Lukas 9:45 - Intas Etipup

⁴⁵ Eris eti ato intas ineigki ara, eris adenaig vai ra, va nitai ineig, eris eti ecetai ara: eris imtitaig ara inlep ahodai yin vaig vai intas ineigki.

Lukas 9:45 Iomraidhean Croise

Madius 16:22

Is asjiraig yin a Pitrus, um ated imi yin, um ika, Kaiheuc vai euc, ak Natimarid: inyi ti yetpam iram nitai iji eigki.

Madius 17:22

ERIS wat amen Calili ara, is um ika ehele ra a Iesu, Uhpu ati Inhal o natimi irai ikma atimi:

Markus 9:10

Ehtijis eti asuptecnaig intas iyehki ahtaij, um tas jipe, um ika, Inhe ineigki, nusjai vai inmas?

Markus 9:32

Eris eti ato intas ineigki ara, jam imtitaig nahodai yin vaig.

Lukas 18:34

Eris eti ato nitai iji eigki ara: eris adenaig intas ineigki vai ra, eris eti ato nitai iji eigki ara eris asuptecnaig.

Lukas 2:50

Ja erus eti ato arau intas i ineig is asaig ehele rau aien.

Lukas 9:46

¶ Eris imyiisjis jipe ara mika, inyi esjilid ira ra tah ra a di.

Joanes 12:16

Eris eti fi ato nitai iji eigki a ilpu atimi atahaijeg yin an naopan iyehki; ja eris wat ehvaig natimi alupas a Iesu, eris imyiehva ara mika eris upyi aged nitai iji eigki vai yin, um lep ago nitai iji eigki iran.

Joanes 12:34

Eris um ika ehelen atimi, Ecra ato aijama an tas alep er ika, etpu amen a Kristo irai iji mesese: na auri aiek par ika, Eris idim ika uhpu atijai Inhat o natimi? Inhal o natimi neigki di?

Joanes 14:5

Is um ika ehelen a Tomas, Ak Natimarid, ecra eti ato aijama inuarin ineig an apan iran aiek; um lep elika vai cama natovaig nefalaig.

Joanes 4:33

Eris um tas jipe a ilpu atimi atahaijeg yin, um ika, Et mun alaan nitai caig tah natimi, ka oʼo?