Numera 1:16 - Intas Etipup

¹⁶ Eris aniv ra sji igki lra atimi, eris esjilid irai ilpu eteuc ira ra ara, um atimi alupas irai iji dausant irai up Isreel.

Numera 1:16 Iomraidhean Croise

Eksotus 18:21

Im lep inig, namu aniv ilpu atimi emda aiek ira atimi asega, era imtitai Atua ara, um inveijec inliinmopora, um eti has ira ra itai; um ikni ra mika eri esjilid ira ra ara, um atimi alupas irai iji dausant atimi, im niji huntret, im niji fifte, im niji ten:

Eksotus 18:25

Is aniv ilpu atimi emda a Moses irai up Isreel asega, um ikni ra mika eri esjilid ira atimi ara, um atimi alupas irai iji dausant atimi, im niji huntret, im niji fifte, im niji ten.

Maika 5:2

Ak nup u Bedlehem Efrata, eka idim eti elpat aijaua irai up u Juta et ahinag acen, ja etpu ahes ehelemia um ehcohos pam vai nyak aien etpu atimarid irai up Isreel aien; is eteuc aien itu acen irai iji mesese asega.

Numera 1:15

Im Ahaira inhal u Inan, irai ilpu mapoi Naftalai.

Numera 1:17

Erus lucsei natimi iji igki a Moses im Eron eris aniv ra:

Numera 1:4

Etmu amen ehelemirau natimi yi athi irai iji ahaiji up Isreel; nikavaig, ilpu atimi esjilid irai ilpu eteuc ira ra.

Numera 10:4

El eh ahlai intoho yi ethi ache, erumu asjapicnaig pam ehelum a ilpu atimi alupas irai iji dausant irai up Isreel.

Numera 11:17

Ekpu lep asuol ainyak um tas ehelum eahki: ekpu ika ainyak inyi idivaig inliinmopom inliinmopora ara; erupu asipiaig nohocred unyum va atimi ara, va an jim echim apos aiek ache.

Numera 16:2

eris tiduari Moses ara, im lep hal irai up Isreel, nikavaig, ilpu atimi alupas is tu huntret im fifte (250), eris ato upene ra natimi, eris lep esjilid ara:

Numera 26:9

Ehtijis hal u Elaiab a Nemuel, im Tedan, im Abairam. Erus atimi erahki a Tedan im Abairam, eris tas vai rau natimi, erus imiisjis ehele Moses im Eron arau pan irai ilpu atimi apol irai Kora, eris wat imiisjis ehele Ihova ara:

Numera 30:1

IS tas a Moses ehele ilpu atimi alupas u niji ahaiji up Isreel, um ika, Nitai inig et mun tas alep a Ihova vaig nigki, nikavaig,

Numera 7:2

eris ikni itai tup ahtai ura a ilpu atimi alupas u nup Isreel, eris esjilid irai ilpu eteuc ira ra ara, um ilpu atimi alupas irai iji elcau, eris esjilid ara irai ra sji ehki eris esvi ra:

Tyuteronome 1:15

Kis lucsei ilpu atimi esjilid ainyak irai iji elcau unyimia, ilpu atimi arapakau eris ato ra, um ikni ra mika eri ilpu atimi alupas unyimia ara, ilpu atimi alupas irai iji dausant, im iji huntret, im ilpu atimi alupas irai iji fifte, im ilpu atimi alupas irai iji ten, im ilpu atimi alupas irai iji elcau unyimia.

Ilpu Atimi Tas Alep 6:15

Is ika ehelen aien, Awe, ak natimi alupas unyak, ekpu imiatamaig nup Isreel ainyak um uauo? et haklin neteuc unyak irai ilpu mapoi Manasi, et lep atimi ihki natimi ainyak irai ilpu hal u etmak.

1 Samuel 22:7

is ika a Saal ehele ilpu aheca o un, eris aiji arehed iran ara, Atahaijeg aijaua, ak nup u Benjamin; etpu idim eti alupai caua asega inuari obohtan im nokoro vaine a inhal u Jese, um eti ikni caua asega mika aki ilpu atimi alupas irai iji dausant (1,000) atimi, im ilpu atimi alupas irai iji huntret (100) atimi;

1 Samuel 23:23

Va nitai inigki almoi aijaua, um ato upene niji uarin asega et atpuh iran aien, um lep adumoij pam ehelek, um asuptecnaig upene; ekpu lep ahced caua ainyak: im lep inig, el et amen an pece inigki aien, ekpu ahilek yin ainyak irai iji dausant u nup u Juta.