Lukas 9:44 - Intas Etipup

⁴⁴ Akumu aktaktai upene intas iji eigki aijaua: uhpu ati Inhal o natimi irai ikma atimi.

Lukas 9:44 Iomraidhean Croise

2 Samuel 24:14

Is um ika a Tevit ehele Cat, Et ehka alupas nitai inigki vai nyak: intumu leh nohocred inig akaija et ahes ehele Ihova; et esjilid naiheuc o un: jai inyi eti auahas nyak nikma atimi.

Madius 16:21

¶ Is atupun a Iesu an naopan iyehki um asuptecnaig ehele ilpu atimi atahaijeg yin, um ika, Ek et hidim ika ainyak ki apan Jerusalem, etpu ahinag nohocred unyak vai ilpu atimi tas alep, im ilpu atimi ahlap esjilid, im ilpu atimi esege, erupu atgei nyak ara; ja et wit ti pan itac nadiat inyi eseij ekpu lep nusjai ainyak.

Madius 26:2

Eka ato aijaua, nikavaig, et wit ti pan itac nadiat inyi ero, uhu wit asjapicnaig u napaska; uhpu aniv Inhal o natimi mika eri atgei yin an nauincai atgeig.

Markus 8:31

Is atupun aien um esege imi ra, um ika, Etpu idim ahinag nohocred u Inhal o natimi; erupu amcel vai yin a ilpu atimi tas alep, im ilpu atimi ahlap esjilid, im ilpu atimi esege; uhpu atgei yin, ja et wit ti pan itac nadiat inyi eseij, etpu lep nusjai aien.

Markus 9:31

Is asuptecnaig ehele ilpu atimi atahaijeg yin aien, um ika ehele ra, Eh mun ati Inhal o natimi irai ikma atimi, erupu atgei yin ara; ja uhu wit atgei yin, et wit ti pan itac nadiat inyi eseij, etpu lep nusjai aien.

Lukas 1:66

Eris ikni irai liimopura natimi asega eris atahaijeg ara, um ika, Inyi echamecha inhalav ineigki! Is amen ehelen nikmai Ihova.

Lukas 18:31

IS leucse atimi is twelv aien, um ika ehele ra, Intupu idim apan Jerusalem akaija, uhpu ehneijid niji itai asega eris aged a ilpu profeta vai Inhal o natimi.

Lukas 2:19

Is imyiehva nitai iji eigki asega a Mere, um aktaktai inliinmopon.

Lukas 2:51

Is ahced rau aien, um apan Nasared, um imyiaiji intas urau: ja is apos intas asega iji ehki anliinmopon a risin.

Lukas 24:44

¶ Is ika ehele ra aien, Kis wat amen ehelemia ainyak kis asan tas iji eigki ehelemia ainyak, mika uhpu idim ehneijid irak nitai iji eigki asega eris aged vai nyak an nitasvitai o Moses, im lep an nitasvitai o ilpu profeta, im lep an nitasvitai Ohranitai.

Lukas 9:22

um ika, Eris idim ika etpu ahinag nohocred u Inhal o natimi, erupu amcel vai yin a ilpu atimi tas alep, im ilpu atimi ahlap esjilid, im ilpu atimi esege; erupu atgei yin ara, ja et wit ti pan itac nadiat inyi eseij, etpu lep nusjai aien.

Joanes 16:31

Is um ika a Iesu ehele ra, Eka imyiisjis ninivaijec aijaua an naopan ineig, ka oʼo?

Joanes 16:4

Ja ek mun asupecnaig nitai iji eigki ehelemia ainyak, mika, ct wit yetpam naopan iyehki, aki imyiehva aijaua intas unyak ehelemia. Kis eti fi asuptecnaig nitai iji eigki ehelemia ainyak itu acen, va namen unyak ehelemia:

Joanes 19:11

Is um ika a Iesu, El eh eti alupai euc nemda an nohatag, el et eti emda aiek par ago tah nitai vai nyak: va nitai ineig, et esjilid nedo has o un, et mun atceijai nyak ehelum aien.

Niji auritai o ilpu Apostolo 2:23

ja akis leh yin aijaua, um atgei yin an nauincai atgeig irai ikma atimi auatatimi, et idivaig is atceijai yin a Atua an naktaktai u inliinmopon im nupyi ato o un:

Ilpu Hibru 2:1

VA nedo ineigki eris idim ika ti apos upene nitai iji eigki akaija tis atahaijeg vaig akaija, vai ti jim ehveliek akaija an tah naopan.