Numera 1:1 - Intas Etipup

¹ IS tas a Ihova ehele Moses an namasacen Saine, an neom er asjapicnaig o un, an nadiat uhup, an mohoc sekunt, an mesese sekunt an nahes ura an pece Ijipt, um ika,

Numera 1:1 Iomraidhean Croise

1 Ilpu Atimarid 6:1

ERIS udei Ijipt a nup Isreel, ja is ti pan itac inmesese is for huntret im eete (480), an mesese is ford an natimarid u Solomon irai up Isreel, an mohoc Sif, inmohoc sekunt iyehki, is atupun aien um ago neom u Ihova.

Eksotus 19:1

ERIS ahes Ijipt a nup Isreel, um atga ura, ja is wat ti pan itac inmohoc is eseij, eris yetpan an namasacen Saine ara an nadiat iyehki.

Eksotus 19:2

Eris ahes Refitim ara, um atga ura, um yetpan an namasacen Saine, um atumop an namasacen; eris atumop a nup Isreel ubutpotet pan u nedoon.

Eksotus 25:22

Ekpu ehcohos pan ehelum ainyak an nuarin naico, um tas ehelum ijinies an tapnes an niblai jerub erahki et ero, ijinies an nelcau et amen iran intas alep, va nitai iji igki asega ekpu abrai euc ainyak mika an asaig aiek ehele nup Isreel.

Eksotus 40:17

Eris athai neom atga an nadiat uhup, an mohoc uhup, irai yier sekunt.

Eksotus 40:2

Namu athai neom apelumai aiek, neom er asjapicnaig o un marom, an nadiat uhup an mohoc uhup.

Levitikus 1:1

IS ahlaig vai Moses a Ihova, um tas ehelen an neom er asjapicnaig o un, um ika,

Levitikus 27:34

Intas alep ji igki is asaig a Ihova ehele Moses vai nup Isreel an lolan nedoon Saine.

Numera 1:18

um asjapicnaig natimi asega an nadiat uhup an mohoc sekunt, um aniv ilpu retpora eris ahes ehele ra ara, im ilpu eteuc ira ra, is idivaig eris esvi nidara athiathi, is eteuc inmesese is twente ira ra um eled.

Numera 12:4

Is auroauro a Ihova um tas ehele Moses, im Eron, im Miriam, um ika, Ahtijmu apam aijautaij an neom er asjapicnaig o un. Ehtijis apan ahtaij.

Numera 9:1

IS tas a Ihova ehele Moses an namasacen Saine, an mohoc uhup an mesese sekunt an nahes ura an pece Ijipt, um ika,

Tyuteronome 1:3

Is wat yetpam nadiat uhup an mohoc elevend an mesese fortied, is tas a Moses ehele nup Isreel, um asuptecnaig ehele ra intas asega is asaig ehelen a Ihova;

Tyuteronome 2:14

Intis ahes Ketes-barnea akaija um atga irai mesese is dirte eet, ja par algaunyi inwai yah Siret; um imihum pan an nopan iyehki eris emesmas a ilpu eucsupo asega ira atimi, is idivaig is asaig ehele ra a Ihova.

Tyuteronome 2:7

Is acis yi alwai caua a Ihova Atua unyimia irai iji auritai asega unyimia: et ato natga unyimia aien an namasacen alupas inigki: is amen ehelemia a Ihova Atua unyimia irai mesese is forte iji ehki; akis eti ihki atimi aijaua an tah nitai.