Lukas 9:5 - Intas Etipup

⁵ Eru wit eti leh caua natimi, aku wit ahes an nuarin-pece iyehki aijaua, wat atga unyimia um ucjucjai obohtan irai eduomia aijaua, nitai asuptecnaig imi ra.

Lukas 9:5 Iomraidhean Croise

Nihemaia 5:13

Kis lep eucjeucjaig napelumai unyak ainyak, um ika, Etmu eucjeucjaig natimi asega et uce a Atua irai iji eom ura, im lep ira auritai ura, era eti ehneijid intas upyi asaig inigki ara, uhmu eucjeucjaig ra et uce mika eri ihki atimi ara. Eris ika natimi asega, Emen, um imiahpas Ihova. Eris ago natimi is idivaig intas upyi asaig inigki.

Madius 10:18

uhpu imyiapan caua an nuhup o ilpu atimi alupas im ilpu atimarid vai nyak, nitai asuptecnaig imi ra im lep imi nup urai iji pece.

Markus 6:11

Ara era eti leh caua ara, um eti atahaijeg intas unyimia, aku wit ahes eahki aijaua, wat ika aki atga unyimia, um ucjucjai obohtan irai eduomia, nitai asuptecnaig imi ra. Et inivaijec ineig ek asaig ehelemia ainyak mika, Inyi tintin nohocred o nupu Sotom im nupu Comora an nadiat almaijidjid, ja etpu esjilid nohocred o nup uran nuarin-pece iyehki.

Markus 9:37

Aien et leh inhalav et idivaig ineig aien an nidak, et leh nyak aien; aien et leh nyak aien, et eti leh nyak ache aien, ja et leh yin aien is abrai nyak aien.

Lukas 10:16

Aien et atahaijeg caua aien, et idim atahaijeg nyak aien; aien et amcel vai caua aien, et idim amcel vai nyak aien; aien et amcel vai nyak aien, et idim amcel vai yin aien is abrai nyak aien.

Lukas 5:14

Is acaiji yin aien, mika yi jim asuptecnaig ehelen tah: um ika, Namu apan aiek, um ehvai euc ehele natimi ahlap, um ahlap va nadicinadicin iram, an nitai ineig is asaig a Moses, nitai asuptecnaig imi ra.

Lukas 9:4

Aku wit yetpan aijaua an tah nimnim, um amen eahki, wat uhum pan naopan iyehki aki atga unyimia aijaua.

Lukas 9:48

um ika ehele ra, Aien etpu leh inhalav ineigki an nidak aien, et leh nyak aien; aien etpu leh nyak aien, et leh yin aien is abrai nyak aien: aien et upoupo aien iramia asega, etpu esjilid aien.

Niji auritai o ilpu Apostolo 13:51

Erus ucjucjaig nobohtan irai eduorau arau vai ra, um apan Aikoneum.

Niji auritai o ilpu Apostolo 18:6

Eris wat edwodwai intas o un ara, um asan tas has esjilid, is uc-jucjaig napelumai iran aien, um ika ehele ra, Etmu amen iramia inja iramia; ek adicinadicin ainyak: ekpu ahidaig pan nyak ainyak ehele nup urai taka pece.