vai nitai inig, nikavaig, is auud atimi a Ihova, is esjilid inmas ura.